Mikias 4:11 - Maung A Balita Biblia

¹¹ Nantitipon iray amayamay a bansa ya ondogpad sikayo. Kuanda, “Nepeg a naderal so Jerusalem! Nengnengen tayon aderal-deral yan siudad!”

Maung a Balita Biblia

¹¹ Nantitipon iray amayamay a bansa ya ondogpad sikayo. Kuanda, Nepeg a naderal so Jerusalem! Nengnengen tayon aderal-deral yan siudad!

Mikias 4:11 Referans Kwoze

Obadias 1:12

Ag yo nepeg a nanliketan komun imay makapasinagem ya agawad saray agagi yod Juda. Ag yo nepeg so nanliket komun ed samay agew na inkaderal da. Ag yo nepeg ya ineelekan ira komun diad samay inkaermenan da.

Mikias 7:10

Diad satan saray kalaban mi nanengneng da yan nagawad sikami et napelag irad satan ed kakabaingan, saray kalaban min angikuan ed sikami, “Iner so kawalaan na Katawan a Dios yo?” Nanengneng mi ran natalo, a nagatingatinan ira a singa pitek ed saray dalan.

Jeremias 52:4

Kanyan diad kumaplon agew na kumaplon bulan na kumasiam a taon na panooley nen Sedekias ed Juda, linmad Jerusalem si Nabucodonosor tan amin da ray sondalo to, ta dinogpaan da. Nankampo ra ed paway na siudad, tan pinaliberan da na padir

Saray Salmo 129:5

Natalo tan napapoliktar komun ya amin iray mamobosul ed Sion.

Isaias 10:7

Balet say impirador na Asiria wala ray maruksan plano ton dili. Ginetma ton deralen iray amayamay a bansa.

Isaias 17:12

Agolo-golo ray bansa tan manungol ira a singa panungol na ankakabaleg a daluyon na dayat.

Isaias 29:7

naandipat ed satan a singa kogip, singa pasingayew ed labi, iray amin a sondalo na saray bansan dinmodogpa ed siudad na altar na Dios tan amin da ray armas tan saray kagawaan da.

Ezekiel 26:3

“Natan sirin, saya so ibabagak, siak a Katawan a Dios: Siak so kalaban mo, sikan siudad na Tiro. Mangyakar ak na amayamay a bansan ondogpad sika, tan singa saray daluyon so isabi ra.

Saray Salmo 83:5

Onaabubon iran amin ed plano ra, tan nankakasakey iran onsumpad sika:

Ezekiel 38:17

Sika so sinalitak la nen abayag lan panaon, nen imbawag ko diad panamegley na saray aripen kon propita ed Israel, ya onsabi ray agew a mangibaki ak na toon ondogpad Israel.” Say Katawan a Dios so nansalita.

Zacarias 12:3

Balet no onsabiy tan a panaon, pagmaliwen kon singa sakey ya ambelat a bato so Jerusalem—dinan man a bansan salien ton alsaen et nasakitan. Mankakasakey ya ondogpad saman a bato iray amin a bansa ed mundo.