Obadias 1:9 - Maung A Balita Biblia

⁹ Nataktakot iray mibabakal a lalaki a taga Teman, tan napatey ya amin iray sondalo na Edom.

Maung a Balita Biblia

⁹ Nataktakot iray mibabakal a lalaki a taga Teman, tan napatey ya amin iray sondalo na Edom.

Obadias 1:9 Referans Kwoze

Amos 1:12

Lapud saya mangyakar ak na apoy ed siudad na Teman tan poolan ko ray tirinsira na Bozra.”

Ezekiel 25:13

Ibabawag ko natan a dusaen koy Edom tan pateyen kod may balang too tan ayep. Pagmaliwen kon dalin ya andi-kakanaan, manlapud siudad na Taman ya anggad siudad na Dedan, tan napatey ed bakal iray totoo.

Jeremias 49:22

Say kalaban dogpaan toy Bozra; singa agilan onsibar ya akabuskag iray payak to. Diad satan ya agew saray sondalo na Edom ontakot ira a singa biin mampapasakit.”

Jeremias 49:20

Kanyan dengel kayod implanok sumpad saray taga Edom, tan say ginetmak a gawaen ed saray totoon manaayam ed siudad na Teman. Nagayugoy iray anggan ankekelag ya anak da, tan nataktakot so balang sakey ed sikara.

Jeremias 49:7

Sikato yay inkuan na Katawan a Makapanyarin-amin nipaakar ed Edom: “Naandian ta lay kakabatan iray taga Edom? Ag ta la nibaga na saray sumisimbawa ra so nepeg dan gawaen? Naandipat ta lay intiron kakabatan da?

Say Libro nen Job 2:11

Say paniirap nen Job abalitaan na saray taloran kakaaro to a di Elifaz a taga Teman, Bildad a taga Sua, tan Zofar a taga Naaman. Nampapakna ran talo a bisitaen day Job, ta ligliwaen da.

Obadias 1:21

Saray analon lalakid Jerusalem, et dogpaan day Edom tan oleyan da. Say Katawan a dili so manari.”

Amos 2:16

Diad satan ya agew anggan saray sankasebegan a sondalo et ikbanan da ray armas da tan ombatik ira.” Say Katawan so nansalita.

1 Saray Awaran 1:45

Nen inatey si Jobab sinalatan nen Husam a taga dalin na saray Temaneo.

Nahum 3:13

Singa bibii iray sondalom, tan akaparontal ya anggapoy nagawaan ed arap na saray kalaban mo so bansam. Temeken na apoy iray balewet na saray puirtam.

Deuteronomio 2:5

balet ag yo igagapoy mibakal ed sikara, lapud ag ta kayo itdan na anggan sansankarangan a dalin da. Inter ko lay dalin na Edom ed saray kabyangay boleg nen Esau.

Obadias 1:5

“No onloob ed labi iray matatakew, alaen da labat iray labalabay da. No mamborbor na ubas iray totoo, walan walay ikera dan natortor. Balet sigput kayon dineral na saray kalaban yo.

Habacuc 3:3

Onsasabi lamet a manlapud Edom so Dios; onsasabin manlapud kapokdulan na Paran so masanton Dios. Akobutan na kagalangan to so katawenan, tan napno na dayew to so sankamundoan.