Nehemias 6:15 - Maung A Balita Biblia

¹⁵ Kayariy impankimey a limamplo tan duay agew, asumpal so impamaalagey lamet ed padir nen kumaduamplo tan liman agew na bulan na Elul.

Maung a Balita Biblia

¹⁵ Kayariy impankimey a limamplo tan duay agew, asumpal so impamaalagey lamet ed padir nen kumaduamplo tan liman agew na bulan na Elul.

Nehemias 6:15 Referans Kwoze

Daniel 9:25

Amtaen tan talusan mo ya: Manlapud kipaakseb na ganggan a nipawil ed gendat a kipapasen so Jerusalem ya anggad isabi na pangulon pinili na Dios, mamimpiton pitoran taon so napalabas. Nipaalagey lamet so Jerusalem; nipawil iray dalan tan saray mabiskeg a tirinsira to, tan mansiansia ra ya a mamimpiton anemaplo tan duan taon, balet panaon ya na saray gunigon.

Saray Salmo 1:3

Aliling toy kiew a nitanem ed abay na managos a danum; mambubunga no panaon to tan ag namamagaan iray bolung to. Onaaligwas iray amin a gagawaen to.

Esdras 6:15

Asumpal dan impaalagey so Timplo nen kumanem a taon na panooley nen Impirador Dario sanen kumatlon agew na bulan ya Adar.

Nehemias 7:1

Apasimbalo lan nipaalagey so padir, nilira la ray puirta, tan niiter lay kimey da ray guardiay Timplo, saray kumakantad Timplo, tan saray arum a Levita.

Esdras 6:14

Saray pangulo da ray Judio et maples so impangipaalagey dad Timplo, ta apabiskeg so linawa ra lapud saray salita di propita Aggeo tan Zacarias. Asumpal dan impaalagey so Timplo onung na impaiganggan ed sikara na Dios na Israel, tan di Ciro, Dario, tan Artajerjes ya impirador irad Persia.

Saray Salmo 147:2

Say Katawan ipapaalagey to lamet so Jerusalem; papapawilen to ray Israelitan nibantak ed sananey a bansa.