Nehemias 2:19 - Maung A Balita Biblia

¹⁹ Balet nen nadngelan di Sanbalat, Tobias, tan Gesem ya Arabe so plano min gawaen, inelekelekan tan niluludlurey da kami. Inkuanda, “Anto tay gagawaen yo? Labanan yo la sirin so impirador?”

Maung a Balita Biblia

¹⁹ Balet nen nadngelan di Sanbalat, Tobias, tan Gesem ya Arabe so plano min gawaen, inelekelekan tan niluludlurey da kami. Inkuanda, Anto tay gagawaen yo? Labanan yo la sirin so impirador?

Nehemias 2:19 Referans Kwoze

Nehemias 6:6

Onyay logan na sulat: “Imbagad siak nen Gesem a nibabalitad saray totood kaliber-liber a bansa a sika tan saray kaparam a Judio et getma yoy onlaban ed oley, kanyan papasimbaloen yon ipaalagey so padir. Imbaga to ni a pilalek moy magmaliw ya ari,

Marcos 5:40

Inelek-elekan da labat si Jesus. Pinapaway to ran amin, likud ed saray ateng na ogaw tan saramay taloran disipulo, insan linma rad kuarton kawalaay ogaw.

Saray Hebreo 11:36

Wala rad sikaray sinisiplatan tan niluludlurey, tan wala ra met ed sikaray binabalur tan impripriso.

Saray Gawgawa 24:5

Ta nalmoan min magolo yan too. Manangigapoy golo ed amin da ray Judio ed intiron mundo, tan sikatoy panguloy sikta na saray Nazareno.

Juan 19:12

Nen nadngel ya nen Pilato, lalon labay ton ibolus si Jesus. Balet iningal na karaklan, “No ibolus mo tan a too, ag ka kaaro na Impirador. Siopamay mangipasen na laman ton dili ya ari, lalabanan toy Impirador!”

Lucas 23:2

Ginapoan dan inakusa, “Narel mi yan too,” inkuanda, “a sosogsogan to ray totoo mi a manggaway aliwa. Isesebel to met so pambayar na buis ed Impirador. Ibabaga to nid saray totoo a sikatoy Cristo, say sakey ya ari.”

Jeremias 20:8

Kapag mansalita ak, manakis ak, tan iyeyag ko, “Duksa! Deral!” Katawan, siak lawas so naluludlurey tan nababalaw-balaw, lapud ibabawag koy salitam.

Saray Salmo 80:6

Inyabuloy mon panlalabanan na saray kakaabay min bansa so dalin mo; papabaingan kami na saray kalaban mi.

Saray Salmo 79:4

Luludlureyen da kami ray kakaabay min bansa; elek-elekan tan balbalawen da kami.

Say Libro nen Job 30:1

Balet saray malangwer nen say siak a lalaki luludlureyen da ak natan! Andi kakanaan iray kaamaan da, kanyan ag ko ra labay ya anggan pangibaen ed saray asok a mangguardiad saray karniro.

Nehemias 6:9

Papatakoten da kami labat, pian natondaan so kimey. Nampikasi ak, “Balet natan, O Dios, pabiskeg mo ak pa!”

Nehemias 4:1

Nen nadngelan nen Sanbalat a papasimbaloen ya ipaalagey na saray Judio so padir, mapalaloy petang na olo to tan niluludlurey to kami.

Nehemias 2:10

Balet agunigon a maung ira si Sanbalat a taga baley na Bet-horon, tan si Tobias ya opisyal na saray Ammonita, nen nadngelan da a walay toon sinmabi a manggaway pankaabigan da ray totood Israel.

Mateo 9:24

Inkuantod sikara, “Paway kayon amin! Ag inatey so ogaw; nanaogip labat.” Balet inelek-elekan da labat si Jesus.

Nehemias 13:28

Si Joiada a lakin anak nen Eliasib so Pangulon Pari. Balet inasawa na sakey ed saray lalakin anak to so anak nen Sanbalat a taga baley na Bet-horon, kanyan pinataynan kod Jerusalem si Joiada.

Saray Salmo 123:4

Abayag lay impanlelemlemew ed sikami na saray mamayaman, tan say impanbabalaw na saray maruksan mapaatagey.

Jeremias 41:10

Insan dinakep nen Ismael iray bibiin anak na ari tan saray arum a totoo ed Mizpa a sikaray impalima nen Nebuzaradan a pangulo da ray sondalo na Babilonia ed kinen Gedalias. Inala nen Ismael iran priso, insan da ginapwan so amaarap ed dalin na Ammon.

Saray Salmo 80:7

Papawil mo kami pa, O Dios a Makapanyarin-amin! Ipanengneng mo pay panangasim ed sikami, et nilaban kami!

Isaias 36:5

Inkuanto, ‘Abaloan mo amon naala na saray salita so pasen na talonggaring tan biskeg na saray sondalo? Siopay abaloan mon ontulong ed sika ed ilaban mod Asiria?