Nehemias 9:14 - Maung A Balita Biblia

¹⁴ Imbangat mo ra a ngilinan da ray masanton Agew na Panagpainawa, tan inter mod sikara iray ganggan mo diad panamegley nen Moises ya aripen mo.

Maung a Balita Biblia

¹⁴ Imbangat mo ra a ngilinan da ray masanton Agew na Panagpainawa, tan inter mod sikara iray ganggan mo diad panamegley nen Moises ya aripen mo.

Nehemias 9:14 Referans Kwoze

Ezekiel 20:12

Ginawak a say panngilin ed Agew na Panagpainawa et tanda na paknaan mi, pian mangipanunot ed sikara a siak a Katawan so mamapasanto ed sikara.

Genesis 2:3

Binindisionan na Dios yan kumapiton agew tan imbiig ton sakey a masanton agew, ta diad sayan agew asumpal toy impamalsa tod ganagana tan nampainawa.

Ezekiel 20:20

Pagmaliw yon masanto so Agew na Panagpainawa, pian magmaliw a tanda na sipanan tayo, tan mangipanunot ed sikayo a siak so Katawan a Dios yo.

Exodo 16:29

Ag mo lilingwanan a siak a Katawan et initdan ta kayoy sakey ya agew a panagpainawa, kanyan diad kumanem ya agew itdan ta kayo lawas na kakanen ya ondugad loob na duay agew. Balang sakey nepeg a manayam ed kawalaan to no agew na panagpainawa tan ag to onalis ed abung to.”

Exodo 16:23

Inkuantod sikara, “Say Katawan ingganggan to a nabwas et masanton agew na panagpainawa, say agew a nisaklang ed Katawan. Iyorno yo lan amin natan so labay yon ornoen, tan ilambung yo lay labay yon lambungen. Isinup yoy antokaman ya ikera yon para nabwas.”

Juan 1:17

Inter na Dios so Ganggan ed panamegley nen Moises, balet say aro tan katwaan sinmabid panamegley nen Jesu-Cristo.

Nehemias 1:8

Nunot mo pa may inkuanmod kinen Moises: ‘No aliwa kayon matoor ed siak, sikayon totood Israel, itaytayak ta kayod arum a bansa.

Deuteronomio 5:31

Balet sika, Moises, tilak ka ni dia, ta iter kod sika ray amin a ganggan tan bilin ko. Ibangat mod saray totoo, pian naonur da ra no wala la rad dalin ya iter kod sikara.’

Deuteronomio 4:45

Inter to ra yan ganggan ed sikara nen akapaway irad Egipto tan wala la rad patar a bokig na Ilog na Jordan tan kasumbaliwan na baley na Bet-peor. Sayan pasen kabyangan na dalin nen Sehon ya ari da ray Amorreo a sikatoy nanoley ed baley na Hesbon. Si Moises tan saray Israelita et tinalo ray Sehon nen pinmaway irad Egipto.

Deuteronomio 4:5

“Imbangat kod sikayo ray amin a ganggan onung na imbagad siak na Katawan a Dios ko. Onur yo ra ed dalin a ngalngali yo la looban tan panayaman.

Levitico 27:34

Sikara yay ganggan ya inter na Katawan ed kinen Moises diad tagey na Palandey na Sinai; nepeg ira yan onuren na saray totood Israel.

Exodo 24:12

Say Katawan kuantod kinen Moises, “Laen mo ak diad toktok na palandey tan, no wadman ka la, itdan ta ka na duaran tapyak a bato ya angitatakan ko na saray ganggan ko ya onkanan panaralan na saray totook.”

Levitico 19:3

Balang sakey ed sikayo et nepeg a pangalangan toy ina to tan say ama to, tan nepeg a ngilinan toy Agew na Panagpainawa, onung na ingganggan ko. Siak so Katawan a Dios yo.

Nehemias 10:32

Tinaon kamin manginagnag na kakawalo na sakey onsan pilak ya itulong mid gastosen ed Timplo.

Ezekiel 20:11

Inter tan imbangat kod sikara iray ganggan ko a mangiter na bilay ed saray mangoonur.