Obadias 1:14 - Maung A Balita Biblia

¹⁴ Ag yo nepeg so nanalagey komun ed nansasalipongpongay dalan, pian naerel yo ray ombabatik ya onarawid kalaban. Ag yo nepeg ya impalima ra komun ed saray kalaban da diad samay agew na inkairapan da.

Maung a Balita Biblia

¹⁴ Ag yo nepeg so nanalagey komun ed nansasalipongpongay dalan, pian naerel yo ray ombabatik ya onarawid kalaban. Ag yo nepeg ya impalima ra komun ed saray kalaban da diad samay agew na inkairapan da.

Obadias 1:14 Referans Kwoze

Obadias 1:12

Ag yo nepeg a nanliketan komun imay makapasinagem ya agawad saray agagi yod Juda. Ag yo nepeg so nanliket komun ed samay agew na inkaderal da. Ag yo nepeg ya ineelekan ira komun diad samay inkaermenan da.

Amos 1:9

Say Katawan kuanto, “Nankakasalanan iray taga Tiro, kanyan andi-saew a dusaen ko ra. Inyaakar dan adakep ed dalin na Edom iray amin a totood sakey a bansa, tan ag da tinoor so impisipanan dan mikaaro.

Amos 1:6

Say Katawan kuanto, “Nankakasalanan iray taga Gaza, kanyan andi-saew a dusaen ko ra. Inaala da ray amin a totood saman a bansa, insan da ra inlalakon aripen ed saray taga Edom.

Jeremias 30:7

Onsasabi so sakey a makapataktakot ya agew; anggapoy agew a makapipara ed sikato— sikatoy panaon a kagunigon na saray totook, balet nayarian dan agwantaan.”

Isaias 37:3

Saya so impaikuantod kinen Isaias: “Agew natan na kairapan; nadudusa tan nipepelag itayod kababaingan. Singa itayo biin asabi lay pananak to, balet ta makapkapoy a mangipaway na ogaw.

Saray Salmo 31:8

Ag mo inyabuloy a nadakep ak na saray kalaban ko; initdan mo ak na kawayangan ya onlad labay kon laen.

Genesis 35:3

Onekal itayo la dia tan onla itayo ed Betel, a dimay panggawaan koy altar a para Dios a tinmulong ed siak nen wala ak ed kairapan tan inoolup to ak ed inerman a nilak.”

Mateo 22:9

Kanyan lakayod saray nansasangaay dalan tan imbitaan yo ray amin a nanengneng yo.’

Isaias 16:3

Kuandad saray totood Juda, “Ibaga yod sikamiy gawaen mi. Iyagel yo kami pa; magmaliw kayo pan singa kiew a mangilaknab na anino tod kapetapetangay agew tan pampainawa yo kami pad sirum yo. Ibabatikan mi ray kalaban; iyamut yo kami pad pasen ya ag da kami naalmo.

Isaias 16:4

Panayam yo kami pa lad dalin yo. Iyagel yo kamid saray malabay a manderal ed sikami.” (Mangangga so panagpairap tan panagderal, et naandi ray mandederal na bansa.