Oseas 10:14 - Maung A Balita Biblia

¹⁴ ondalan ed saray totoo yo so bakal, tan naderal iray tirinsira yo. Sayan nagawa et singa samay agew a si Ari Salman et dineral tod bakal so siudad na Bet-arbel, tan saray kainaan tan saray anak da et nibasig-basig ira ya anggad ag da impatey.

Maung a Balita Biblia

¹⁴ ondalan ed saray totoo yo so bakal, tan naderal iray tirinsira yo. Sayan nagawa et singa samay agew a si Ari Salman et dineral tod bakal so siudad na Bet-arbel, tan saray kainaan tan saray anak da et nibasig-basig ira ya anggad ag da impatey.

Oseas 10:14 Referans Kwoze

Oseas 13:16

Nepeg a nadusa so Samaria lapud insumpa tod siak. Ompatey ed bakal iray totoo to, nibasig-basig ed dalin iray ogogaw ya ankekelag, tan nabutbutyakan iray malokun a bibii.”

Habacuc 1:10

Luludlureyen da ray arari tan elek-elekan da ray atatagey ya opisyal. Anggapoy tirinsiran makapatondad sikara—mambubunton ira na dalin ed abay na tirinsira et nadadakep da.

Nahum 3:12

Amin da ray tirinsiram et magmaliw iran singa saray kiew na igos ya aluluto la ray bunga ra: yugayog moy sengeg da et napelag lad sangim iray bunga ra!

Nahum 3:10

Balet saray totood Tebes et nibantak irad arum a bansa. Diad inerman a sokung na dalan, saray anak da et nipaspas ira ya anggad ag da impatey. Agolunggolungan a niakar ed arum a bansa iray manonan totoo ra tan nanaapagan ira na saray akadakep ed sikara.

Amos 9:5

Didiwiten na Katawan a Dios a Makapanyarin-amin so mundo, et nayeyegyeg; maneermen ya amin iray totoon manaayam dia. Say intiron mundo et onaatagey tan nakukusbo a singa Ilog na Nilo.

Amos 3:8

No ongwam so lion, siopay ag ontakot? No mansalita so Katawan a Dios, siopay makapangitepel ya ag to ibawag so salitay Dios?

Jeremias 48:41

tan nadakep iray baley tan saray tirinsira. Diad satan ya agew ontakot a singa biin mampapasakit iray sondalo na Moab.

Isaias 33:14

Manggiwgiw ed takot iray makasalanan a totood Sion. Kuanda, “Singa apoy a mandarlang ed anggad angga so panagsintinsia na Dios. Wala kasid sikatayoy makapangitepel ed onyan dalang?”

Isaias 17:3

Naekal iray tirinsira na Israel, tan naoleyan na arum a bansa so Damasco. Napelag ed kababaingan a singa saray totood Israel iray taga Siria a makapaliis ed patey. Siak, say Katawan a Makapanyarin-amin, so nansalita.”

2 Saray Arari 18:33

Wala siriy dios na dinanman a bansa ya inyagel tod impirador na Asiria so dalin to?

2 Saray Arari 17:16

Ag da inonur ya amin iray ganggan na Katawan a Dios da tan nanggawa ray galangen da a duaran mital a bakan kalakyan; nanggawa ra met na sakey a talintao nen diosan Asera, inggalang da ray bitewen, tan nanlingkur irad dios a Baal.

Genesis 32:11

Kerewen kod sika ya iyagel mo ak ed kinen Esau. Antakot ak ta ompan onla dian ondogpad sikami et pateyen to kamin amin, pati saray bibii tan saray ogogaw.

Jeremias 13:14

Insan ko ra panbabasigan a singa saray garapon, matakken may malangwer. Ag nabaat na abagey, panangaro, odino panangasi so pamatey kod sikara.”

2 Saray Arari 17:3

Akibakal ed sikatoy Impirador Salmaneser na Asiria; sinmukoy Oseas ed kinen Salmaneser, kanyan tinaon a nambabayar na buis ed sikato.

Oseas 10:15

Ontan met so nagawad sikayon totood Betel, lapud saray makapasinagem a kaogsan a ginagawa yo. Diad igapo na bakal, ompatey so ari na Israel.”

Amos 3:14

“Diad agew a dusaen ko ray totood Israel lapud saray kasalanan da, deralen ko ray altar ed Betel. Napoter iray suyok na balang altar tan napelag irad dalin.

Mikias 5:11

Deralen ko ray siudad ed dalin yo tan igebak ya amin iray tirinsira yo.