Nehemias 10:31 - Maung A Balita Biblia

³¹ No diad Agew na Panagpainawa odino diad arum a masanton agew et mangyakar iray sangkaili na trigo odino antokaman ya ilako rad sikami, ag kami manaliw ed sikara. Kapag kumapiton taon ag mi dalusay dalin mi, tan lingwanan mi la ray amin ya utang ed sikami.

Maung a Balita Biblia

³¹ No diad Agew na Panagpainawa odino diad arum a masanton agew et mangyakar iray sangkaili na trigo odino antokaman ya ilako rad sikami, ag kami manaliw ed sikara. Kapag kumapiton taon ag mi dalusay dalin mi, tan lingwanan mi la ray amin ya utang ed sikami.

Nehemias 10:31 Referans Kwoze

Levitico 23:3

Walay anem agew a pankimey yo, balet ag yo lilingwanan a say kumapiton agew et agew na panagpainawa. Diad satan ya agew ag kayo mankikimey, no ag ingen mantitipon kayon mangigalang ed Dios. Say Agew na Panagpainawa et kayaryan na Katawan, anggan iner so panaayaman yo.

Exodo 20:10

balet say kumapiton agew et agew na panagpainawa a nisaklang ed siak. Diad sayan agew nepeg ya anggapoy toon mankimey: sika, saray anak mo, saray aripen mo, saray ayayep mo, odino saray sangkailin manaayam ed bansam.

Isaias 58:6

“Say labay kon panagayuno saya: Okbar yoy golunggolung na panamairap tan ekal yoy pako na panagpikewet yo ed inkatonung, tan ibolus yo ray napapairap.

2 Saray Awaran 36:21

Sikato yay impakasumpal na samay impasakbay na Katawan diad panamegley nen propita Jeremias: “Magmaliw ya andi-kabaliksan a pitomploy taon so dalin, pian nasalatan iray ag angilinan ya Agew na Panagpainawa.”

Levitico 23:21

Diad satan ya agew tonda kayod inagew-agew a kimey yo, balet mantitipon kayon mangigalang ed Katawan. Saray kabyangay boleg yo et nepeg a tombuken da ra yan totontonen ya anggan kapigan man a panaon, tan anggan iner man so panayaman da.

Levitico 16:29

Saray onggendan a totontonen et nepeg a tombuken ira ya anggan kapigan man a panaon. Diad kumaplon agew na kumapiton bulan, saray Israelita tan saray sangkailin manaayam ed kawalaan da et nepeg a manayuno ra tan ag ira mankimey.

Exodo 12:16

Diad ononan agew tan diad kumapiton agew, mantitipon kayo a mangigalang ed siak. Ag kayo mankikimey legan na saratan ya agew, likud ed pangiparaan yo na kanen yo.

Santiago 2:13

Ta diad panagsintinsiay Dios, ag to kasiay toon ag to amtay mangasi; balet say panangasi taloen toy sintinsia.

COLOSAS 2:16

Kanyan ag kayo papaoleyan ed siopaman a mangibaga no antoy nepeg yon kanen, inomen, pistaan ya agew o bulan, o ngilinan ya Agew na Panagpainawa.

Mateo 6:12

Pirdonam pa iray kasalanan mi, a singa pamipirdona mid saray nankasalanan ed sikami.

Exodo 34:16

Saray lalakin anak yo et asingger a mangasawa ra na saray bibiin anak da, et natanggoyur da ran ombeneg ed siak tan mangigalang ed saray diriyos da.

Nehemias 13:23

Diad saman met a panaon akabatan ko a dakerakel iray Judion lalaki ya angaasawa na saray bibiin taga Asdod, Ammon, tan Moab.

Nehemias 13:27

Aligin mi sirin so ginawa yo tan sumlangen mi so Dios diad pangasawa mid saray bibiin taga arum a bansa?”