Nehemias 13:17 - Maung A Balita Biblia

¹⁷ Nampasnukan ko ray pangulo na saray Judio tan inkuankod sikara, “Nengneng yoy kaogsan a gagawaen yo! Gagawaen yon aliwan masanto so Agew na Panagpainawa.

Maung a Balita Biblia

¹⁷ Nampasnukan ko ray pangulo na saray Judio tan inkuankod sikara, Nengneng yoy kaogsan a gagawaen yo! Gagawaen yon aliwan masanto so Agew na Panagpainawa.

Nehemias 13:17 Referans Kwoze

Nehemias 13:11

Nampasnukan ko ray opisyal lapud impangyabuloy dan nakaindan so Timplo. Pinapawil kod Timplo iray Levita tan saray tumutogtog tan saray kumakanta ed Timplo, insan ko ra impankimey lamet.

Nehemias 13:25

Nampasnukan ko ra may lalaki tan insambak ira. Pinepepekpek ko ra tan inggogonut ko ra. Impansambak ira diad ngaran na Dios ya ag la ra mangasawa na saray bibiin taga arum a bansa.

Mikias 3:9

Dengel kayod siak, sikayo ran manoley ed Israel a mamobosul na katunongan tan mamipikewet na kaptekan.

Mikias 3:1

Dengel kayo, sikayo ran manoley ed Israel! Sikayo komun so nepeg a mannunot na nipaakar ed katunongan,

Jeremias 13:18

Inkuan na Katawan ed siak, “Ibagam ed ari tan say ina to ya onakseb iran manlapud trono ra, lapud naplag manlapud olo ra iray marakerakep a korona ra.

Jeremias 5:5

Onla ak ed saray totoon walad pakaoley tan misalita ak ed sikara. Andi-saew ya amta ra no anto so linawa na Dios da, amta ra so ganggan na Katawan.” Balet amin da impolisay da so pakaoley na Katawan; ag da labay so ontoluk ed sikato.

Isaias 1:10

Jerusalem, saray manoley mo tan saray totoom et singa ra saray manoley tan saray totoo ed Sodoma tan Gomorra. Dengel ka ed ibabagad sika na Katawan. Talineng moy ibabangat ed sika na Dios tayo.

Probirbio 28:4

No ag mo onuren so ganggan migagampi kad saray totoon maoges, balet no onuren mo kalaban mo ra.

Nehemias 5:7

Ginetmak so manggaway polaing a pamatondad sayan kagagawa. Tinetel ko ray pangulo tan saray opisyal na baley. Inkuankod sikara, “Papairapen yo ray agagi yo!” Imbagak a mantitipon iray totoon pian naasikasoy riklamo ra.

Nehemias 13:16

Wala ray pigaran totoon taga siudad na Tiro a manaayam ed Jerusalem a mangaawit irad siudad na saray sira tan amin a klasin sasaliwen, ta ilalako rad saray totoo mi no Agew na Panagpainawa.

Levitico 19:17

“Ag yo bobosulen so siopaman a too, no ag ingen mipulangan kayod sikato, pian ag kayo mankasalanan lapud sikato.

Ezekiel 20:13

Balet anggan diman ed kalawakan sinumlang da ak. Sinumlang da ray bilin ko tan impolisay da ray ganggan a mangiter na bilay ed saray mangonur. Sigput ya ag da nginilinan so Agew na Panagpainawa. Akaparaan ak lad saman a mangidapod sikarad man ed kalawakan na pasnuk ko tan maneral ed sikara.