Nehemias 9:5 - Maung A Balita Biblia

⁵ Saray onggendan a Levita tinawag dan mangigalang iray totoo: Jesua, Cadmiel, Bani, Hasabnias, Serebias, Hodias, Sebanias, tan Petahias. Inkuanda: “Alagey kayo tan idayew yoy Katawan a Dios yo; idayew yo ed ando lan ando! Idayew komun na balang sakey a too sa mapagalang a ngaran to, anggaman ya aliwan nagnap so panangigalang na too.”

Maung a Balita Biblia

⁵ Saray onggendan a Levita tinawag dan mangigalang iray totoo: Jesua, Cadmiel, Bani, Hasabnias, Serebias, Hodias, Sebanias, tan Petahias. Inkuanda: Alagey kayo tan idayew yoy Katawan a Dios yo; idayew yo ed ando lan ando! Idayew komun na balang sakey a too sa mapagalang a ngaran to, anggaman ya aliwan nagnap so panangigalang na too.

Nehemias 9:5 Referans Kwoze

1 Pedro 1:3

Nagalang komuy Dios tan Ama na Katawan tayon Jesu-Cristo! Lapud baleg a panangasiy Dios Ama, initdan to itayoy balon bilay diad panamegley na inkiolid bilay nen Jesu-Cristo. Sayan balon bilay so angiter ed sikatayoy mabilay ya ilalo,

2 CORINTO 4:6

Ta say Dios ya angibaga, “Ompaway a manlapud kabilongetan so liwawa!” et sikato lamlamang so angiwandag na liwawad saray puso mi, pian nakabatan miy kagalangay Dios a mandarlang ed lupa nen Cristo.

Mateo 11:25

Inkuanen Jesus ed satan, “Misasalamat ak ed sika, Ama, Katawan na tawen tan dalin, ta inyamut mo ra yan bengatla ed saray makabat tan makatalus, tan impaamtam ed saray totoon mapaabeban singa saray ogogaw.

Esdras 3:11

Nankakanta ra a pangidayew tan pisalamat dad Katawan. Inolit-olit dan kinanta yan parti na kanta: “Maung so Katawan tan say ag mangoman a panangaro tod Israel et andi-anggaan.” Inmeyag so balang sakey na anggaay nayarian to; indayew day Katawan lapud nigapo lan niletneg so pundasion na Timplo.

1 Saray Awaran 29:13

Pisalamatan mi ka natan, O Dios mi, tan idayew mi so mapagalang a ngaran mo.

Saray Salmo 146:2

Idayew ko so Katawan legan kon mambibilay; Kantaan ko so Dios ko diad intiron bilay ko.

Saray Salmo 145:5

Salitaen da so kagalangan tan say katageyan mo, tan dalepdepen ko ray makapakelaw a gawgawam.

Saray Salmo 145:2

Agew-agew a misalamat ak ed sika; anggad-angga ya idayew ta ka.

Saray Salmo 134:1

Dago kayo, ta idayew yoy Katawan, amin yon aripen to, amin a manlilingkur ed Timplo to no labi.

Saray Salmo 106:2

Siopay makapangidalatdat na amin iray makapakelkelaw a ginagawa to? Siopay makapangidayew na nagnap ed sikato?

Saray Salmo 16:2

Kuankod Katawan, “Sika so Katawan ko; manlalapud sika ya amin iray maung a bengatlan walad siak.”

2 Saray Awaran 20:19

Saray Levitan kabyangay boleg di Coat tan Cori et nanalagey ira tan makmaksil dan indayew so Katawan a Dios na Israel.

2 Saray Awaran 20:13

Amin da ray lalaki ed Juda, pati saray kaasawaan tan saray anak da, et manalalagey irad man ed arap na Timplo.

1 Saray Awaran 29:20

Insan ingganggan nen David ya amin iray totoo, “Igalang yoy Katawan a Dios yo!” Kanyan inggalang na amin da ra may totoon nantitipon so Katawan a Dios na saray lalaki ra. Tinmewek ira diad impangigalang dad Katawan tan diad impangidayew dad ari.

1 Saray Awaran 29:11

Kayaryan mo, Katawan, so talonggaring, pakapanyari, pananalo, kagalangan, tan tanduro. Kayaryan moy amin a bengatlad tawen tan diad dalin. Sika so ari tan sankatageyan a manoley ed ganagana.

1 Saray Arari 8:27

“Balet tua kasin makapanayam ka ed tapew na dalin, O Dios? Ag ka nakarga na anggan say intiron tawen; panon ko sirin a kargaen na sayan Timplon impaalagey ko?

1 Saray Arari 8:22

Kayari to ya, dia nid arap na saray totoo, nanalagey si Solomon ed arap na altar. Intagey to ray lima to

1 Saray Arari 8:14

Legan a manalalagey iray totood man, inarap ira nen Ari Solomon, tan kinerew ton bindisionan iray Dios.

Deuteronomio 28:58

“No ag yo pampelengan ya onuren iray amin a bangat na Dios a nisulat ed sayan libro tan no ag yo pagalangan so makapakelaw tan makapataktakot a ngaran na Katawan a Dios yo,

Exodo 15:11

“Katawan, siopad saray diriyos so singa sika? Siopay singa sikan makapakelaw ed inkasanto? Siopay makapanggawa na saray milagro tan saray makapakelaw a gawa a singa saray ginagawam?

Exodo 15:6

“Say kawanan a limam, O Katawan, et walaan na makapakebyew a pakayari; bingbingkasen to ray kalaban.

1 Saray Arari 8:15

Inkuanto, “Nagalang komun so Katawan a Dios na Israel! Sinumpal toy sipan tod amak a David, nen inkuantod sikato,

Nehemias 9:4

Walay intabladon para saray Levita, tan dia ra nanalagey di Jesua, Bani, Cadmiel, Sebanias, Buni, Serebias, Bani, tan Kenani. Maksil so bosis dan nampikasi ed Katawan a Dios da.

Nehemias 9:6

Insan saray totood Israel nampikasi ra na onya: “Sika, Katawan, sika labat so Katawan; pinalsam iray katawenan tan saray bitewen ed tawen. Pinalsam so dalin tan say dayat tan amin a logan da; initdan moy bilay iray amin a bengatla. Ondadakmomo tan mangigagalang ed sika iray mangatatawen a pakayari.

Saray Huis 13:18

Inkuan na samay anghil, “Akin et labay mon kabaten so ngaran ko? Say ngaran ko et sakey a makapakelaw a ngaran.”

1 Saray Awaran 16:36

Idayew yoy Katawan a Dios na Israel! Idayew yo natan tan anggad angga! Insan inkuan na amin a totoo, “Amen,” tan indayew day Katawan.

Say Libro nen Job 1:21

Inkuanto, “Nianak ak a kalima-lima, ompatey ak a kalima-lima. Angiter so Katawan tan natan binawi to. Nadayew komun so ngaran to!”

Saray Salmo 66:2

Mankanta kayon mangigalang ed ngaran to; nagnap a dayew so iter yod sikato!

Saray Salmo 99:3

Idayew na amin a katoowan so matalonggaring tan mapagalang a ngaran to. Sikatoy masanto!

Daniel 2:20

“Say Dios makabat tan makapanyari! Sikatoy idayew yo ed ando lan ando.