Nehemias 12:47 - Maung A Balita Biblia

⁴⁷ Diad panaon nen Zorobabel tan diad panaon met nen Nehemias, amin da ray totood Israel naniiter iran inagew-agew na saray rigalon nakaukolan na saray tumutogtog tan saray kumakanta tan saray guardiad Timplo. Saray totoo et naniiter ira na masanton bagat ed saray Levita, tan saray Levita iniiter day kanepegan a betang na saray papari.

Maung a Balita Biblia

⁴⁷ Diad panaon nen Zorobabel tan diad panaon met nen Nehemias, amin da ray totood Israel naniiter iran inagew-agew na saray rigalon nakaukolan na saray tumutogtog tan saray kumakanta tan saray guardiad Timplo. Saray totoo et naniiter ira na masanton bagat ed saray Levita, tan saray Levita iniiter day kanepegan a betang na saray papari.

Nehemias 12:47 Referans Kwoze

TAGA GALACIA 6:6

Say mambangat na salitay Dios nepeg a pinabangen ed saray kaabigan a nagagamuran da ray babangatan to.

Nehemias 12:26

Sarayan totoo nambilay ira legan na panaon nen Joakim a lakin anak nen Jesua tan apo nen Josadak, tan legan na panaon nen Nehemias a gobirnador, tan legan na panaon nen Esdras, say parin iskriba.

Nehemias 12:12

Nen pangulon pari si Joakim, saraya so pangulo da ray boleg na papari: Diad boleg nen Sereya, si Meraya Diad boleg nen Jeremias, si Hananias Diad boleg nen Esdras, si Mesullam Diad boleg nen Amarias, si Johanan Diad boleg nen Melicu, si Jonatan Diad boleg nen Sebanias, si Jose Diad boleg nen Harim, si Adna Diad boleg nen Merayot, si Helkai Diad boleg nen Iddo; si Zacarias Diad boleg nen Ginneton, si Mesullam Diad boleg nen Abias, si Zicri a kabyangay boleg nen Miniamin Diad boleg nen Moadias, si Piltai Diad boleg nen Bilga, si Samua Diad boleg nen Semaya, si Jonatan Diad boleg nen Joiarib, si Matenai Diad boleg nen Jedaya, si Uzi Diad boleg nen Sallai, si Callai Diad boleg nen Amoc, si Eber Diad boleg nen Helkias, si Hasabias Diad boleg nen Jedaya, si Natanael

Nehemias 12:1

Say onggendan et say listaan da ray papari tan saray Levitan pinmawil manlapud saray arum a bansan nibantakan da. Kaolup ira nen Zorobabel a lakin anak nen Sealtiel tan si Jesua a Pangulon Pari.

Nehemias 11:23

Wala ray totontonen ya impaakaseb na ari nipaakar ed pansosoblay na saray boleg a mangipangulo ed inagew-agew a togtog tan kanta ed Timplo.

2 Saray Arari 7:10

Kanyan tinaynan day kampo da ray Siriano, linma rad siudad, insan tinawag da ray guardia na saray puirta tan kuandad sikara: “Linma kamid kampo da ray Siriano, et anggapoy toon anengneng o alikas min wadman; ag naokbaran iray kabayo tan saray asno, tan singa kipapasen dan gendat iray tulda.”

2 Saray Arari 25:30

Naitdan ya inagew-agew na kuartan gastosen to a para sikaton dili legan ton nambilay.

Deuteronomio 18:8

Sikatoy nepeg a mangawat na kakanen a singa karakel na aawaten da ray arum a papari; tan nayari ton isinup so antokaman ya ipawit ed sikato na saray kabyangay pamilya to.

Esdras 2:2

Saray pangulo ra et di Zorobabel, Josue, Nehemias, Seraya, Reelaya, Mardokeo, Bilsan, Mispar, Bigvai, Rehum, tan Baana. Sikato yay listaan na saray boleg na Israel a kataruk toy bilang na saray pinmawil: