Mikias 1:15 - Maung A Balita Biblia

¹⁵ Sikayo ran totood Maresa, paoleyan kayo na Katawan ed pakayari na saray kalaban yo, a sikaray manakep na baley yo. Onlan onamut ed ongib na Adulla iray pangulo na Israel.

Maung a Balita Biblia

¹⁵ Sikayo ran totood Maresa, paoleyan kayo na Katawan ed pakayari na saray kalaban yo, a sikaray manakep na baley yo. Onlan onamut ed ongib na Adulla iray pangulo na Israel.

Mikias 1:15 Referans Kwoze

1 Samuel 22:1

Tinmaynan si David ed siudad na Gat tan linmad sakey ya ongib diad asingger ed baley na Adullam. Nen nadngelan na saray agagi to tan saray arum a kabyangay pamilya to a wadmay David, akikasakey irad sikato.

Josue 15:44

Ceila, Aczib, Maresa; siamiran siudad iran amin a pati saray baley ed kaliber-liber da.

Josue 15:35

Jarmut, Adullam, Soco, Azeka,

Jeremias 49:1

Sikato yay inkuan na Katawan nipaakar ed Ammon: “Iner so kawalaan da ray lalaki na Israel? Anggapo ta lad sikaray mangyagel ed dalin da? Akin et inabuloyan da ray totoon manangigalang ed dios a Moloc a sakopen day dalin na tribu nen Gad tan manayam irad man?

Isaias 10:3

Antoy gawaen yo no dusaen kayo na Dios? Antoy gawaen yo no iyakar tod sikayoy deral a manlapud arawin bansa? Iner so batikan yon kereway tulong? Iner so pangyamutan yo na saray kayamanan yo?

2 Saray Awaran 11:7

Bet-sur, Soco, Adullam,

Josue 12:15

Libna, Adullam,

2 Samuel 23:13

Aminsan ya agew, nen asingger lan onggapoy panagani, talora ed “Saray Talomplo” so linma ed Ongib na Adullam a kawalaan nen David; wala met iray pigaran Filisteo a mankakampod Patar na Refaim.

Genesis 38:1

Ag abayag nanlapud samay impangilakod Jose, tinaynan nen Juda iray agagi to tan linmad kinen Hira a taga baley na Adullam.