Nehemias 1:5 - Maung A Balita Biblia

⁵ “Katawan a Dios na Tawen! Matalonggaring ka tan nepeg kan takotan. Matoor kan mangaro tan susumpalen moy impisipanan mo ed saray mangaarod sika tan mangoonur na saray ganggan mo.

Maung a Balita Biblia

⁵ Katawan a Dios na Tawen! Matalonggaring ka tan nepeg kan takotan. Matoor kan mangaro tan susumpalen moy impisipanan mo ed saray mangaarod sika tan mangoonur na saray ganggan mo.

Nehemias 1:5 Referans Kwoze

Exodo 20:6

Balet aroen ko ray nilibon kailalakan na saray mangarod siak tan mangonur na saray ganggan ko.

Deuteronomio 7:21

Kanyan ag kayo ontatakot ed sarayan totoo. Kaolup yo so Katawan a Dios yo; sikatoy Dios a makapanyari tan nepeg a takotan.

Nehemias 4:14

Anengneng kon mapaga ray totoo, kanyan inkuankod sikara, saray pangulo ra, tan saray opisyal da, “Ag kayo natatakot ed saray kalaban tayo. Nudnunot yo a matalonggaring tan makapataktakot so Katawan. Milaban kayo a pangyagel yod saray kadalaan yo, saray anak yo, saray kaasawaan yo, tan saray kaabungan yo.”

Deuteronomio 7:9

Ag yo lilingwanan a say Katawan a Dios yo et bukor toy Dios tan sikatoy matoor. Tooren toy impisipanan to tan ag mangoman so panangaro tod saray nilibon kailalakan na saray mangarod sikato tan saray matoluk ed saray ganggan to,

Nehemias 9:32

“O Dios mi, alay talonggaring mo! Makapataktakot tan makapanyarin tuloy! Matoor mon susumpalen so impisipanan mo. Nanlapu lad samay panaon a pinapairap kami na saray ararid Asiria, ontan lay paniirap mi ya anggad natan. Saray arari mi, saray pangulo mi, saray papari tan saray propita mi, saray lalaki mi, tan amin a totoo mi et maniirap ira. Nudnunot mo pa so ontan lan impanirap mi!

1 Saray Arari 8:23

tan nampikasi, “Katawan a Dios na Israel, anggapoy arum a dios a miparad sika diad tawen odino diad dalin! Matoor kad impisipanan mod saray totoom tan ipapanengneng moy ag mangoman a panangarom ed saray totoon sigput a matoor ed sika.

1 Saray Awaran 17:21

Anggapoy arum a bansa diad tapew na dalin a miparad Israel. Inyagel mod inkaaripen iray Israelita tan ginawam ira a totoom. Diad panamegley na saray ankabaleg tan makapakelaw a ginagawam para sikara, kinmayat ed intiron mundo so dayew mo. Pinataynan mo ray taga arum a bansa legan a mankukurang iray totoom.

Saray Salmo 47:2

Nepeg a takotan so Katawan a Sankatageyan; matalonggaring ya ari a manooley ed sankamundoan.

Saray Salmo 89:2

Amtak ya ag manganggay panangarom, tan say katooran mo et ag naderal a singa say tawen.

Saray Salmo 89:3

Imbagam, “Akisipanan ak ed toon pinilik; sinambaan kod managlingkur kon David,

Deuteronomio 7:12

“No dengelen yo ra yan ganggan tan matoor ya onuren yo ran amin, say Katawan a Dios yo et ituloy ton pansiansiaen so impisipanan tod sikayo tan iter tod sikayo so ag mangoman a panangaro, onung na insipan tod saray lalaki yo.

Esdras 1:2

“Sikato yay ganggan nen Ciro ya Impirador na Persia. Say Katawan a Dios na Tawen ginanggan to ak a manoley ed intiron mundo tan impalima tod siak so pangipaalagey na Timplon para sikato diad Jerusalem na Juda.

Nehemias 2:4

Tinepet na impirador, “Anto siriy labay mon kerewen?” Nampikasi ak ed Dios na Tawen,

Nehemias 4:8

Kanyan nankokomplut iran ondogpa ed Jerusalem tan manggawa ray baleg a gewgew.

Saray Salmo 76:8

Manlapud tawen, impaamtam so sintinsiam; tinmakot so mundo tan nandeen,

Saray Salmo 89:8

Katawan a Dios a Makapanyarin-amin, anggapoy makapanyarin singa sika; diad amin a bengatla matoor ka, Katawan.