Nehemias 11:31 - Maung A Balita Biblia

³¹ Saray totood tribu nen Benjamin nanayam irad saray siudad na Geba, diad baybay ya anggad Micmas, Ai, Betel tan saray kaliber-liber ton bario,

Maung a Balita Biblia

³¹ Saray totood tribu nen Benjamin nanayam irad saray siudad na Geba, diad baybay ya anggad Micmas, Ai, Betel tan saray kaliber-liber ton bario,

Nehemias 11:31 Referans Kwoze

Isaias 10:28

Adakep na saray sondalon kalaban so siudad na Ayat! Dinmalan irad Migron! Intilak dad Micmas iray abasto ra!

1 Samuel 13:11

Balet inkuanen Samuel, “Antoy ginawam?” Inmebat si Saul, “Tataynan ak la na saray totoo, ta ag ka sinmabid oras ya imbagam tan, sakey ni, mantitipon ed Micmas iray Filisteo.

Josue 18:24

Kefar-haammoni, Ofni, tan Geba; labindua ran amin a siudad a pati saray baley ed kaliber-liber da.

Josue 18:13

Ontuloy so ketegan ed alusadsar diad niabalaten na Luz (tatawagen met ya na Betel), insan mampaleksab ed Atarot-adar diad palandey a niabalaten na Abeban Bet-horon.

Josue 8:9

Kanyan imbaki la ra nen Josue, tan linma la rad nanamutan da ed bokig na Ai, a nampegleyan na Betel tan Ai, tan nanalagar irad man. Inmogip nid kampo ed saman a labi si Josue.

Genesis 28:19

Betel so impangingaran tod saman a pasen. (Nen saman, Luz so ngaran to man a baley.)

Genesis 12:8

Insan tinmuloy ed bandad abalaten diad nipokdul a pasen a nibokig na Betel, tan nankampod nanleetan na Betel tan Hai diad bokig. Nanggawa met diman na altar tan inggalang toy Katawan.

1 Samuel 13:23

Saray Filisteo angibaki ray sakey a grupoy sondalo a mangyagel ed Dalan na Micmas.

1 Samuel 13:2

Amili si Saul na talon libon lalakin taga Israel: say duan libo kaiba to ra diad Micmas tan diad nipokdul a dalin na Betel, tan say sanlibo kaiba ra nen Jonatan diad Gabaa, diad dalin a sakop na tribu nen Benjamin. Pinasempet la nen Saul iray arum a lalaki.

Nehemias 11:30

Zanoa, Adullam, tan diad saray kaliber-liber dan bario. Nanayam irad Lakis tan diad kaalogan to, diad Azeca tan saray bario to. Saray totood Juda nanayam ira sirin ed dalin a nanleetan na Beer-seba diad abalaten tan say Patar na Hinom diad baybay.

Nehemias 11:32

Anatot, Nob, Ananias,

Josue 18:22

Bet-araba, Zemaraim, Betel,

Nehemias 12:29

tan diad Bet-gilgal, Geba, tan Azmavet.