Nehemias 9:15 - Maung A Balita Biblia

¹⁵ “Nen naerasan ira initdan mo ray tinapay a nanlapud tawen; nen napgaan ira initdan mo ray danum a nanlapud baton dampay. Imbagam ed sikara a kayaryanen day dalin a sinambaan mon iter ed sikara.

Maung a Balita Biblia

¹⁵ Nen naerasan ira initdan mo ray tinapay a nanlapud tawen; nen napgaan ira initdan mo ray danum a nanlapud baton dampay. Imbagam ed sikara a kayaryanen day dalin a sinambaan mon iter ed sikara.

Nehemias 9:15 Referans Kwoze

Deuteronomio 1:8

Amin da ra yan pasen et sikaray dalin ya insipan ko, siak a Katawan, ya iter ed saray lalaki yon di Abraham, Isaac, tan Jacob, tan diad saray kabyangay boleg da. Laka yo sirin tan panayaman yo.’”

Exodo 17:6

Manalagey ak ed arap mo diad tapew na sakey a baton-dampay ed palandey na Sinai. Pekpek mo so baton-dampay, et ompaway diman so danum ya inomen na saray totoo.” Ginawa nen Moises imay imbaga na Katawan diad arapan na saramay pangulo na Israel.

Exodo 16:4

Say Katawan kuantod kinen Moises, “Natan paoranen ko a manlapud tawen na kakanen a para sikayon amin. Saray totoo et nepeg ya ompaway iran inagew-agew a manala na kanen dan onduga ed sanagew. Diad onya nasubok ko no onuren da kasi iray bilin ko.

Ezekiel 20:15

Kanyan sinambaan ko ya ag ko ra iyakar ed inter kod sikaran dalin a mayaman, mataba tan sankaabigan ed amin a dalin.

Saray Salmo 114:8

say Dios a gagawaen ton danum iray baton dampay, tan managos a sobul iray baton kalipkip.

Deuteronomio 8:3

Pinaerasan to kayo, insan to kayo initdan na mana a kanen yo, say tagano ya ag yo nin balut atawayan, sikayo tan saray lalaki yo. Onmay ginawa to pian nibangat to kayo ya aliwan tinapay labat so pambilay na too, no ag ingen mambilay met ed amin a salita na Katawan.

Nehemias 9:20

Lapud kaabigan mo imbagam, so nepeg dan gawaen; initdan mo ray mana a kanen da, tan danum ya inomen da.

Saray Bilang 14:30

Insipan ko a panayamen ta kayod man, balet anggapo la natay makapanayam diman likud ed kindi Caleb tan Josue.

Genesis 14:22

Inmebat si Abram, “Sambaan kod Katawan, say Sankatageyan a Dios a Manamalsay tawen tan dalin,

Exodo 6:8

Iyakar ta kayod dalin a sinambaan ko ya iter ed kindi Abraham, Isaac, tan Jacob; iter kod sikayo a kayaryan yo. Siak so Katawan.’”

Exodo 17:3

Balet mapalaloy inkapgaan na saray totoo, kanyan intuloy day nanriklamo ed kinen Moises. Inkuanda, “Akin et impaway mo kamid Egipto? Pian napatey mo kamid eras, sikami, saray anak mi, tan saray ayayep mi?”

Isaias 48:21

Nen inwanwan na Katawan ed kalawakan iray totoo to, ag da asaliy napgaan. Pinapaway ton para sikara so danum ed baton-dampay; nilengat toy baton-dampay, et inmagos so danum.

Jeremias 32:23

Balet nen akakar irad sayan dalin tan kinayaryan da, ag da inonur iray ganggan mo odino nambilay onung ed bangat mo; ag da sinumpal so antokaman a pagagawam ed sikara. Sikato yay makasengeg no akin et inyakar mod sikara yan amin a deral.