Nahum 1:2 - Maung A Balita Biblia

² Say Katawan a Dios ag to aabuloyan a walay ontalona nen say sikato; dudusaen to ray onsusumlang ed sikato. Diad gaway pasnuk to ombabawid sikara.

Maung a Balita Biblia

² Say Katawan a Dios ag to aabuloyan a walay ontalona nen say sikato; dudusaen to ray onsusumlang ed sikato. Diad gaway pasnuk to ombabawid sikara.

Nahum 1:2 Referans Kwoze

Zacarias 8:2

“Pampilpilalekan kon tulongan so Jerusalem lapud inararok iray totoo to; lapud panangarok ed sikara siak so akapasnuk ed saray kalaban da.

Exodo 20:5

Ag ka ondadakmomo odino mangigagalang ed saraya, ta siak, say Katawan a Dios mo, et maimon ak. Dusaen ko ray mamosul ed siak tan saray kabyangay boleg da ya anggad kumatlo tan kumapat a kailalakan.

Saray Salmo 94:1

Katawan, sika so Dios a manudusa; ipanengneng mo pay pasnuk mo!

Exodo 34:14

“Ag kayo mangigagalang ed arum a diriyos ta siak a Katawan et maimon ak a Dios.

Josue 24:19

Inkuanen Josue ed saray totoo, “Balet ompan ag yo nayarian a panlingkuran so Katawan? Sikato so masanto a Dios tan ag to pirdonaen iray kasalanan yo. Maimon a Dios

Saray Hebreo 10:30

Ta kabat tayoy angibagay onya: “Siak so ombawi; siak so manusa.” Tan inkuanto ni, “Sintinsiaan na Katawan iray totoo to.”

Isaias 42:13

Say Katawan ompapaway a milaban a singa sondalon mibabakal; akaparaan tan mampilalek a mibakal. Oneeyag na eyag na bakal; ipapanengneng toy pakayari to sumpad saray kalaban to.

Deuteronomio 4:24

lapud maimon tan singa manliub ya apoy so Katawan a Dios yo.

2 Pedro 2:9

Kanyan say Katawan amta to no panon ton ipaliis ed subsubok na bilay iray totoon matoor ed sikato tan no panon ton dusaen anggad Agew na Okum iray totoon bagel,

Saray Taga Roma 12:19

Ag kayo ombabawi, inararon agagi; paolyan yo lan ombawi so Dios. Ta ibabagay Masanton Sulat, “Siak so maningil, siak so ombawi, kuay Katawan.”

Mikias 5:15

Lapud mapalalon pasnuk ko ombawi ak ed amin da ray bansa ya ag inmonur ed siak.”

Joel 2:18

Insan say Katawan impanengneng toy panagnunot tod dalin to; walay panangasi tod saray totoo to.

Ezekiel 39:25

Say Katawan a Dios kuanto, “Balet natan kasian ko ray kabyangay boleg nen Jacob, saray totood Israel, tan paaligwasen ko ra lamet. Iyagel ko so masanton ngaran ko.

Ezekiel 6:12

Mansakit iray walad arawi, insan ira ompatey; saray walad asingger napatey irad bakal; saray ag napatey ed bakal ompatey irad eras. Nalikna ray amin a biskeg na pasnuk ko.

Jeremias 4:4

Toor yoy impisipanan yod siak a Katawan yo, tan isaklang yoy sikayon dili ed siak, sikayo ran totood Juda tan Jerusalem. No ag yo tooren, ondalang a singa apoy so pasnuk ko, lapud saray kaogsan a ginawa yo. Ondalang, et anggapoy makaerep.”

Isaias 51:20

Diad suyok na balang dalan mamparogsod kapoy iray totoom; singa ra ulsan narel ed iket na umaanop. Alikna ray sulit na pasnuk na Dios.

Isaias 51:17

Jerusalem, liing ka! Molagat ka tan bangon ka! Inminom kad kupa na dusa a diad pasnuk na Katawan et inter tod sikan inomen mo; ininom mo, et nampadongilngil ed sika.

Say Libro nen Job 20:23

Paolyan mon mangan na labalabay to! Diad ontan lan pasnuk na Dios dusaen to.

Levitico 26:28

sumpaen ta kayod pasnuk ko tan mamimpito nin belat so iyarum ko lamet ed dusa yo lapud saray kasalanan yo.

Saray Taga Roma 13:4

Ta sikatoy kumikimey na Dios tan pankaabigan moy gagawaen to. Balet takot ka no maoges so gawaen mo, ta dusaen to kan dusaen. Sikatoy kumikimey na Dios a manusa ed saray manggaway kaogsan.

Zacarias 1:14

Insan samay anghil imbaga tod siak ya ibawag ko may imbaga na Katawan a Makapanyarin-amin: “Mapalaloy panangarok ed Jerusalem a masanton siudad ko.

Mikias 7:18

Anggapoy dios a singa sika, O Katawan; pipirdonaen moy kasalanan da ray totoom ya apaliisan day patey. Ag ka mampasnuk ya ando lan ando, no ag ta panliketan mon ipanengneng so ag mangoman a panangarom.

Ezekiel 38:18

Say Katawan a Dios kuanto, “Diad agew a looban nen Gog so Israel, mampasnuk ak na mapalalo.

Ezekiel 36:6

“Kanyan mampropisiya ka ed dalin na Israel; salitam ed saray kapalandeyan, saray kapokdulan, saray kolus, tan saray patar so ibabagak, siak a Katawan a Dios diad maimon a pasnuk ko, lapud saramay impanpapabaing tan impanleleglemew na saray bansa ed sikara.

Ezekiel 8:18

Nalikna ra so biskeg na pasnuk ko. Ag ko ra pirdonaen odino kasian. Anggan oneyaeyag iran onkerew ed siak na tulong, ag ko ra dengelen.”

Ezekiel 5:13

“Nalikna yod satan so biskeg na pasnuk tan sanuk kod sikayo ya anggad siak so napenek. No nagawa ra yan amin, manisia ki la a siak a Katawan so nansalita lapud ampetang so olok ed inkalamang yod siak.

Saray Tagleey 4:11

Impelag na Katawan so intiron biskeg na petang na olo to; pinoolan to ya anggad dalin so siudad na Sion.

Jeremias 36:7

Gawam ya, ta ag la pigan mampikasi rad Katawan tan benegan day maoges a kabibilay da, lapud imbesngaw na Katawan ed sarayan totoo so mapalalon pasnuk tan sanuk tod sikara.”

Jeremias 25:15

Say Katawan a Dios na Israel inkuantod siak, “Nia so kupa na alak a napnoy pasnuk ko. Alam ta ipainom mod saray bansan pangibakian kod sika.

Jeremias 3:5

Ag ka mamasnuk lawas; aliwan ando lan ando so petang na olom.’ Israel, sikato tan so inkuanmo, balet nanggagawa kay kaogsan ed anggaay nayarian mo.”

Isaias 66:15

Say Katawan onsabin kaiba toy apoy. Onlogan ed saray payak na bagyo no dusaen to ray pamapasnukan to.

Deuteronomio 7:10

balet andi-saew a dusaen to ray mamosul ed sikato.

Jeremias 28:8

Saray propitan nansalita nen abayag lan panaon kasakbayan na panaon ko tan panaon mo, impropisiya ray idalan na bakal, eras, tan salot ed saray amayamay a bansa tan saray makapanyarin nanarian.

Ezekiel 38:19

Ibabawag ko a diad gaway pasnuk ko, nagawad satan ya agew so mabiskeg a yegyeg ed dalin na Israel.

Exodo 34:7

Tooren koy sipan kod saray libo-libon kailalakan tan pirdonaen koy kaogsan tan kasalanan; balet dusaen kon dusaen iray anak tan apo, anggad kumatlo tan kumapat a kailalakan, lapud saray kasalanan na saray atateng da.”

Saray Bilang 25:11

“Lapud samay ginawa nen Finees, ag ak la mamapasnuk ed saray totood Israel. Ag to inyabuloy so pangigalang ed dinan man a dios likud ed siak, kanyan ag ko ra dineral ya amin ed pasnuk ko.

Jeremias 50:15

Diad kaliber-liber to eyag kayoy para bakal sumpad sikato. Sinmuko la so Babilonia. Ageba tan alooban la ray padir to. Siak, so ombabawi ed saray taga Babilonia. Kanyan bawi kayod sikara, tan gawa yod sikaray singa ginawa rad arum.