Nahum 2:13 - Maung A Balita Biblia

¹³ “Siak so kalaban mo!” kuay Katawan a Makapanyarin-amin. “Poolan ko ray karwahim. Napatey ed bakal iray sondalom, tan alaen kon amin iray bengatlan sinasamsam mod saray arum a bansa. Ag la narengel so antokaman ya ibaga na saray ibabakim.”

Maung a Balita Biblia

¹³ Siak so kalaban! kuay Katawan a Makapanyarin-amin. Poolan ko ray karwahim. Napatey ed bakal iray sondalom, tan alaen kon amin iray bengatlan sinasamsam mod saray arum a bansa. Ag la narengel so antokaman ya ibaga na saray ibabakim.

Nahum 2:13 Referans Kwoze

Nahum 3:5

Say Katawan a Makapanyarin-amin kuanto, “Dusaen ta ka, Ninive! Ekalan ta kay kawes tan ipanengneng ta kad saray bansa, et nanengneng day pakababaingan mo.

Jeremias 21:13

Sika, Jerusalem, manyodyorung kad pasen ya atagey nen saray patar, a singa baton-dampay ya atagey nen say palanas a dalin. Balet, siak, say Katawan, labanan ta ka. Ibabagam ya anggapoy makadogpa ed sika odino makaloob ed kawalaan mo.

Saray Salmo 46:9

Patotondaen to ray bakal ed intiron mundo; popoteren to ray pana, dederalen to ray pika, tan popoolan to ray samper.

2 Saray Arari 19:23

Angibaki kad siak na saray totoom a mampasirayew a lapud saray amayamay a karwahim dinakep mo ray sankaatageyan a palandey, anggan say toktok na Palandey na Libano. Impasirayew mod siak a nambabatang kad man na saray sankatageyan a kiew a sidro tan saray sankaabigan a kiew a saleng tan asorub mo ray sankaoteotelan na saray takel.

Nahum 3:1

Pangaskasiyan so kipapasen na siudad a managpatey na too, say siudad a napno na kayamanan a samsamen.

Ezekiel 5:8

Kanyan siak a Katawan a Dios ibabagak ed sika a siak so kalaban mo. Sintinsiaan ta ka a sankanengneng na saray totood arum a bansa.

2 Saray Arari 19:9

Nadngelan na impirador na Asiria a diad panangipangulo nen Ari Tirhaca na Etiopia onsasabi ray sondalon ondogpad sikato, kanyan nansulat ed kinen Ari Ezekias

Josue 11:9

Ginawa nen Josue ed sikara so onung na ingganggan na Katawan; nilolopuy to ray kabayo ra tan pinopoolan to ray karwahi ra.

Nahum 3:12

Amin da ray tirinsiram et magmaliw iran singa saray kiew na igos ya aluluto la ray bunga ra: yugayog moy sengeg da et napelag lad sangim iray bunga ra!

Ezekiel 39:1

Say Katawan a Dios kuanto, “Sika a toon ompatey, mansalita ka na sumpad Gog a manonan manoley na saray bansa na Mesec tan Tubal, tan ibagam ed sikato a siak so kalaban to.

Ezekiel 38:3

tan ibagam ed sikato a siak a Katawan a Dios et kalaban to.

Ezekiel 35:3

Ibagam ed saray totood man so ibabagak, siak a Katawan a Dios: “Siak so kalaban yo, sikayon kapalandeyan na Edom! Pagmaliwen ta kayon andi-kakanaan tan begtebegtew a dalin.

Ezekiel 29:10

siak so kalaban mo tan say kalaban na Nilom. Pagmaliwen kon andi-kakanaan tan begtebegtew so intiron dalin na Egipto, manlapud siudad na Migdol diad baybay ya anggad siudad na Aswan diad abalaten, a talosen toy anggad ketegan na Sudan.

Ezekiel 29:3

Ibagam a sikato yay ibabaga na Katawan a Dios ed ari na Egipto: Siak so kalaban mo, sika a dragon a buaya a walad ilog. Ibabagam a kayaryan moy Ilog na Nilo, tan sika so nanggawa.

Ezekiel 28:22

Ibagam ed saray totood man so ibabagak, siak a Katawan a Dios: Siak so kalaban mo, Sidon; idayew ak na saray totoo lapud gagawaen kod sika. Naamtaan da a siak so Katawan, no ipanengneng koy ontan lan inkasantok diad panusak ed saray totoon manaayam ed sika.

Ezekiel 26:3

“Natan sirin, saya so ibabagak, siak a Katawan a Dios: Siak so kalaban mo, sikan siudad na Tiro. Mangyakar ak na amayamay a bansan ondogpad sika, tan singa saray daluyon so isabi ra.

Jeremias 51:25

Babilonia, singa ka sakey a palandey a maneral ed intiron mundo, balet kalaban mo ak, siak a Katawan. Egnaan ta ka, ipalanas ta kad dalin, tan padapulen ta ka.

Jeremias 50:31

“Babilonia, sumpa ak ed sika, siak a Katawan a Makapanyarin-amin a Dios, lapud mapaatagey ka. Sinmabi lay panaon a panusak ed sika.

2 Saray Awaran 32:19

Diad panagsalita ra impara ray Dios na Jerusalem ed saray diriyos na arum a totoo, saray talintaoy diriyos a ginagawa na limay too.

2 Saray Arari 18:19

Imbaga ed sikara na sakey ed saramay opisyal na Asiria a labay ya amtaen na impirador no antoy makasengeg na pambabaleg-balegan nen Ari Ezekias.

2 Saray Arari 18:17

Angibaki so impirador na Asiria na amayamay a sondalon nanlapud Lakis, ta dogpaan day Ezekias ed Jerusalem; saray taloran sankatageyan ya opisyal so angipangulod saray sondalo. Kasabi rad Jerusalem, nanayam irad dalan a pankikimeyan da ray managgaway abel, diad abay na banawang ya aagosay danum a manlalapud dipositoway danum a walad tagey.

Josue 11:6

Say Katawan kuantod kinen Josue, “Ag kayo natatakot ed sikara. Diad onyan oras nabwas apatey ko la ran amin para Israel. Lopuy yo ray kabayo ra tan poolan yo ray karwahi ra.”

Jeremias 46:14

“Ibawag mod saray baley na Egipto, diad Migdol, Memfis, tan Tafnes, ‘Mamparaan kayon mangyagel ed sikayon dili; naderal ed bakal iray amin a kayaryan yo!

Ezekiel 13:8

Kanyan say Katawan a Dios kuantod sikara, “Tila ray salita yo, tan aliwan tua ray pasingayew yo. Sumpa ak ed sikayo.

Ezekiel 21:3

a siak a Katawan kuanko: Siak so kalaban yo. Oyusen koy ispadak tan pateyen ta kayon amin, matonung may maoges.

Nahum 2:12

Pinatey na lion so narel ton ayep tan biningbingkas ton kanen na asawa to tan saray anak ton ankelag; pinano to na abingbingkas a laman so balaung to.

Nahum 3:15

Anggan antoy gawaen mo, napoolan ka nin siansia ya anggad ipatey mo odino napatey ka ed bakal. Naandipat kan singa saray tanaman ya inoput na saray dorun. Dinmakerakel kan singa saray dorun!