Nehemias 1:4 - Maung A Balita Biblia

⁴ Nen nadngel ko ya, inmirung ak, insan ak nanakis. Pigay agew ak a nanermen tan ag angan. Nampikasi ak ed Dios.

Maung a Balita Biblia

⁴ Nen nadngel ko ya, inmirung ak, insan ak nanakis. Pigay agew ak a nanermen tan ag angan. Nampikasi ak ed Dios.

Nehemias 1:4 Referans Kwoze

Daniel 9:3

Insan masimoon ak a nampikasi ed Katawan a Dios, nankerew ak ed sikato, nanayuno ak, nankawes ak na sako, tan nanirung ak ed dapul.

Saray Salmo 137:1

Diad gilig na saray ilog ed Babilonia inmiirung kami; mannangis kamin akanunot diman ed Sion.

Esdras 10:1

Akatewek a mampipikasi si Esdras diad arap na Timplo, manakakis tan ipapatua to ra yan kasalanan. Legan ton mampipikasi minokut na saray amayamay ya Israelita—lalaki, bibii, tan ogogaw—tan manakakis na ampaipait.

Nehemias 2:4

Tinepet na impirador, “Anto siriy labay mon kerewen?” Nampikasi ak ed Dios na Tawen,

Saray Taga Roma 12:15

Miliket kayod saray manliliket, tan minangis kid saray mannanangis.

Sofonias 3:18

manliket a singa saray totoon manliliket ed pista.” Say Katawan kuanto, “Pinatondak lay tatakotan yon dusa tan inekal koy inkaplag yod kababaingan.

Daniel 2:18

Imbaga tod sikaran onkerew ira na panangasi na Dios na tawen tan ipikasi rad sikato ya ipaliwawa tod sikara so mistirio, pian ag ira napipatey ed saray arum a sumisimbawa a walad Babilonia.

Esdras 9:3

Nen nadngel ko ya, pinipilat koy kawes ko diad pangipanengneng koy ermen ko, ginogonut koy buek ko tan say balbas ko, insan ak inmirung a mapalaloy ermen ko.

Jonas 1:9

“Sakey ak a Hebreo,” ebat nen Jonas. “Mangigagalang ak ed Katawan a Dios na tawen, say nanggawad dalin tan say dayat.”

2 Samuel 12:16

Nampikasiy David a paabigen na Dios komun imay ogaw. Ag mangan si David; labi-labin onloob ed kuarto to tan mandokul ed datal.

Saray Salmo 136:26

Misalamat kayod Dios na tawen; andi-anggaan so panangaro to.

Daniel 10:2

Diad saman a panaon, maneermen ak a taloy simba.

2 Saray Arari 22:19

nampatauli ka tan nampaabeba kad siak ginebyas moy kawes mo tan manakakis ka nen nadngel mo no panoy panusak ed Jerusalem tan saray totoon manaayam diman. Gawaen kon makapasinagem a nengnengen, sakey a pasen a say ngaran to et ikana na saray totoo a sakey a samba. Balet nadngel koy pikakasim,

2 Saray Awaran 6:13

Nanggaway Solomon na gansan intablado tan inyan tod pegley na patio. Duara tan kapalduan mitro a kuadrado so kabaleg to tan sakey tan kapalduan mitro so kaatagey to. Sinmapat ed sayan intablado, tinmalimukor ed pasen a nanengneng na balang sakey, insan to inyatagey ed tawen iray lima to.)

Esdras 1:2

“Sikato yay ganggan nen Ciro ya Impirador na Persia. Say Katawan a Dios na Tawen ginanggan to ak a manoley ed intiron mundo tan impalima tod siak so pangipaalagey na Timplon para sikato diad Jerusalem na Juda.

Esdras 9:5

Nen sinmabiy oras na panangisaklang na bagat ed labi, inmalagey ak ed pasen a paneermenan ko. Akasolung nid siak imay apilat a kawes. Tinmalimukor ak a nampikasi tan inyonat ko ray limak ed Katawan a Dios ko.

Nehemias 2:20

Inmebat ak, “Pampalaboen kami na Dios na Tawen. Sikami ray aripen to, kanyan igapo miy pangipaalagey. Balet sikayo, anggapoy kanepegan yon mangayaryan na bengatla ed Jerusalem. Anggapoy pibibiang yod saray agawgawad sayan siudad.”

Saray Salmo 102:15

Takotan na saray bansa so Katawan; takotan na amin ya ararid tapew na dalin so pakayari to.