Nehemias 8:17 - Maung A Balita Biblia

¹⁷ Amin da ray totoon pinmawil manlapud inkadakep nanggagawa ra na saray abung-abung tan nanaayaman da. Natan labat so impakagawa to ya nanlapud saramay agew nen Josue a lakin anak nen Nun, kanyan mapalaloy liket na balang sakey ed sikara.

Maung a Balita Biblia

¹⁷ Amin da ray totoon pinmawil manlapud inkadakep nanggagawa ra na saray abung-abung tan nanaayaman da. Natan labat so impakagawa to ya nanlapud saramay agew nen Josue a lakin anak nen Nun, kanyan mapalaloy liket na balang sakey ed sikara.

Nehemias 8:17 Referans Kwoze

2 Saray Awaran 8:13

Angisaklang na saray bagat a popoolan onung na ibabagay Ganggan nen Moises kapag nasabi ra yan masanton agew: Agew na Panagpainawa, Pistay Balon Bulan, tan saray taloran tinaon a pista, salanti, Pistay Tinapay ya Anggapoy Libadura, Pistay Panagani, tan Pista na saray Abung-abung.

Esdras 3:4

Sinilibraan da so Pista na saray Abung-abung onung ed saray totontonen a nisulat, tan kapag agew angisaklang ira na saray bagat a nakaukolan ed saman ya agew.

Saray Hebreo 11:13

Diad pananisia, inatey ira yan amin a totoo. Ag da agamuran iray insipay Dios, balet malikeliket irad impakanengneng dad sarayan sipan, anggaman a mabayag niy pakagawad saraya. Binirbir dan sangkaili ra tan mimiayam ira labat diad tapew na dalin.

Saray Hebreo 11:9

Lapud pananisia, nanayam a singa sangkaili ed bansa ya insipay Dios ed sikato. Nanayam diman ed saray tulda, tan kaiba to ra di Isaac tan Jacob ya angawat met ed Dios na namparan sipan.

Saray Hebreo 4:8

No niiter nen Josue ed saray totoo so painawan insipay Dios, ag la komun sinalitay Dios so nipaakar ed sakey nin agew a panagpainawa.

Juan 1:14

Nagmaliw a too so Salita tan akiayam ed sikatayo. Anengneng miy kagalangan to a napnoy aro tan katwaan. Inawat to yan kagalangan ed Ama, ta sikatoy bogbogtung ya Anak.

2 Saray Awaran 35:18

Nanlapu lad samay panaon nen propita Samuel, anggapo niy singa onyan impansilibra na Paskua. Anggapoy arum ya arin nansilibra na Paskua a singa sayan impansilibra di Ari Josias, saray papari, saray Levita tan saray totood Juda, Israel, tan Jerusalem,

2 Saray Awaran 30:26

Awalaan na baleg a liket so Jerusalem, lapud anggapoy singa onyan agawa nanlapud samay panaon nen Ari Solomon a lakin anak nen David.

1 Saray Awaran 29:22

Kanyan diad saman ya agew malikeliket ira legan dan nanaakan tan naniinom diad arap na Katawan. Imbawag dan manari si Solomon; kumadwa la yan impangibawag da. Diad ngaran na Katawan nilanaan da a manoley ed sikara tan nilanaan da met a mampari si Sadoc.

Josue 1:1

Kayariy impatey nen Moises ya aripen na Katawan, say Katawan akitongtong ed kinen Josue a lakin anak nen Nun tan katulong nen Moises.

Deuteronomio 16:15

Pagalangan yo so Katawan a Dios yo diad panamegley na pansilibra yon pitoy agew diad samay pasen diad sakey a pasen a panangigalangan. Manliket kayo, ta binindisionan na Katawan so panagani yo tan say kimey yo.