Nehemias 2:4 - Maung A Balita Biblia

⁴ Tinepet na impirador, “Anto siriy labay mon kerewen?” Nampikasi ak ed Dios na Tawen,

Maung a Balita Biblia

⁴ Tinepet na impirador, Anto siriy labay mon kerewen? Nampikasi ak ed Dios na Tawen,

Nehemias 2:4 Referans Kwoze

Probirbio 3:6

Diad amin a gawaen mo nunot mo lawas so Katawan, et iwanwan to kad maptek a dalan.

Nehemias 1:4

Nen nadngel ko ya, inmirung ak, insan ak nanakis. Pigay agew ak a nanermen tan ag angan. Nampikasi ak ed Dios.

FILIPOS 4:6

Ag yo pampapagaay antokaman a bengatla. Kerew yo ingen ed Dios iray amin a nakaukolan yo diad panamegley na pikakasin tinekepay pisasalamat.

Nehemias 1:11

Dengel mo natan so pikakasik tan saray pikakasi da ray arum ya ariripen mo a labay da kan pagalangan. Paaligwas mo ak pa natan, tan iyabuloy mon kasian ak na impirador.” Diad saraman ya agew siak so makaoley ed alak na impirador.

Marcos 10:51

Tinepet nen Jesus ed sikato, “Antoy labay mon gawaen kon para sika?” Inmebat imay bulag, “Maistro, labay koy makanengneng.”

1 Saray Arari 3:5

Diad saman a labi, pinmayawar ed sikato so Katawan diad sakey a kogip tan tinepet na Katawan ed sikato, “Antoy labay mon iter kod sika?”

Ester 7:2

a pidwa. Nen oniinom iray alak, tinepet na ari ed kinen Ester. “Natan, Riyna Ester, antoy labay mo? Ibagam ed siak et iter kod sikay anggan kapaldua na nanarian.”

Ester 5:6

Legan ya oniinom iray alak tinepet na ari ed kinen Ester. “Ibagam ed siak so labay mo, et iter ed sika. Iter kod sikay kerewen mo, anggan say kapalduay nanarian ko.”

Ester 5:3

“Akin, Riyna Ester?” tepet na ari. “Ibagam so labay mo, et iter ed sika, anggan say kapaldua na nanarian ko.”

2 Samuel 15:31

Nen nibagad kinen David a si Ahitofel et akikomplut ed kinen Absalom, nampikasi, “Pikasik ed sika, Katawan, a pagmaliw mon andi-kakanaan so simbawa nen Ahitofel!”

Nehemias 2:5

insan ko inkuan ed impirador, “No makaliliket ed siak so Kagalang kon Impirador tan mabolus a mangiter na kerewen ko, abuloyan mo ak pan onla ed dalin na Juda, diad siudad ya angipomponan ed saray lalakik, pian nipaalagey ko lamet so siudad.”

Nehemias 2:20

Inmebat ak, “Pampalaboen kami na Dios na Tawen. Sikami ray aripen to, kanyan igapo miy pangipaalagey. Balet sikayo, anggapoy kanepegan yon mangayaryan na bengatla ed Jerusalem. Anggapoy pibibiang yod saray agawgawad sayan siudad.”

Nehemias 1:5

“Katawan a Dios na Tawen! Matalonggaring ka tan nepeg kan takotan. Matoor kan mangaro tan susumpalen moy impisipanan mo ed saray mangaarod sika tan mangoonur na saray ganggan mo.

Saray Salmo 136:26

Misalamat kayod Dios na tawen; andi-anggaan so panangaro to.

Saray Gawgawa 23:19

Binembenan na kapitan so lima to may balolaki, inyarawi to, tan tinepet to, “Anto tay labay mon ibagad siak a?”