Nehemias 5:10 - Maung A Balita Biblia

¹⁰ Siak, saray kakaibak, tan saray katulong ko et pinautang mi ray totoo na kuarta tan trigo. Ag ti la ra pambabayaren ed saray utang da.

Maung a Balita Biblia

¹⁰ Siak, saray kakaibak, tan saray katulong ko et pinautang mi ray totoo na kuarta tan trigo. Ag ti la ra pambabayaren ed saray utang da.

Nehemias 5:10 Referans Kwoze

2 CORINTO 6:1

Ontutulong kamid kimey na Dios, kanyan kekerewen mid sikayo ya ag yo dadaraken so baleg a panangaron inawat yod sikato.

2 CORINTO 5:20

Kanyan sikamiy ibabaki nen Cristo. Singa say Dios la sirin so mikakasid sikayo diad panamegley mi; pikasi mid sikayo, diad ngaran nen Cristo, ya abuloyan yoy Dios a pagmaliwen to ki lan kakaaro to!

2 CORINTO 5:11

Amta miy kabaliksan na ontakot ed Katawan, kanyan tatanggoyuren mi ray totoon ontakot ed sikato. Kabat na Dios so petepeteg ya inkatoo mi, tan iilaloan kon kabkabat yo met ed puso yo.

Mikias 2:1

Pangaskasiyay kipapasen da ray abangon a mandokdokul tan mamplaplano a manggaway kaogsan. Kasabiy kabwasan, no wala lay panakanawnawa ra, gawaen da lay maoges a plano ra.

Ezekiel 18:13

tan ipapaabang toy kuarta to. Mambilay kasi? Andi, ag mambilay. Ompatey, lapud ginagawa to ray makapaingungot a bengatla. Sikaton dili so natetel ed ipatey to.

Ezekiel 18:8

Ag to ipapaabang so kuarta to. Ag to labay so manggawa na antokaman a kaogsan tan diad antokaman a kolkolan say katonungan so ipapasumpal to.

Saray Salmo 15:5

Mampapautang ya anggapoy abang tan ag napasoksokan a mantasi sumpad toon anggapoy kasalanan. Siopamay toon manusumpal ed sarayan amin et maligen lawas so bilay to.

Nehemias 5:7

Ginetmak so manggaway polaing a pamatondad sayan kagagawa. Tinetel ko ray pangulo tan saray opisyal na baley. Inkuankod sikara, “Papairapen yo ray agagi yo!” Imbagak a mantitipon iray totoon pian naasikasoy riklamo ra.

Nehemias 5:9

Insan inkuanko, “Makapoy itay gagawaen yo! Nepeg yon takotan so Dios tan gawaen so antokaman a kaptekan. Ag yo naitdan ed satan iray kalaban tayon Hentil na pankanawnawan manludlurey ed sikatayo.

Nehemias 5:11

Ipawil yo natan ed sikara iray kaalogan da, saray kaubasan da, saray kaolibaan da, tan saray kaabungan da. Lingwanan yo la ray utang dad sikayon kuarta, odino trigo, odino alak, odino larak na oliba!”

Isaias 58:6

“Say labay kon panagayuno saya: Okbar yoy golunggolung na panamairap tan ekal yoy pako na panagpikewet yo ed inkatonung, tan ibolus yo ray napapairap.

Deuteronomio 15:2

Onya so nepeg a nagawa. Balang sakey a too nepeg to lan paandien so kuartan impabayes tod kapara ton Israelita; ag to la nepeg a singilen, ta say Katawan a dili et imbawag to lan apaandi la.

Nehemias 10:32

Tinaon kamin manginagnag na kakawalo na sakey onsan pilak ya itulong mid gastosen ed Timplo.

Ezekiel 18:7

Ag to sasaolen odino tatakewan so siopaman. Ipapawil to so impotika na akautang ed sikato; iitdan to na nakan iray narasan tan kawes iray anggapoy nipales.