Obadias 1:5 - Maung A Balita Biblia

⁵ “No onloob ed labi iray matatakew, alaen da labat iray labalabay da. No mamborbor na ubas iray totoo, walan walay ikera dan natortor. Balet sigput kayon dineral na saray kalaban yo.

Maung a Balita Biblia

⁵ No onloob ed labi iray matatakew, alaen da labat iray labalabay da. No mamborbor na ubas iray totoo, walan walay ikera dan natortor. Balet sigput kayon dineral na saray kalaban yo.

Obadias 1:5 Referans Kwoze

Jeremias 49:9

No manalay ubas iray managborbor, wala ray itilak dan bunga ed saray wakal; no onsabid labi iray matakew, mangala ra labat na labalabay da.

Deuteronomio 24:21

No mamborbor kayod kaubasan yo; ag yo papawilen a tortoren iray atilak; nepeg a betang la ra na saray sangkaili, saray ilila, tan saray bibiin balo.

Isaias 17:6

Pigpigaray makapaliis ed patey; say Israel magmaliw a singa sakey a kiew na oliba ya aborbor la ray bunga to likud ed duara o taloran atilak ed toktok, odino apatira o limaran atilak ed saray sanga to. Siak, say Katawan a Dios na Israel, so nansalita.”

Sofonias 2:15

Ontan so nagawa ed siudad ya ipapangaya toy dilin pakayari to tan ipapasen toy sikaton dili ya arawid kaatapan. Ipapasen na saray totoo to a say siudad da so sankatalonggaringan ed intiron mundo. Magmaliw a begte-begtew a pasen, sakey a pasen a panayaman na saray ayayep ed katakelan! Balang toon ondalan ed saman a pasen et makasoner ed kataktakot to.

Mikias 7:1

Pakaskasi ak la! Singa ak sakey a toon narasan ya anggapoy narumog ton akeraan a bungay kakiewan tan anggapoy bungay ubas a nakdaan ed saray wakal. Aborbor ya amin iray bungay ubas tan amin a masamit ya igos.

Saray Tagleey 1:1

Agaylay ermen na Jerusalem a gendat a napnoy totoo! Gagalangen na sankamundoan nen saman, balet singa biin balo so kipapasen to natan; Sankarakpan nen saman ed saray siudad, balet aripen so nagmaliwan to.

Jeremias 50:23

Minaso tan minekmek na Babilonia so intiron mundo, balet natan apoter la man a maso. Atalagnaw ya amin iray bansa lapud agawad Babilonia.

Isaias 24:13

Onyay nagawad balang bansa ed intiron mundo. Say nagawa et singa pansamput na borbor na bunga, no apaspas la ray bunga ed amin a kiew na oliba tan aborbor lan amiy bunga na sengeg na ubas.

Isaias 14:12

Ari ed Babilonia, masnag a kabontatalad kabwasan, apattak ka lan nanlapud tawen! Adakep mo ray bansa nen saman, balet natan nibantak ka ed dalin.

2 Samuel 1:19

“Diad saray pokdul na Israel inatey iray pangulo tayo! Atumba iray sankasebegan a sondalo tayo!

Puyan 18:10

Manalagey irad arawi, ta antakot irad paniirap to. Ikuanda, “Makapataktakot! Adusa ka, sikan bantug tan makapanyarin siudad na Babilonia ed loob labat na sakey oras!”

Jeremias 6:9

Inkuan ed siak na Katawan a Makapanyarin-amin, “Singa kaubasan a namborboran so Israel; anggapon balut so akeraan a bunga. Kanyan nepeg yon iyagel so siopaman a nayarian yon iyagel, natan, ta wala niy panaon.”

Obadias 1:9

Nataktakot iray mibabakal a lalaki a taga Teman, tan napatey ya amin iray sondalo na Edom.