Mikias 7:17 - Maung A Balita Biblia

¹⁷ Manilos irad dabuk a singa oleg; ompaway irad saray tirinsira ra, manggiwgiw tan natatakot ira. Ondago ran sitatakot ed Katawan a Dios mi.

Maung a Balita Biblia

¹⁷ Manilos irad dabuk a singa oleg; ompaway irad saray tirinsira ra, manggiwgiw tan natatakot ira. Ondago ran sitatakot ed Katawan a Dios mi.

Mikias 7:17 Referans Kwoze

Isaias 49:23

Magmaliw a singa ama yo iray arari; magmaliw a singa ina yo iray riyna. Ondakmomo rad sikayo tan igalang da kayo; mapaabeba ran mangigalang ed sikayo. Naamtaan yod satan a siak so Katawan; ag nabaingan so siopaman a toon manalagar na tulong ko.”

Saray Salmo 72:9

Ondakmomod sikaton amin iray totood kalawakan; ontakbad dabuk iray kalaban to.

Saray Salmo 18:45

Onkakapoy so linawa ra tan manggiwgiw iran onsisingger a manlapud saray tirinsira ra.

Puyan 3:9

Dengel ka! Paonlaen ko rad sika tan padakmomoen kod arap mo ray kakaiba nen Satanas a matitila tan mangibabagan Judio ra anta andi, pian nakabatan da ya inaro ta ka.

Zacarias 14:5

No ombatik kayo ondalan kayod sayan patar ya onsabid palandey ya anggad biek a dapag. Ombatik kayo a singa ginawa na saray lalaki yo nen agawa so yegyeg diad samay panaon nen Ari Uzias na Juda. Onsabi so Katawan a Dios ko, a kaiba to ray amin ya anghil.

Saray Tagleey 3:29

Ag tayo nepeg so manriklamo, ta ag la pigan wala niy ilalo tayo.

Jeremias 33:9

Say Jerusalem et magmaliw a panlapwan na liket, galang, tan dayew ko; tan amin a bansa ed intiron mundo ontakot tan onggiwgiw ira no narengelan da ray nipaakar ed maabig a bengatlan gagawaen kod saray totood Jerusalem, tan say aligwas ya iiter kod siudad.”

Jeremias 16:16

Say Katawan kuanto, “Mangibaki ak na saray amayamay a sumisigay a mangerel ed sarayan totoo. Insan mangibaki ak na saray amayamay ya umaanup a manganup ed sikara diad palandey tan pokdul, tan anggan diad saray abut ed saray ankakabaleg a bato.

Isaias 65:25

Mandorongo a mangan iray asod katakelan ton saray kordiro; saray lion mangan ira na dayami a singa saray baka; tan saray oleg ag la ra mangetket. Anggapo lad satan so antokaman a mamasakit odino kaogsan diad masanton palandey ko a Sion.”

Isaias 64:2

Onggiwgiw iran singa manlelwag a danum ya akatoon ed apoy. Gala pa ta ipanengneng moy pakayarim ed saray kalaban mo, tan pagiwgiw mod arap mo iray bansa!

Isaias 60:14

Saray anak na saramay nampapairap ed sika et ondago ra Tan ondakmomo ra a pamagalang dad sika. Amin da ra may nambabalaw ed sika et igalang da kad saliyan mo. Tawagen da kan ‘Say Siudad na Katawan.’ ‘Sion, say Siudad na masanton Dios na Israel.’

Isaias 59:19

Amin a totoo, manlapud bokig ya anggad sagur, takotan day Katawan tan say baleg a pakayari to. Onsabi a singa maples ya ilog, singa mabiskeg a dagem.

Isaias 25:3

Saray totood makapanyarin bansa et idayew da ka; takotan ka na saray totoo ed saray siudad da ray maruksan bansa.

Saray Salmo 9:20

Patakot mo pa ra, Katawan; ipaamtam ed sikara a totoo ran ompatey.

1 Samuel 14:11

Nampanengneng ira sirin ed saray Filisteo, et saray Filisteo kuanda, “Nengneng yo! Ompapaway iray pigaran Hebreo ed saray abut a nanaamutan da!”

Josue 9:24

Inmebat ira, “Ginawa mi ya, lapud naamtaan mi a say Katawan a Dios yo et tuan ingganggan toy aripen ton Moises ya iter tod sikayo yan intiron dalin tan pateyen yo ray totoon manaayam dia legan a mankukurang kayo. Ginawa mi ya lapud antakot kamid sikayo, ompan pateyen yo kami.

Deuteronomio 32:24

Ompatey irad eras tan sakit a mapalalon petang; ompatey irad makapataktakot iran salot. Mangibaki ak na saray ayayep ed katakelan ya ondogpad sikara, tan saray nanditan oleg a mangetket ed sikara.

2 Samuel 22:46

Onkakapoy so linawa ra tan manggiwgiw iran onsisingger a manlapud saray tirinsira ra.

2 Saray Awaran 17:10

Say Katawan pinatakot ton mibakal ed kinen Josafat ya amin iray nanarian a walad kaliber-liber na Juda.

Saray Salmo 72:11

Ondakmomod sikato komun ya amin iray arari; manlingkur ed sikato ray amin a bansa.

Isaias 7:19

Manayam irad saray patar a kawalaan na ankakabaleg a bato tan diad saray ongib ed kapalandeyan. Panatan da met ya amin iray masabit ya abeban kiew tan amin iray pastolan.