Mikias 7:14 - Maung A Balita Biblia

¹⁴ Katawan, sika pay mampastol ed saray totoon pinilim. Anggan manaayam iran mambukbukor ed kalawakan, walay mataban dalin ed kaliber-liber da. Ipaarap mo pa ran mangan ed saray malambut a pastolan ed Basan tan Galaad a singa ginagawa ra nen saman.

Maung a Balita Biblia

¹⁴ Katawan, sika pay mampastol ed saray totoon pinilim. Anggan manaayam iran mambukbukor ed kalawakan, walay mataban dalin ed kaliber-liber da. Ipaarap mo pa ran mangan ed saray malambut a pastolan ed Basan tan Galaad a singa ginagawa ra nen saman.

Mikias 7:14 Referans Kwoze

Mikias 5:4

No sikatoy onsabi, oleyan to ray totoo to diad panamegley na biskeg a manlalapud Katawan; walad sikato so dilin pakapanyari na Katawan a Dios. Mambilay ya arawid kaatapan iray totoo to, lapud birbiren na saray katoowan ed intiron mundo so inkatalonggaring to,

Isaias 49:10

ag iran balut naerasan odino naapgaan. Ag ira napasakitan na petang na agew tan makasinit a dagem, ta iwanwan ira na samay maarod sikara. Iwanwan to rad abay na sobul na danum.

Amos 9:11

Say Katawan kuanto, “Onsabiy agew ya ipawil koy gendat a kipapasen na nanarian nen David, a kaparpara toy sakey ya abung ya aderal-deral ed inkageba to. Apigeren ko ray padir to tan ipaalagey kon singa gendat.

Isaias 40:11

Asikasoen to ray karniro to a singa panagkomponi na pumapastol; tiponen to ray kordiro tan ampopoen to rad taklay to; anosan ton iwanwan iray kainaan da.

Isaias 37:24

Angibaki ka na saray totoom ya ipasirayew dad siak a dinakep mo ray sankaatageyan a palandey na Libano, lapud saray amayamay a karwahim. Impasirayew mo a nambabatang kad man na saray sankaatageyan a kiew a sidro tan saray sankaabigan a kiew na saleng, tan nakar mo ray sankaote-otelan na saray takel.

Saray Salmo 100:3

Birbir yon Dios so Katawan! Pinalsa to itayo, tan kayaryan to itayo; totoo to itayo, saray karniro to.

Saray Salmo 95:7

Sikatoy Dios tayo; sikatayoy totoon aasikasoen to, saray karniron tataganoen to. Diad sayan agew, dengel yoy ibabaga to:

Saray Salmo 28:9

Ilaban mo pa ray totoom, O Katawan, tan bindisionan mo pa ray totoon kayaryan mo! Sika komuy pumapastol da, tan asikasom ira ya anggad angga.

Juan 17:16

Ag ira kayaryan na sankamundoan, a singa siak ya ag kayaryan na sankamundoan.

Mateo 2:6

‘Sika, O Betlehem, diad dalin na Juda, aliwan sikay sankaabebaan ed saray manonan baley na Juda; ta panlapwan kay sakey a pangulo a mangiwanwan ed saray totook ya Israel.’”

Malakias 3:4

Diad ontan magmaliw a makapaliket ed Katawan iray bagat ya iyakar ed sikato na saray totood Juda tan Jerusalem, a singa gendat a ginagawa da la nen saman.

Sofonias 3:13

Saray totood Israel ya apaliisan day patey et ag la ra manggaway maoges ed kapara ran too, ag la ra mantila, odino mamalikdo na arum a totoo. Onaligwas ira tan niarawi rad kaatapan, ya ag la ra antakot ed siopaman.”

Saray Tagleey 5:21

Papawil mo kamid sika, O Katawan! Papawil mo kami pa! Ipawil mo pay gendat a kagalangan mi.

Isaias 65:10

Igalang da ak tan ipastol da ray karniro tan saray baka ra ed Patar na Saron diad sagur tan diad Patar na Gunigon diad bokig.

Isaias 35:2

Mankanta tan maneyag ed liket so kalawakan; magmaliw a marakep a singa Saray Palandey na Libano tan mataba a singa saray kaalogan na Carmelo tan Saron. Nanengneng na balang sakey a too so kagalangan na Katawan, say inkatalonggaring to tan say pakapanyari to.

Saray Salmo 143:5

Nanununotan koy linmabas iran agew; dadalepdepen ko ray amin a ginagawam, momotekteken ko ray amin a gawgawam.

Deuteronomio 33:28

Kanyan manaayam ya arawid kaatapan iray kabyangay boleg nen Jacob, mareen so bilay dad sakey a dalin a daakan so trigo tan alak, diad dalin a linaew so manasalog.

Saray Bilang 23:9

Manlapud tagey na kapokdulan nanengneng ko ra; Manlapud kapokdulan nabantag ko ra. Sakey iran bansan mambibilay a mambukbukor; Amta ra a magmaung niy inkabindisionan da nen saray arum a bansa.

Exodo 33:16

Panoy pakaamta na siopaman a makaliliket kad saray totoom tan diad siak, no ag ka milad sikami? Say kiwawalam ed sikami et mangipanengneng a doma kami ed saray arum a totoo diad tapew na dalin.”

Saray Tagleey 1:7

Natan ta aderal-deral lay Jerusalem, nudnunoten toy kagalangan to nen saman. Anggapoy ontulong ed sikato nen sikatoy naplag ed lima da ray kalaban; Elek-elekan na saray anakep ed sikato lapud inkatalo to.

Levitico 27:32

Say sakey ed kapag samploran amon ayep et kayaryan na Katawan. No bilangen iray ayep, kayaryan na Katawan so balang kumasamplo.

Kanta nen Solomon 4:1

Agaylay gangganam, O inarok! Inmagayep iray matam ya asakbungan na bilom. Saray buek mo et singa olup na kanding a manggagalaw ed alusadsar na kapokdulan na Galaad.

Jeremias 49:31

‘Gali la! Dogpaan tayo ra man a totoon mambibilay ed kareenan tan arawid kaatapan. Anggapoy kaput odino tarangka iray puirtay siudad da; sigput ya anggapoy mangyagel ed sikara.’

Ezekiel 36:11

Parakelen koy bilang da ray totoo tan saray ayayep. Magmaliw a dakel niy bilang yo nen say karakel yo nen saman, ta nawalaan kayo na amayamay ya anak. Panayamen ta kayod man a singa samay impanayam yo nen saman, ta paaligwasen koy bilay yo a mapalalo nen say bilay yo nen saman. Diad satan naamtaan yo a siak so Katawan.

Saray Bilang 32:1

Saray tribu di Ruben tan Gad et dakerakel so baka ra. Nen anengneng dan balibalin pampastolan na baka so dalin na Jazer tan Galaad,

Isaias 27:13

No onsabiy tan ya agew, nasibuk so trumpita a panawag ya ompawil iray Israelitan nibantak ed Asiria tan Egipto. Onsabi rad Jerusalem tan igalang dad may Katawan ed masanton palandey to.

Obadias 1:19

“Saray totoon taga abalaten na Juda et kayaryanen dan panayaman so Edom; dakepen na saray taga sagur a manaayam ed alusadsar na kapokdulan so Filistia. Kayaryanen na saray Israelita so dalin na Efraim tan Samaria; kayaryanen na saray totoon kabyangay boleg nen Benjamin so Galaad.

Zacarias 10:10

Pasempeten ko ran manlapud Egipto tan Asiria tan manayam ira ed dilin bansa ra. Panayamen ko ra met ed Galaad tan diad Libano; napano na totoo so intiron dalin.

Zacarias 11:7

Saray sumasaliw tan lumalako na karniro et inupaan da ak, tan magmaliw ak a pumapastol na saray karniron papatasen. Angawit ak na duaran bastun; say sakey tinawag ko na “Panangasi” tan say sakey “Pankakasakey.” Inasikasok imay poluk na karniro.