Mikias 6:11 - Maung A Balita Biblia

¹¹ Panoy pakapirdonak ed saray totoon mangikakanay masaol a simbangan tan sukatan?

Maung a Balita Biblia

¹¹ Panoy pakapirdonak ed saray totoon mangikakanay masaol a simbangan tan sukatan?

Mikias 6:11 Referans Kwoze

Oseas 12:7

Say Katawan kuanto, “Saray totood Israel et masaol iran singa saray Cananeo; labalabay dan saolen iray sumasaliw diad panamegley na masaol a simbangan.

Levitico 19:36

Ikana yoy anggapoy saol a simbangan tan sukatan. Siak so Katawan a Dios yo, tan siak so angipaway ed sikayo manlapud Egipto.

Probirbio 16:11

Labay na Katawan a saray simbangan tan sukatan et anggapoy kasaolan tan anggapoy tilaan ed panaglako.

Deuteronomio 25:13

“Ag kayo mansasaol no mangikana kayoy simbangan tan sukatan.

Probirbio 11:1

Kabosul na Katawan so masaol a simbangan, balet maliket ed dugan simbangan.

Ezekiel 45:10

“Balang sakey a too nepeg a mangikana na anggapoy saol tan duga a sukatan tan simbangan:

Amos 8:5

Ibabaga yod sikayon dili, “Kapigan kasiy kasumpal na saray mablin agew, pian makalako kami lay trigo mi. Kapigan kasiy kasumpal na Agew na Panagpainawa, pian nayarian mi lay manlako lamet na trigo mi? Nasumpal la komun, pian makatubo kami lay dakel, nikana mi la ray masaol a sukatan, tan nilira mi ray simbangan pian napalikdo mi ray sumasaliw ed sikami.

Zacarias 5:8

Samay anghil kuanto, “Sayan bii iriritrato to so kaogsan.” Insan to intelmer ed baskit imay bii tan sinakuban to.

Probirbio 20:10

Kabosul na Katawan iray mangikakana na masaol a simbangan tan sukatan.