Nehemias 6:11 - Maung A Balita Biblia

¹¹ Inmebat ak ed sikato, “Aliwa ak a toon batik-batik tan amut-amut. Abaloan mon onamut ak ed Timplo lapud pangawanan koy bilay ko? Ag ak onla.”

Maung a Balita Biblia

¹¹ Inmebat ak ed sikato, Aliwa ak a toon batik-batik tan amut-amut. Abaloan mon onamut ak ed Timplo lapud pangawanan koy bilay ko? Ag ak onla.

Nehemias 6:11 Referans Kwoze

Saray Gawgawa 21:13

Balet inmebat, “Akin et onaakis kayo? Ag yo kari papakapoyey liknaan ko! Aliwa ak labat a sipaparaan a pabalur ed Jerusalem no ag pati papatey lapud ngaran nen Jesus a Katawan.”

Probirbio 28:1

Ombabatik iray totoon maoges anggaman ya anggapoy onoosil ed sikara, balet saray totoon maptek so panagbilay da masebeg ira a singa lion.

FILIPOS 2:17

Panliketan ko tan pinabangen ta kin amin ed sayan liket ko, anggaman bilang ya onterter so dalak tan onarum ed bagat ya isasaklang na pananisia yo ed Dios.

Saray Gawgawa 20:24

Balet ipapasen kon anggapoy kuinta so bilay ko, dapot nasumpal koy kimey ko tan say inter na Katawan a Jesus a gawaen ko, salanti, say pampulong koy Maung a Balitan nipaakar ed baleg a panangaroy Dios.

Saray Salmo 112:8

Mabiskeg so linawa to tan ag natatakot; ag to panduaruwan a nanengneng ton natalo iray kalaban to.

Saray Salmo 112:6

Say maung a too mansiansian maung so kipapasen to; lawas nanunotan.

Saray Hebreo 11:27

Lapud pananisia, tinaynan nen Moises so Egipto tan ag to tinakotan so pasnuk na ari; mabisbiskeg so linawa to, tan singa anengneng toy ag nanengneng a Dios.

FILIPOS 2:30

ta imposta toy bilay to tan inatey lawari makasengeg ed kimey lapud Cristo nen tinulongan to ak ed pasen yo, lapud sikayon dili et ag yo ak natulongan.

Ecclesiastes 10:1

Saray inatey ya apangat pabangeten day sambotilyan pabalingit; ontan met say daiset ya inkakulang-kulang deralen toy kakabatan tan kagalangan.

Nehemias 6:9

Papatakoten da kami labat, pian natondaan so kimey. Nampikasi ak, “Balet natan, O Dios, pabiskeg mo ak pa!”

Nehemias 6:3

Kanyan angibaki ak na totook tan impaibagak ed sikara, “Amayamay so kimey ko, kanyan ag ak ditan makakar. Ag ko nayarian a patondaen so kimey lapu labat ed pitongtong kod sikayo.”

1 Samuel 19:5

Imposta toy bilay to nen pinatey toy Goliat, et baleg so pananalon inter na Katawan ed Israel. Nanliket kayo nen anengneng yo yan pananalo. Akin, sirin, et labay yoy manggaway kaogsan ed toon anggapoy kasalanan diad pamatey yod kinen David ya anggapon balut so makasengeg?”

Saray Gawgawa 8:1

Inabubonan nen Saulo so impamatey dad kinen Esteban. Diad saman ya agew, ginmapoy impamairap dan maung ed iglisiad Jerusalem. Amin a mananisia, likud ed saray apostol, nikaykayat irad saray luyag na Judea tan Samaria.

Isaias 10:18

Sigput a natemek iray makdel a takel tan saray mataban dadalusan, a singa pamatey na sakit ed too.

Nehemias 6:12

Nen ninudnunot ko ya, abirbir kon ag nansalitay Dios ed kinen Semaya, no ag ta inupaan di Sanbalat tan Tobias a mamasakbay ed siak.

Saray Bilang 3:10

Torom si Aaron tan saray anak ton lalaki a manggawa na saray susumpalen na pari; likud ed sikara pateyen so siopaman a manggawa na susumpalen na pari.”