Oseas 11:11 - Maung A Balita Biblia

¹¹ Manlapud Egipto maples iran onsabin singa manok, tan manlapud Asiria onsabi ran singa malapati. Iyakar ko ra lamet ed kaabungan da. Siak, say Katawan, so nansalita.”

Maung a Balita Biblia

¹¹ Manlapud Egipto maples iran onsabin singa manok, tan manlapud Asiria onsabi ran singa malapati. Iyakar ko ra lamet ed kaabungan da. Siak, say Katawan, so nansalita.

Oseas 11:11 Referans Kwoze

Isaias 11:11

No onsabiy tan ya agew, ipakana lamet na Katawan so pakayari to, ta pasempeten to la ray totoo to ya atilak ed Asiria, Egipto, diad dalin na Patros, Sudan, Elam, Babilonia, tan Hamat, tan diad saray gilig na dayat tan diad saray isla.

Isaias 60:8

Anto ra yan bapor a singa lorem so panlalayag da? Singa ra malapatin onsesempet la?

Zacarias 10:10

Pasempeten ko ran manlapud Egipto tan Asiria tan manayam ira ed dilin bansa ra. Panayamen ko ra met ed Galaad tan diad Libano; napano na totoo so intiron dalin.

Oseas 7:11

Singa anggapoy kalakal a malapati so kapara na Israel. Nen inmona saray totoo to akikerew iray tulong ed Egipto, insan ira linma ed Asiria!

Obadias 1:17

“Balet wala ray pigaran makabatik ed Palandey na Sion, tan sikatoy magmaliw a masanton pasen. Saray totoon kabyangay boleg nen Jacob et kayaryanen da lamet so dilin dalin da.

Oseas 3:5

Balet onsabiy panaon a saray totood Israel et ompawil ira lamet ed Katawan a Dios da tan diad sakey a kabyangay boleg nen David ya ari ra. Insan takotan day Katawan tan makaawat ira na saray marakep a rigalo to.

Ezekiel 37:25

Manayam irad dalin ya inter kod aripen kon Jacob, diad dalin a nanayaman na saray lalaki ra. Manayam irad man ya anggad angga, pati saray anak da tan amin a kabyangay boleg da. Anggad anggan manoley ed sikara so sakey ya arin singa si aripen kon David.

Ezekiel 37:21

Ibagam ed sikara a siak a Katawan a Dios et alaen kon ipaway ed nandoroman bansa a nikaykayatan na amin a totook, pantitiponen ko ra, insan ko ra iyakar ed dilin dalin da.

Jeremias 31:12

Ondago ra tan mankanta rad liket diad Palandey na Sion tan panliketan da ray rigalok— saray rigalon trigo, alak, tan larak na oliba, saray karniro tan saray baka. Magmaliw iran singa asalusalug a tanamanan, tan nawalaan ira na amin a nakaukolan da.

Ezekiel 34:27

Mambunga ray kakiewan, wala ray bungay kaalogan, tan manayam ed dilin dalin to ya arawid kaatapan so balang sakey a too. No paksoten koy akagolunggolung ed saray totook tan ibolus ko rad saray angaripen ed sikara, naamtaan dad satan a siak so Katawan.

Ezekiel 34:28

Ag la ran balut samsaman na saray bansan anggapoy Dios da, tan ag la ra buagen na saray ayayep ed takel. Mambilay la ran arawid kaatapan, tan anggapo lay manaktakot ed sikara.

Zacarias 8:7

Ilaban ko ray totook ed saray dalin ya akadakepan da,

Zacarias 8:8

tan manlapud bokig tan sagur ipawil ko ran manayam ed Jerusalem. Magmaliw iran totook tan siak so Dios da a manoley ed sikara onung ed inkatoor tan inkatonung.