Mikias 4:7 - Maung A Balita Biblia

⁷ Alopuy-lopuy ira tan niarawi rad kaabungan da, balet diad saray nakdaan ed sikara pasimbaloen koy kipapasen da, et magmaliw iran sakey a matalonggaring a bansa. Manoley ak ed sikara diad Palandey na Sion manlapud saman a panaon ya anggad angga.”

Maung a Balita Biblia

⁷ Alopuy-lopuy ira tan niarawi rad kaabungan da, balet diad saray nakdaan ed sikara pasimbaloen koy kipapasen da, et magmaliw iran sakey a matalonggaring a bansa. Manoley ak ed sikara diad Palandey na Sion manlapud saman a panaon ya anggad angga.

Mikias 4:7 Referans Kwoze

Lucas 1:33

Manarin andi-anggaan ed saray kabyangay boleg nen Jacob, tan anggapoy anggaan so panarian to!”

Mikias 7:18

Anggapoy dios a singa sika, O Katawan; pipirdonaen moy kasalanan da ray totoom ya apaliisan day patey. Ag ka mampasnuk ya ando lan ando, no ag ta panliketan mon ipanengneng so ag mangoman a panangarom.

Mikias 2:12

“Balet pantitiponen ta kayo, amin yon totood Israel a nakdaan. Tiponen ta kayon singa saray karniron ompapawil ed koral da. Say dalin yo et napano lamet na amayamay a totoo a singa sakey a pastolan a napno na karniro.”

Daniel 7:14

Naitdan imay too na pakaoley, kagalangan, tan pakayari na ari, pian makapanlingkur ed sikato iray totoo ed amin a bansa ya anggan antoy kolor na baog da tan salita ra. Mansiansia so pakaoley to, tan ag mangangga so panarian to.

Isaias 24:23

Ombilonget so bulan tan ag la onsindag so agew, ta say Katawan a Makapanyarin-amin so manari. Manoley ed Jerusalem diad Palandey na Sion, tan nanengneng na saray pangulo da ray totoo so kagalangan to.

Puyan 11:15

Insan sinibuk na kumapiton anghil so trumpita to, tan walay makmaksil iran bosis ed tawen ya inkuanda, “Say panoley ed sankamundoan niiter lad Katawan tayo tan diad Cristo to, tan manarin anggad angga!”

Mikias 5:3

Kanyan say Katawan paolyan ton naoleyan na saray kalaban da iray totoo to ya anggad say mangyanak ed samay manoley et inyanak to la. Diad satan saray kabansaan ton nibantak ed arum a bansa et mikasakey irad saray kapara ran totood Israel.

Joel 3:17

“Diad satan, Israelita, naamtaan yo a siak so Katawan a Dios yo. Manaayam ak ed Sion a masanton palandey ko. Magmaliw a masanton siudad so Jerusalem; ag lan balut nadakep na saray taga arum a bansa.

Oseas 1:10

Magmaliw a singa karakel na buer ed dayat iray totood Israel; ag ira nabilang odino nasukat. Natan say Dios kuantod sikara, “Aliwa kayon totook,” balet onsabiy agew ya ibaga tod sikara, “Sikayo ray anak na mabilay a Dios!”

Daniel 7:27

Niiter ed saray totoo na Sankatageyan a Dios so pakayari tan inkatalonggaring na amin a nanarian ed tapew na dalin. Ag mangangga so nanarian da; manlingkur tan ononur ed sikara iray amin a manoley diad tapew na dalin.”

Isaias 66:8

Wala ta lay akanengneng o akadngel na nipaakar ed sayan inkagawa? Nianak kasi ed sanagew so sakey a bansa? Ag la nepeg a manirap a mabayag so Sion, kasakbayan a niletneg so bansa.

Isaias 60:22

Anggan say sankamelagan tan sankamugmoan a pamilyam Magmaliw a singa matalonggaring a bansa. No onsabiy niganan panaon, Masiglat ko yan sumpalen. Siak so Katawan!”

Isaias 6:13

Anggaman a natilak ed dalin so kakaplod saray totoo, naderal met iray natilak; singa ra sengeg na kiew a robli a binatang.” (Say sengeg iyaaliling toy balon gapowan na saray totoo na Dios.)

Saray Salmo 2:6

“Pinayorung kon manoley so arik diad tapew na masanton palandey ko a Sion,” kuanto.

Isaias 16:5

Insan magmaliw ya ari so sakey ed saray kabyangay boleg nen David, tan iletneg tod kaptekan tan panangaro so panoley tod saray totoo. Masiglat a manggaway katonungan, tan andi-saew ya ipakurang toy kaptekan.)

Daniel 2:44

Diad panaon da ra man a manoley say Dios na tawen mangiletneg na panarian ya ag balut mangangga. Ag balut nadakep yan panarian, no ag ingen sigput ton deralen ya amin ira man ya impirio, insan mansiansia ya anggad angga.

Daniel 4:34

“Kalabas na pitoy taon,” inkuan na ari, “tinmangay ak ed tawen, et pinmawil ed siak so kalakal ko. Inggalang ko, indayew ko, tan intandurok so Sankatageyan a Dios a mambibilay ed anggad angga. “Sikato so manoley ed anggad angga, tan mansiansia ed ando lan ando so panarian to.

Joel 2:32

Balet nilaban ya amin iray onkerew na tulong ed Katawan. Onung na inkuay Katawan, ‘Saray pigaran totood Jerusalem et makabatik ira; makapaliis ed patey iray pilien ko.’”

Sofonias 3:13

Saray totood Israel ya apaliisan day patey et ag la ra manggaway maoges ed kapara ran too, ag la ra mantila, odino mamalikdo na arum a totoo. Onaligwas ira tan niarawi rad kaatapan, ya ag la ra antakot ed siopaman.”

Ezekiel 43:7

“Sika a toon ompatey, sikatoya so tronok. Manayam ak dia a kaibak iray totood Israel tan oleyan ko ra ya anggad angga. Saray totoo tan saray arari ra et ag da lan balut ipelag ed kababaingan so masanton ngaran ko diad pangigalang dad saray arum a diriyos odino diad asingger a kiwawala na saray bangkay da ray inaatey ya arari ra.

Obadias 1:21

Saray analon lalakid Jerusalem, et dogpaan day Edom tan oleyan da. Say Katawan a dili so manari.”

Mikias 2:13

Say Dios lokasan toy dalan para sikara tan iwanwan to ra manlapud inkibantakan da. Ompaway irad saray puirta na siudad tan nabolus la ra. Say Katawan a dili ya ari ra so mangiwanwan ed sikara.

Sofonias 3:20

Onsasabi lay panaon! Pasempeten ko ray totoo yon nikaykayat; pagmaliwen ta kayon bantug ed intiron mundo tan paaligwasen ta kayo lamet.” Say Katawan so nansalita.