Nehemias 6:13 - Maung A Balita Biblia

¹³ Inupaan dan mamatakot ed siak pian onabuloy ak, et diad ontan mankasalanan ak. Naderal dad satan so kagalangan ko tan napabaingan da ak.

Maung a Balita Biblia

¹³ Inupaan dan mamatakot ed siak pian onabuloy ak, et diad ontan mankasalanan ak. Naderal dad satan so kagalangan ko tan napabaingan da ak.

Nehemias 6:13 Referans Kwoze

Jeremias 20:10

Narerengel koy paneesaesan na saray karaklan, “Makapataktakot ed anggan iner a pasen! Kanyan idalem tayod saray makankanepegan!” Anggan saray kakaarok a malet aalagden day kapelag ko. “Angangko nayarin palikdoen,” kuanda; “naerel tayo sirin tan makabawi tayo.”

Santiago 4:17

Siopamay makaamtay maung a nepeg ton gawaen, balet et ag to gawaen, sikatoy mankasalanan.

2 Timoteo 1:7

Ta say Ispiritun inter na Dios ed sikatayo et ag to itayo pagmaliwen a matakot, no ag ta initdan to itayoy pakayari, panangaro, tan panagadya ed sikatayon dili.

Jeremias 18:18

Insan inkuan na saray totoo, “Pankokomplutan tayo lay Jeremias! Wala ray paparin mangibangat ed sikatayo, saray makabat a totoon manimbawad sikatayo, tan saray propitan mangibaga na salitay Katawan. Akusaen tayo, tan tondaan tayo lay ondengel ed ibabaga to.”

Probirbio 29:5

No papalikdoen moy kaparam a too, papatitan moy sikan dili.

Nehemias 6:6

Onyay logan na sulat: “Imbagad siak nen Gesem a nibabalitad saray totood kaliber-liber a bansa a sika tan saray kaparam a Judio et getma yoy onlaban ed oley, kanyan papasimbaloen yon ipaalagey so padir. Imbaga to ni a pilalek moy magmaliw ya ari,

Puyan 21:8

Balet saray matakot, saray aliwan mananisia, saray marotak so panagbilay da, saray managpatey na too, saray managkasalanan na inmoralidad, saray managanito, saray manangigalang ed saray talintaoy diriyos, tan amin iray matitila—nibantak ira yan amin ed samay dayat a manliub ya apoy tan asupri, a sikatoy kumadwan patey.”

Tito 2:8

Nakaukolan ya ag nabalaw so antokaman a salitaen mo, pian nabaingan iray sumpad sika, diad ag da pakapangibagay antokaman a maoges a sumlang ed sikatayo.

1 Timoteo 5:14

Kanyan para say siak, labay kon miasawa lamet iray malangwer a bibiin balo, mananak tan asikasoen day dilin abung da, pian saray kalaban et ag ira nawalaay pankanawnawa a mamaoges ed sikatayo.

2 CORINTO 11:12

Ituloy koy gagawaen ko natan, pian anggapoy nikatonungan da ra tay “apostol” diad pampapasirayew da tan pangibabaga ran say panlilingkur da et singa panlilingkur mi.

Saray Gawgawa 6:13

Imparontal day pigaran tasi a mantilan nipaakar ed sikato. “Sayan too,” inkuanda, “et ag ontotondan mansalitay maoges sumpad masanton Timplo tayo tan say Ganggan nen Moises.

Mateo 26:59

Ginawa na saray manonan papari tan amin a kabyangay Sanidrin so anggaay nayarian da a mananap na ipakasalanan dad kinen Jesus, pian napapatey da.

Mateo 22:15

Tinmaynan iray Pariseo tan nantotongtongan da no panoy pangerel dad kinen Jesus, diad panamegley na pantepet da.

Mateo 10:28

Ag yo tatakotan iray mamatey na laman ya ag da balet napatey so kamarerwa. Say Dios so takotan yo, ta nayarian ton deralen ed impirno so kamarerwa tan laman.

Ezekiel 2:6

“Balet sika a toon ompatey, ag mo ra tatakotan odino saray ibabaga ra. Sumpaen da ka tan pabaingan da ka; singa kad satan mimiamung ed saray alakdan. Ag mo tatakotan ira man a totoon mananumpa odino saray ibabaga ra.

Jeremias 1:17

Mamparaan ka, Jeremias; laka, ta ibagam ed sikaray amin ya ingganggan kod sikan salitaen mo. Ag ka la natan ontatakot ed sikara; ta no andi, pagmaliwen ta kan lalon ontakot no wadman ka lad sikara.

Isaias 57:11

Say Katawan kuanto, “Siopa ra yan diriyos a mamapatakot ed sikayo, kanyan tilatilaan yo ak tan sigput yo ak lan lilingwanan? Tinondaan yo lay pangigagalang yod siak lapud abayag ak ya ag oneseesel?

Isaias 51:7

“Dengel yo ak, sikayon makaamta na inkatonung, sikayo ran mabmabli ed puso, yoy bangat ko. Ag kayo natatakot no balbalawen tan pabpabaingan kayo na saray totoo;

Ecclesiastes 7:1

Say maung a ngaran et magmaung ni nen say mabmablin pabalingit; say agew na ipatey na too et maung ni nen say agew na inkianak to.

Probirbio 22:1

No sikay pampilien ed malinis a kagalangan tan say baleg a kayamanan, pilim so malinis a kagalangan.

Nehemias 6:12

Nen ninudnunot ko ya, abirbir kon ag nansalitay Dios ed kinen Semaya, no ag ta inupaan di Sanbalat tan Tobias a mamasakbay ed siak.