Obadias 1:17 - Maung A Balita Biblia

¹⁷ “Balet wala ray pigaran makabatik ed Palandey na Sion, tan sikatoy magmaliw a masanton pasen. Saray totoon kabyangay boleg nen Jacob et kayaryanen da lamet so dilin dalin da.

Maung a Balita Biblia

¹⁷ Balet wala ray pigaran makabatik ed Palandey na Sion, tan sikatoy magmaliw a masanton pasen. Saray totoon kabyangay boleg nen Jacob et kayaryanen da lamet so dilin dalin da.

Obadias 1:17 Referans Kwoze

Puyan 21:27

Balet ag balut makaloob diman so antokaman a marotak. Ag met makaloob irad may marotak so panagbilay da tan saray matila. Saray nisulat so kangaranan dad libro na bilay a kayaryay Kordiro so makaloob labat ed siudad.

Amos 9:8

Siak, say Katawan a Dios, et babantayan ko yan makasalanan a nanarian na Israel, tan deralen kod tapew na dalin. Balet ag ko deralen ya amin iray kabyangay boleg nen Jacob.

Joel 2:32

Balet nilaban ya amin iray onkerew na tulong ed Katawan. Onung na inkuay Katawan, ‘Saray pigaran totood Jerusalem et makabatik ira; makapaliis ed patey iray pilien ko.’”

Joel 3:17

“Diad satan, Israelita, naamtaan yo a siak so Katawan a Dios yo. Manaayam ak ed Sion a masanton palandey ko. Magmaliw a masanton siudad so Jerusalem; ag lan balut nadakep na saray taga arum a bansa.

Isaias 60:21

Magmaliw a matonung ya amin iray totoo, Tan kayaryanen dan ando lan ando so dalin. Intanem ko ra, ginawak ira, A mangipatnag ed amin a totoo na inkatalonggaring ko.

Jeremias 46:28

Dagoen ta kayo, ta iyagel ta kayo. Deralen koy amin a bansa ya angikaykayatan kod sikayo, balet ag ta kayo deralen. Andi-saew ya abuloyan kon nadusa kayo; balet no dusaen ta kayo, gawaen ko onung ed katonungan. Siak, say Katawan, so nansalita.”

Isaias 46:13

Papaasinggeren koy agew na pananalo— aliwa lan arawi lamlamang. Ag la naabala so panalok. Ilaban ko so Jerusalem tan iter kod man so kagalangan na Israel.”

Isaias 1:27

Lapud matonung so Katawan, iyagel toy Jerusalem tan amin da ray wadman a magbabawi.

Zacarias 8:3

Ompawil ak ed Jerusalem a masanton siudad ko, tan manayam ak diman. Natawag iman a pasen a matoor a siudad tan say palandey na Katawan a Makapanyarin-amin et natawag na masanton palandey.

Jeremias 44:28

Balet wala rad sikayoy pigaran makapaliis ed patey tan taynan day Egipto ya ompawil ed Juda. Diad satan saray akapaliis ed patey et naamtaan da no siopay akansalita so tinmua, siak o sikara.

Jeremias 44:14

Anggapod saray akeraan a totood Juda a linma ran manaayam ed Egipto, so makabatik odino makapaliis ed patey. Anggapod sikaray makapawil ed Juda a pampilalekan dan panayaman lamet. Anggapoy makapawil, likud labat ed pigpigaran makabatik.”

Ezekiel 7:16

Wala ray ombatik ed kapalandeyan tan singa ra malapatin ataktakot a nanlapud saray patar. Amin da pandageyeman da ray kasalanan da.

Saray Salmo 69:35

Ilaban toy Jerusalem tan iletneg to lamet iray baley ed Juda. Manayam irad may totoo to tan kayaryanen day dalin;

Isaias 4:2

Onsabiy panaon a say Katawan pabalegen tan pagmaliwen ton marakep so balang tanaman tan kiew a walad dalin. Amin da ray nakdaan a totood Israel et ikinon tan panliketan da ray bungay dalin.

Zacarias 8:12

Anggapoy manigensigen ed sikara ed pantanem da. Mambunga ray sengeg na ubas da, mangiter na bungay tanaman so dalin da, tan daakan so ompelag ya oran. Iter ko ra yan amin a bindision ed saray totook ya akapaliis ed patey.

Isaias 65:9

Bindisionan ko ray Israelitan kabyangay tribu nen Juda, tan kayaryanen na saray kabyangay boleg da so dalin kon kapalandeyan. Manayam diman iray pinilik a totoo a manlilingkur ed siak.

Jeremias 31:23

Say Katawan a Makapanyarin-amin a Dios na Israel kuanto, “No papawilen kod dalin da iray totook, ibaga da lamet ed dalin na Juda tan saray baley to, ‘Bindisionan komun na Katawan so masanton palandey na Jerusalem, say masanton pasen a panaayaman to.’

Ezekiel 36:12

Papawilen ta kayo, sikayon totook ya Israelita, a manayam lamet ed dalin yo. Magmaliw a dilin dalin yo, tan ag to lan balut paerasen iray anak yo.

Daniel 7:18

Saray totoo na Sankatageyan a Dios et awaten da so panarian tan anggad anggan mansiansiad sikara yan panarian.”

Joel 3:5

Inaala yo ray pilak ko tan saray balituk ko tan inyaakar yod saray timplo yo iray kayamanan ko.