Mikias 7:16 - Maung A Balita Biblia

¹⁶ Nanengneng ya na saray bansa, et nalemay ira anggaman a mabisbiskeg ira. Diad kalemay da ikopit day sangi ra tan pepetan da ray layag da.

Maung a Balita Biblia

¹⁶ Nanengneng ya na saray bansa, et nalemay ira anggaman a mabisbiskeg ira. Diad kalemay da ikopit day sangi ra tan pepetan da ray layag da.

Mikias 7:16 Referans Kwoze

Isaias 26:11

Ag amta na saray kalaban mo a dusaen mo ra. Katawan, ipelag mo pa rad kababaingan tan panliknam pa ray kairapan; ipaliknam ed sikaray dusan imparaan mo. Ipanengneng mo pad sikara so ontan lan panangarom ed saray totoom.

Isaias 52:15

Balet natan amayamay a bansay mankelaw ed sikato, tan diad pankelaw da ray arari ag ira makaskasel. Nanengneng tan natalusan day ag da ni akabatan nen saman.”

Say Libro nen Job 40:4

“Katawan, nansalita ak na andi-kabaliksan. Antoy niebat ko ni? Pepetan ko lay songut ko.

Puyan 11:18

Akapasnuk iray Hintil, ta sinmabi lay panaon na pasnuk mo, say panintinsiam ed saray inaatey, say pangiter moy tumang ed saray propitan managlingkur mo, saray totoom, tan saray totoon walay panangigalang ed sika, atagey man o abebad kipapasen. Sikato ya met so panaon a paneral mod saray mandederal ed dalin!”

Saray Taga Roma 3:19

Natan amta tayo ya amin iray walad Ganggan et para saray walad silong na Ganggan, pian napatonda toy pambabaraan na amin a katoowan tan napasilong tod panagsintinsia na Dios so sankamundoan.

Zacarias 12:9

Diad satan a panaon deralen koy balang bansan manalin ondogpa ed Jerusalem.

Mikias 5:8

Saray atilak ed saray bansa et magmaliw iran singa lion a manaanap ed takel odino diad pastolan na kanen to; onlad kawalaan da ray karniro, tekmelan to ra, tan bingbingkasen to ra—et anggapoy makapangyagel.

Ezekiel 38:23

Diad onya ipanengneng kod amin a bansa a siak so matalonggaring tan masanto. Diad satan naamtaan da a siak so Katawan.”

Isaias 66:18

Amtak iray kanunotan tan saray gawgawa ra. Onsabi ak a manipon ed saray totood amin a bansa. No mantitipon ira, nanengneng da no antoy nagawaan na pakayarik

Saray Salmo 126:2

Agaylay impaneelek-elek tan impankankanta mi lapud liket! Insan inkuan na saray arum a bansa, “Matalonggaring iray ginagawa na Katawan para sikara!”

Say Libro nen Job 21:5

Nengneng yo ak. Ag ta la makatalagnaw tan makamemet na sangi so nanengneng yo?

Probirbio 30:32

No makulang-kulang ka ed panagpaatagey mo tan manggegetma kan manggaway maoges, tonda ka tan mannunot ka!

Mikias 3:7

Napelag ed kababaingan iray totoon mampropisiya na nipaakar ed nagawad arapen. Nabaingan ira lapud anggapoy naalagar dan ebat na Dios.

Aggeo 2:22

taloen ko ray bansa tan panganggaen koy pakayari ra. Ipabalintuag ko ray karwahi ra tan saray kutsiro ra; ompatey iray kabayo tan mampapateyan iray kumakabayo.