Mikias 5:7 - Maung A Balita Biblia

⁷ Say totood Israel a nakeraan a mabilay et magmaliw iran singa ambetel a linaew ya impelag na Katawan ed saray amayamay a bansa, singa ra mayamayan ompepelag ed saray ombabaleg a tanaman. Manmatalek irad Dios, aliwan diad too.

Maung a Balita Biblia

⁷ Say totood Israel a nakeraan a mabilay et magmaliw iran singa ambetel a linaew ya impelag na Katawan ed saray amayamay a bansa, singa ra mayamayan ompepelag ed saray ombabaleg a tanaman. Manmatalek irad Dios, aliwan diad too.

Mikias 5:7 Referans Kwoze

Mikias 5:3

Kanyan say Katawan paolyan ton naoleyan na saray kalaban da iray totoo to ya anggad say mangyanak ed samay manoley et inyanak to la. Diad satan saray kabansaan ton nibantak ed arum a bansa et mikasakey irad saray kapara ran totood Israel.

Isaias 44:3

“Itdan ko na danum so amagamagan dalin tan paagosen ko so kinmelang a dalin na sobul na danum. Ikalbok ed saray anak mo so ispirituk; iter kod saray kabyangay boleg mo so bindision ko.

Deuteronomio 32:2

Napelag a singa oran so bangat ko tan magmaliw a singa linaew ed dalin. Saray salitak ompelag a singa mayamaya ed saray malangwer a tanaman, singa makalkalnan oran ya ompelag ed malambut iran dika.

Oseas 14:5

Diad saray totood Israel, magmaliw ak a singa oran ed amagan dalin. Ombuskag iran singa saray rosas; onaralem a maung so lamut da, a singa saray kakiewan ed Libano.

Saray Salmo 72:6

Say ari et magmaliw komun a singa oran ya ompelag ed kaalogan, singa mayamaya ya ondadapod dalin.

Saray Taga Roma 10:20

Lalon makpel si Isaias ta inkuanto, “Arumog da ak iray ag manaanap ed siak. Pinmanengneng ak ed saray ag manetepet no iner so kawalaan ko.”

Zacarias 14:8

No onsabi tan ya agew, onagos so masamit a danum a manlapud Jerusalem, say kapaldua onagos ed Inatey a Dayat tan say kapaldua diad dayat Mediteraneo. Ag ontonday panagos to, nepnep may tiagew.

Oseas 6:3

Salien tayon amtaen so Katawan. Andi-saew ya onsabid sikatayo so Katawan a singa ibubutay na agew no kabwasan, odino singa ipepelag na oran ed tapew na dalin no panaoy nepnep.”

Jeremias 14:22

Anggapod saray diriyos na saray bansa so makapaoran; anggan say tawen ag to makapangipelag na mayamaya. Sikay paniilaloan mi, Katawan a Dios mi, ta sikay manggagawa na sarayan bengatla.”

Saray Salmo 110:3

Maabuloy iray totoom a milaban no agew a mibakal kad saray kalaban mo. Singa linaew ed kabkabwasan saray balolakim onla rad sika diad saray masanton pokdul.

1 CORINTO 3:6

Siak so angisokit na bokel, si Apolos so nansalug, balet say Dios so amatubo tan amabaleg.

Saray Taga Roma 11:12

Natan, no say impankasalanan da et inkabindisionay sankamundoan, tan say kinulangan dad maispiritun panagbilay et inkabindisionan da ray Hintil, lalo komun a dakdakel so bindision no amin ya Israelita et nibilang iran amin a totooy Dios.

Saray Taga Roma 9:30

Antoy ibaga tayo sirin ey? Saya: saray Hintil, anta ag da aanapey pakapaandi na kasalanan dad arap na Dios, apaandian iray kasalanan diad panamegley na pananisia.

Saray Gawgawa 16:9

Diad labi, walay pinmayawar ed kinen Pablo. Anengneng toy sakey a lakin taga Macedonia, a manalalagey tan mikakasid sikato, “Gala dia karid Macedonia, ta tulongan mo kami.”

Saray Gawgawa 13:46

Balet lalon tinmepel so linawa di Pablo tan Bernabe a nampulong. Inkuanda, “Nepeg a sikayoy onaan a pangipulongay salitay Dios. Balet lapud ag yo awaten, tan sisintinsiaan yoy sikayon dili ya ag kayo manepeg a makagamur na bilay ya andi-anggaan, taynan mi kayo tan onla kami lad saray Hintil.

Saray Gawgawa 11:15

Nen mansasalita ak, linmeksab ed sikaray Ispiritu Santo a singa inleksab tod sikatayo nen saman.

Mateo 28:19

Kanyan, laka yod saray katoowan ed amin a bansa tan gawa yo ran disipulok. Binyagan yo ra diad ngaray Ama tan diad Anak tan diad Ispiritu Santo,

Mikias 2:12

“Balet pantitiponen ta kayo, amin yon totood Israel a nakdaan. Tiponen ta kayon singa saray karniron ompapawil ed koral da. Say dalin yo et napano lamet na amayamay a totoo a singa sakey a pastolan a napno na karniro.”

Amos 5:15

Bosul yoy kaogsan, aro yoy kamaungan, et nanengneng yod satan ed saray korti ya ontalona so katonungan. Angangko kasian na Katawan iray totoon atilak nin mabilay ed sayan bansa.

Joel 2:32

Balet nilaban ya amin iray onkerew na tulong ed Katawan. Onung na inkuay Katawan, ‘Saray pigaran totood Jerusalem et makabatik ira; makapaliis ed patey iray pilien ko.’”

Ezekiel 47:1

Samay laki impawil to ak ya inyakar ed lolooban na samay Timplo. Ompapaway ed silong na lolooban so danum tan managagos a mamaarap ed bokig ya akaarapan na Timplo. Managagos imay danum manlapud silong na niabalaten a parti na Timplo tan ondadalan ed niabalaten a dapag na altar.

Isaias 66:19

tan nakabatan da a siak so manudusad sikara. “Balet mangikera ak na pigarad sikara tan ibakik irad saray bansa tan diad saray ararawin dalin ya ag da ni nadngel so inkabantug ko odino anengneng so inkatalonggaring ko tan pakayarik: diad Espanya, Libia, tan Lidia a pati saray marunong a pumapana to, tan diad Tubal tan Grecia. Diad sarayan bansa ibawag day inkatalonggaring ko.

Isaias 55:10

“Say salitak ed singa yilo tan singa oran ya ompepelag a manlapud tawen a manalog ed dalin. Patutuboen da ray tanaman a mangiiter na bokel ya itanem tan say bunga a kanen.

Isaias 32:15

Balet maminsan nin ibaki na Dios ed sikatayo so ispiritu to. Magmaliw a mataban dalin so kalawakan, tan mangiter na marakep a bunga iray kaalogan.

Saray Huis 6:36

Insan inkuanen Gedeon ed Dios, “Imbagam a ginetmam ya ikana mo ak ed pangyagel ed Israel.

Saray Gawgawa 9:15

Balet inkuan na Katawan ed sikato, “Laka la, ta sikatoy pinilik a manlingkur ed siak. Sikatoy mangipaamtay ngaran ko ed saray Hintil, saray arari, tan saray totood Israel.

Sofonias 3:13

Saray totood Israel ya apaliisan day patey et ag la ra manggaway maoges ed kapara ran too, ag la ra mantila, odino mamalikdo na arum a totoo. Onaligwas ira tan niarawi rad kaatapan, ya ag la ra antakot ed siopaman.”

Mikias 5:8

Saray atilak ed saray bansa et magmaliw iran singa lion a manaanap ed takel odino diad pastolan na kanen to; onlad kawalaan da ray karniro, tekmelan to ra, tan bingbingkasen to ra—et anggapoy makapangyagel.

Ezekiel 14:22

No walay akapaliis ed patey tan nilaban to ray anak to, imanom ira no onla rad sika. Nengneng mo so ontan lan kaogsan da, pian ag ira manduaruwa a manepenepeg so pangiiter koy dusa ed Jerusalem;

2 Samuel 17:12

Anapen tayoy David ed anggan iner a kawalaan to, insan tayo biglaan a dogpaan. Anggapod satan so anggan sakey a manilay ed sikara.

Saray Salmo 133:3

Singa linaew ed Palandey na Hermon, ya ompepelag ed kapokdulan na Sion. Diman so angisipanay Katawan na bindision to, say bilay a mansiansian anggad angga.

Probirbio 19:12

Say pasnuk na sakey ya ari et singa nguam na lion, balet say maung a linawa to et singa oran a pampipilalekan.

Daniel 11:32

Diad panamegley na panamalikdo natanggoyur na ari a tulongan na saray angikaindan la ed rilihion da, balet onlaban ed sikato iray ontotoluk ed Dios.

Mikias 4:7

Alopuy-lopuy ira tan niarawi rad kaabungan da, balet diad saray nakdaan ed sikara pasimbaloen koy kipapasen da, et magmaliw iran sakey a matalonggaring a bansa. Manoley ak ed sikara diad Palandey na Sion manlapud saman a panaon ya anggad angga.”

Mikias 7:18

Anggapoy dios a singa sika, O Katawan; pipirdonaen moy kasalanan da ray totoom ya apaliisan day patey. Ag ka mampasnuk ya ando lan ando, no ag ta panliketan mon ipanengneng so ag mangoman a panangarom.

Ezekiel 5:5

Say Katawan a Dios kuanto, “Nengneng moy Jerusalem. Inlirak ed pegley na mundo tan walad kaliber-liber to ray arum a bansa.

Mikias 4:13

Say Katawan kuanto, “Totood Jerusalem, laka yo, ta dusa yo ray kalaban yo! Pagmaliwen ta kayon singa mabiskeg a bakan kalakyan a balatyang iray saklur to tan gansa ray koko to. Temeken yo ray amayamay a bansa, tan iyapay yod siak a Katawan na intiron mundo iray kayamanan a sinasamsam da.”

Zacarias 9:13

Ikanak so Juda a singa bekang a panay sondalo tan say Israel a singa pana. Ikanak a singa ispada iray totoo ed Sion, diad pibakal ed saray totood Grecia.”