Mikias 7:5 - Maung A Balita Biblia

⁵ Ag yo sisigsiaen so kaabay yo odino panmamatalkan so kaaro yo. Alwaran yoy ibabagayo ed anggan dilin asawa yo.

Maung a Balita Biblia

⁵ Ag yo sisigsiaen so kaabay yo odino panmamatalkan so kaaro yo. Alwaran yoy ibabagayo ed anggan dilin asawa yo.

Mikias 7:5 Referans Kwoze

Jeremias 9:4

Say balang sakey nepeg a manalwar ed anggan kaaro to, tan ag napampiaan na anggan siopa so agi to; ta managpalikdon singa si Jacob so balang agi, tan papaogesen na balang sakey iray kakaaro to.

Mateo 10:16

“Dengel kayo! Ibabaki ta kayon singa karniro ed pegley da ray asod katakelan. Nakaukolan a maalwar kayo a singa saray oleg tan mauyamo kayo a singa saray malapati.

Saray Salmo 41:9

Anggan say sankaasinggeran a kaarok, samay pampipiaan kon maung, samay mimikan ed siak, et nantraidoran to ak.

Saray Salmo 141:3

Katawan, mangyan ka pay guardiad sangik, sakey a bumabantay ed puirta na saray bibil ko.

Saray Tagleey 1:2

Mannangnangis lawas; managagos ed aping toy lua. Diad amin da ray angaaro ed sikato nen saman, anggapoy manligliwa ed sikato ya anggan sakey ed sikara. Nantraidoran na saray kagampi to tan kalaban to ran amin natan.

Saray Huis 14:17

Nanakis imay bii ya anggad kumapiton agew na ponsia. Balet diad kumapiton agew imbaga nen Samson ed kinen asawa to so ebat na samay pabitla, ta sinmawa lad panetepet lan panetepet na asawa to. Insan imbaga na samay asawa to so ebat ed saramay Filisteo.

Saray Salmo 38:14

Singa ak toon ag makadngel, kanyan ag ak makaebat.

Jeremias 9:3

Sipaparaan ira lawas a mantila; katilaan, aliwan katwaan, so manooley ed intiron bansa. Say Katawan kuanto, “Mansosoblayan a kaogsan so gagawaen na saray totook, tan ag da ak bibirbiren a Dios da.”