Nehemias 10:30 - Maung A Balita Biblia

³⁰ Ag kami mangasawa odino miasawa ed saray sangkailin manaayam diad dalin mi.

Maung a Balita Biblia

³⁰ Ag kami mangasawa odino miasawa ed saray sangkailin manaayam diad dalin mi.

Nehemias 10:30 Referans Kwoze

Deuteronomio 7:3

Sikayo tan saray anak yo, ag kayo mimiasawaan ed sikara,

Exodo 34:16

Saray lalakin anak yo et asingger a mangasawa ra na saray bibiin anak da, et natanggoyur da ran ombeneg ed siak tan mangigalang ed saray diriyos da.

Nehemias 13:23

Diad saman met a panaon akabatan ko a dakerakel iray Judion lalaki ya angaasawa na saray bibiin taga Asdod, Ammon, tan Moab.

Nehemias 13:25

Nampasnukan ko ra may lalaki tan insambak ira. Pinepepekpek ko ra tan inggogonut ko ra. Impansambak ira diad ngaran na Dios ya ag la ra mangasawa na saray bibiin taga arum a bansa.

Nehemias 13:30

Nilinisan ko ray totoo ed antokaman a marotak ya inawit na totoon taga arum a bansa; angipaakseb ak na saray totontonen para saray papari tan saray Levita pian naamtaan na balang sakey ed sikara so kimey to;

Deuteronomio 29:11

saray bibii, saray anak yo, tan saray sangkailin manaayam ed kawalaan yo a managala ray itotongo tan managasul iray danum yo.

2 Saray Arari 23:3

Nanalagey ed abay na lusek a para ari, insan akisipanan ed Katawan ya onuren toy Katawan, sumpalen to diad intiron puso tan kamarerwa to iray ganggan tan bilin to, tan gawaen to iray kakaukolan na sipanan onung na nisulat ed samay libro. Insipan met na amin a totoo a sumpalen da so sipanan.

2 Saray Arari 23:25

Diad saray ararin akaona tan tinmombuk ed sikato, anggapoy miparad sikato a nanlingkur ed Katawan diad intiron puso, kanunotan, tan biskeg to; inonur ton amin iray Ganggan nen Moises.

2 Saray Awaran 34:31

Nanalagey si Josias ed abay na lusek a para ari, insan akisipanan ed Katawan ya onuren toy Katawan, sumpalen to diad intiron puso tan kamarerwa to iray ganggan tan bilin to, tan gawaen to iray kakaukolan na sipanan onung na nisulat ed samay libro.

Nehemias 5:12

Inmebat iray pangulo, “Sumpalen mi ray ibabagam. Ipawil mi lad sikaray kayaryan da tan ag mi la singilen iray utang dad sikami.” Tinawag ko ray papari tan diad arap da impansambak iray pangulo a tooren day sipan da.

Nehemias 10:1

Say inmonan nampirma et say Gobirnador a si Nehemias a lakin anak nen Hacalias, insan sinmoblay si Sedekias. Nampirma met iray onggendan:

Saray Salmo 119:106

Tooren ko so sinambaan ko, ya onuren ko ray maptek a bilibilin mo.