Nehemias 13:22 - Maung A Balita Biblia

²² Ingganggan ko ray Levita a linisan day sikaran dili onung ed ganggan, insan ira onlan mangguardiad saray puirta pian naasikaso ran masanto lawas so Agew na Panagpainawa. Nudnunot mo ak pa, O Dios, lapu met ed saya, tan ag mo ak papaolyan lapud kabaleg na ag mangoman a panangarom.

Maung a Balita Biblia

²² Ingganggan ko ray Levita a linisan day sikaran dili onung ed ganggan, insan ira onlan mangguardiad saray puirta pian naasikaso ran masanto lawas so Agew na Panagpainawa. Nudnunot mo ak pa, O Dios, lapu met ed saya, tan ag mo ak papaolyan lapud kabaleg na ag mangoman a panangarom.

Nehemias 13:22 Referans Kwoze

Nehemias 12:30

Sinumpal na saray papari tan saray Levita so panaglinis onung ed ganggan para sikara, saray totoo, saray puirta, tan say padir na siudad.

Nehemias 13:14

O Dios ko, nudnunot mo pa ra yan amin a ginagawak a para Timplom tan say panangigalang a nagawad dalem to.

Nehemias 13:31

impaiyakar kod manepeg a panaon iray kiew a pampool na saray bagat; impaiyakar ko met ed saray totoo iray bagat dan ononan anien a trigo tan saray ononan borboren a bunga. Ag mo lilingwanan yan amin, O Dios, tan tumangan mo ak pa.

Isaias 49:23

Magmaliw a singa ama yo iray arari; magmaliw a singa ina yo iray riyna. Ondakmomo rad sikayo tan igalang da kayo; mapaabeba ran mangigalang ed sikayo. Naamtaan yod satan a siak so Katawan; ag nabaingan so siopaman a toon manalagar na tulong ko.”

Isaias 38:3

“Nunot mo pa, Katawan, a matoor tan masimoon so impanlingkur kod sika, tan sinumpal ko lawas iray nilabay mon pagawad siak.” Kayari ton nampikasi nanakis na ampaipait.

Saray Salmo 130:7

Israel, manmatalek kad Katawan, ta ag mangomay panangaro to tan sipaparaan lawas a mangilaban.

Saray Salmo 51:1

Kasian mo ak pa, O Dios, lapud ag mangoman a panangarom; ponasan mo pa ray kasalanan ko, lapud daakan a panangasim!

Saray Salmo 5:7

Balet siak, nayarian koy onloob ed abung mo lapud ag mangoman a panangarom; nayarian koy mangigalang ed masanton Timplom, tan mandakmomo ed sika a pangigalang ko.

Nehemias 12:10

Si Jesua so ama nen Joakim ya ama nen Eliasib; si Eliasib so ama nen Joiada

Nehemias 5:19

O Dios, ag mo pa lilingwanan a tumangan lapud amin a bengatlan ginagawak para sarayan totoo.

2 Saray Awaran 29:30

Si Ari Ezekias tan saray pangulo na bansa et imbaga rad saramay Levita a kantaen dad Katawan iray kanta a pangidayew ya insulat ira nen David tan si Asaf a propita. Kanyan kinanta ran malikeliket legan dan mantatalimukor tan mangigagalang ed Dios.

2 Saray Awaran 29:27

Ingganggan nen Ezekias ya isaklang la so bagat a popoolan; et nen nigapo lay pambabagat, nankanta ray totoo a pangidayew dad Katawan, tan pinaknul na saray tumutogtog iray trumpita ra tan saray arum a kagawaan na musika.

2 Saray Awaran 29:24

Kayari to ya pinatey na saray papari ira may kanding, insan da impaturo ed altar so dala ra a sakey a bagat a pangekal na kasalanan na amin a totoo. Ginawa da ya, ta ingganggan na ari ya isaklangan ya amin iray Israelita na saray bagat a popoolan tan saray bagat a para kasalanan.

2 Saray Arari 23:4

Insan ingganggan nen Josias so Pangulon Pari a si Helcias, saray mananulong ton papari, tan saray nipasen a guardia ed lolooban na Timplo ya ipaway dad Timplo iray amin a kagawaan ya ikakanad pangigalang ed Baal, diosan Asera, tan saray bitewen. Pinoolan na ari ira yan amin diad paway na siudad diad asingger ed Patar na Cedron, insan to impaiyakar ed Betel so dapul da.

Deuteronomio 5:12

“Ngilinan moy Agew na Panagpainawa tan ipasen mon masanto, onung na ingganggan ko, siak a Katawan a Dios mo, ed sika.

2 CORINTO 1:12

Sikato yay nayarian mi ya ikinon: paneknekan na konsinsia mi a masanto tan anggapoy pankonkonwari so pipiolup mid sankamundoan, lautlad pipiolup mid sikayo. Onyay pambibilay mi, lapud baleg a panangaroy Dios, aliwan lapud kakabatay too.

Isaias 55:7

Saray makasalanan a totoo et ibeneg da komun so kabibilay da tan omanen day panagnunot da. Ompawil ira komun ed Katawan a Dios tayo, ta mapangasi tan sipaparaan a mamirdona.

2 Saray Arari 20:3

“Nunot mo pa, Katawan, a matoor tan masimoon so impanlingkur kod sika, tan sinumpal ko lawas iray labay mon pagawad siak.” Insan inggapo toy nanakis na ampaipait.