Nehemias 2:18 - Maung A Balita Biblia

¹⁸ Insan ko imbagad sikara no panoy inkiwala na Dios ed siak tan no panoy impanulong tod siak, tan no anto ray imbaga na impirador ed siak. Inmebat ira, “Igapo ti la sirin so pangipaalagey tayo lamet!” Kanyan namparaan iran mangigapo na kimey.

Maung a Balita Biblia

¹⁸ Insan ko imbagad sikara no panoy inkiwala na Dios ed siak tan no panoy impanulong tod siak, tan no anto ray imbaga na impirador ed siak. Inmebat ira, Igapo ti la sirin so pangipaalagey tayo lamet! Kanyan namparaan iran mangigapo na kimey.

Nehemias 2:18 Referans Kwoze

FILIPOS 2:13

ta say Dios so mangiiter ed sikayoy panlabay tan pakayarin manggawad linawa to.

2 Saray Awaran 32:5

Pinabiskeg na ari so siudad diad impangapiger tod padir, impamaalagey tod saray tori ed tapew na padir, tan impamaalagey to na kumadwan padir ed bandad paway. Inapiger to met imay pasen a tinabonan diad nibokig na daan a parti na Jerusalem, tan nampapagawa na amayamay a pika tan samper.

1 Saray Awaran 19:13

Mampabiskeg kayoy linawa! Pasiaen tayoy mibakal para saray totoo tayo tan para saray siudad na Dios tayo. Say linawa na Katawan komun so nagawa!”

TAGA-EFESO 6:10

Kaonuran, mampabiskeg kayo diad pikakasakey yod Katawan tan diad tulong na mabiskeg a pakayari to.

Esdras 6:22

Pitoy agew a sigput so liket dan nansilibra ed Pistay Tinapay ya Anggapoy Libadura. Malikeliket ira lapud ginawa na Katawan so Impirador na Asiria a maabig so linawa tod sikara, kanyan initdan to ra na ginastos dad impangipaalagey da lamet ed Timplo na Dios na Israel.

2 Samuel 2:7

Mampabiskeg tan mampasebeg kayo! Inatey lay ari yon Saul, tan saray totood Juda et nilanaan da ak a manari ed sikara.”

1 Saray Awaran 11:10

Saya so listaan na saray bantug a sondalo nen David. Diad tulong da tan amin da ray arum a totood Israel nagmaliw ya ari si David, onung na insipan na Katawan. Impansiansia ran mabiskeg so nanarian to.

1 Samuel 23:16

Nilad man nen Jonatan, pinabiskeg toy linawa to tan impanonut to ya ag paolyan na Dios.

Nehemias 2:8

Akikerew ak met na sulat a para si Asaf, say manaasikasod saray takel na ari. Imbaga na sulat ya itdan ak nen Asaf na saray troso ya ikanad saray puirta na tirinsiran mangguardiad Timplo, para saray padir na siudad, tan para abung a panayaman ko. Inter ed siak na impirador iray amin a kerew ko, lapud kaibak so Dios.