Mikias 2:9 - Maung A Balita Biblia

⁹ Patataynanen yod inararo ran kaabungan da iray bibii ed saray totook, tan tinatakew yod saray anak da so bindision kod ando lan ando.

Maung a Balita Biblia

⁹ Patataynanen yod inararo ran kaabungan da iray bibii ed saray totook, tan tinatakew yod saray anak da so bindision kod ando lan ando.

Mikias 2:9 Referans Kwoze

Habacuc 2:14

Say mundo et napano na pikakabat ed kagalangan na Katawan a singa inkapano na dayat na danum.

Ezekiel 39:21

Say Katawan kuanto, “Abuloyan kon nanengneng na saray bansa so kagalangan ko tan ipanengneng kod sikara no panoy pangikakanak na pakayarik diad pangipakurang kod sintinsian ginawak.

2 CORINTO 4:6

Ta say Dios ya angibaga, “Ompaway a manlapud kabilongetan so liwawa!” et sikato lamlamang so angiwandag na liwawad saray puso mi, pian nakabatan miy kagalangay Dios a mandarlang ed lupa nen Cristo.

2 CORINTO 3:18

Natan ta nakal lay sakbung ed lupa tayo, sikatayo lan amiy mangipatnag na marlang a kagalangay Katawan. Saman met lamlamang a marlang a kagalangan a manlapud Katawan a sikatoy Ispiritu so mangoman na nengneng tayo pian magmaliw a lalon marmarlang, anggad makapipara tayod sikato.

Lucas 20:47

Kakatkatan da ray balon bibii, insan mampikasi ray andorokey a panisimula rad gagawaen da. Lalon ombelat so dusa ra!”

Marcos 12:40

Kakatkatan da ray balon bibii, insan andorokey so pampikasi ra a pandisimula rad gagawaen da. Lalon ambelat so dusa ra!”

Mateo 23:13

“Pakaskasi ki la, sikayon iskriba tan sikayon Pariseo! Mansimpisimpitan a totoo! Ikakaput yoy puirtay Panarian na tawen pian ag makaloob iray totoo. Anta ag yo la labay so onloob ed Panariay tawen, pibabali yo nin sesebelan iray totoon malabay!

Zacarias 2:5

Insipan na Katawan a sikaton dili so magmaliw a padir na apoy ed liber-liber na siudad a mangyagel tan manayam diman a napnoy kagalangan.”

Mikias 2:2

No labay day kaalogan, sakopen da ra; no labay day kaabungan alaen da ra. Maatap so kipapasen na amin a pamilya na balang too odino say kayaryan to.

Joel 3:6

Inyaarawi yod dilin dalin da iray totood Juda tan Jerusalem tan inlalako yo rad saray Grigo.

Jeremias 10:20

Aderal-deral iray tulda mi; apolpoltut iray lobir ya impangitaker ed sikara. Tinaynan kami na saray anak mi; naandi la ran amin ed arap mi. Anggapoy atilak a mangipaalagey lamet ed saray tulda mi; anggapoy mangipeket na saray kurtina ra.”

Saray Salmo 72:19

Idayew yon anggad angga so mapagalang a ngaran to! Panoen komun na kagalangan to so intiron mundo! Amen! Amen!

1 Samuel 26:19

Dengel mo pay ibagak, O ari. No say Katawan so anagdag ed sika a sumpaen mo ak, sakey a bagat komuy makaoman na kanunutan to; balet no totooy anagdag, isamba ra komun na Katawan. Pinataynan da ak manlapud dalin na Katawan tan apasoot ak a manayam ed sakey a bansa a saray diriyos to labat so nayarian kon igalang.

Amos 2:7

Igagatin da ray totoon makapkapoy tan pangaskasiyan ed kipapasen tan ipapaliis dad dalan iray mairap-bilay. Saray sanama et miaakdul irad saksakey a biin aripen, kanyan dodotakan da onung ed ganggan so masanton ngaran ko.