Nehemias 12:46 - Maung A Balita Biblia

⁴⁶ Manlapud panaon nen Ari David tan si Asaf saray tumutogtog tan saray kumakanta so angipangulo ed saray kantan pangidayew tan pangiter na pisasalamat ed Dios.

Maung a Balita Biblia

⁴⁶ Manlapud panaon nen Ari David tan si Asaf saray tumutogtog tan saray kumakanta so angipangulo ed saray kantan pangidayew tan pangiter na pisasalamat ed Dios.

Nehemias 12:46 Referans Kwoze

2 Saray Awaran 29:30

Si Ari Ezekias tan saray pangulo na bansa et imbaga rad saramay Levita a kantaen dad Katawan iray kanta a pangidayew ya insulat ira nen David tan si Asaf a propita. Kanyan kinanta ran malikeliket legan dan mantatalimukor tan mangigagalang ed Dios.

Saray Salmo 83:1

O Dios, ag ka labat pa mareereen; ag ka pa mareereen, o anggapoy eseesel!

Saray Salmo 73:1

Peteg a say Dios maung so ipapanengneng tod Israel, diad saray malinis so puso ra.

1 Saray Awaran 9:33

Saray pigaran Levitan pamilya so makaoley ed panagtogtog tan panagkanta ed Timplo. Nanaayam ed pigaran kuarto ed dalem na Timplo iray pangulo na sarayan pamilya tan anggapo lay arum a kimey da, lapud nayarin natawag iran mankanta o manogtog, agew may labi.

Saray Salmo 137:4

Panoy panganta mi ed Katawan diad sananey a bansa?

Nehemias 11:17

Si Matanias a lakin anak nen Mica tan apo nen Zabdi, tan kabyangay boleg nen Asaf. Impangulo to ray kumakantad Timplo diad panagkanta ray dasal na pisasalamat. Si Bacbukias a katulong nen Matanias ed kimey to. Si Abda a lakin anak nen Samua tan apo nen Galal, tan kabyangay boleg nen Jedutun.