Mikias 7:20 - Maung A Balita Biblia

²⁰ Ipanengneng moy inkatoor tan say ag mangoman a panangarom ed saray totoom, saray kabyangay boleg di Abraham tan Jacob, onung na insipan mod saray lalaki mi, nen saman nin panaon.

Maung a Balita Biblia

²⁰ Ipanengneng moy inkatoor tan say ag mangoman a panangarom ed saray totoom, saray kabyangay boleg di Abraham tan Jacob, onung na insipan mod saray lalaki mi, nen saman nin panaon.

Mikias 7:20 Referans Kwoze

Deuteronomio 7:8

Pinili to kayo lapud inaro to kayo tan labay ton tooren imay sipan tod saray lalaki yo. Kanyan inlaban to kayo diad panamegley na baleg a pakapanyari to tan imbolus to kayod impakaaripen yod ari na Egipto.

Genesis 24:27

Inkuanto, “Nadayew komuy Katawan a Dios na amok ya Abraham; tinoor toy sipan tod kinen amok. Say Katawan inwanwan to ak a linma ed saray dilin kakanayon nen amok.”

Genesis 32:10

O matoor a Katawan, ag ak manepeg a mangawat na panangarom tan panangasim ya impatnag mod siak a mapaabeban aripen mo. Binaliw koy Jordan ya anggapoy awit ko no ag say baston labat, balet natan pinmawil ak a kaibak ira yan duaran olup.

Deuteronomio 7:12

“No dengelen yo ra yan ganggan tan matoor ya onuren yo ran amin, say Katawan a Dios yo et ituloy ton pansiansiaen so impisipanan tod sikayo tan iter tod sikayo so ag mangoman a panangaro, onung na insipan tod saray lalaki yo.

Jeremias 33:6

Balet paabigen ko yan siudad tan saray totoo to tan ipawil koy gendat a biskeg da. Ipanengneng kod sikaray daakan ya aligwas tan say bilay ya arawid kaatapan.