Mikias 1:13 - Maung A Balita Biblia

¹³ Sikayo ran manaayam ed Lakis, isinta yod saray kabayo iray karwahi. Inaalig yo ray kasalanan na Israel kanyan sikayoy nanlapwan na impankasalanan na Jerusalem.

Maung a Balita Biblia

¹³ Sikayo ran manaayam ed Lakis, isinta yod saray kabayo iray karwahi. Inaalig yo ray kasalanan na Israel kanyan sikayoy nanlapwan na impankasalanan na Jerusalem.

Mikias 1:13 Referans Kwoze

2 Saray Arari 18:17

Angibaki so impirador na Asiria na amayamay a sondalon nanlapud Lakis, ta dogpaan day Ezekias ed Jerusalem; saray taloran sankatageyan ya opisyal so angipangulod saray sondalo. Kasabi rad Jerusalem, nanayam irad dalan a pankikimeyan da ray managgaway abel, diad abay na banawang ya aagosay danum a manlalapud dipositoway danum a walad tagey.

2 Saray Awaran 32:9

Ag abayag, nen wala nid Lakis si Senakerib tan saray sondalo to, angibaki na saray totoo to ed kinen Ezekias tan saray totood Juda a kaiba tod Jerusalem tan impaikuanto:

Josue 10:3

Kanyan si Adonizedek impaikuantod kindi Ari Hoham na Hebron, Ari Piram na Jarmut, Ari Jafia na Lakis, tan Ari Debir na Eglon:

Puyan 2:20

Balet niay ag ko labay ed sika: papaolyan moy Jezebel, say biin ibabaga ton sikatoy sakey a propita. Ibabalang to ray aripen ko, ibabangat to ran mankasalanan na inmoralidad tan mangay kakanen a nibagat ed saray talintaoy diriyos.

Puyan 2:14

Balet wala ray pigaran bengatla ya ag ko labay ed sika: wala ray pigarad sikayon ontotombuk ed bangat nen Balaam ya angibangat ed kinen Balak na pankasalananan na saray Israelita. Lapud saya angan iray kakanen ya imbagat ed saray talintaoy diriyos, tan nankasalanan iray inmoralidad.

Mikias 1:5

Nagawa ra yan amin lapud nankasalanan iray totood Israel tan sinmumpa rad Dios. Siopay natetel ed insumpa na Israel? Say Samaria a dilin manonan siudad! Siopay nankasalanan na pididios ed talintao da ray diriyos diad Juda? Say Jerusalem!

Ezekiel 23:11

“Anggaman a si agi ton Aholiba et anengneng to yan inkagawa, mapalalo nin magantil tan marotak so panagbilay to nen si atsi ton Ahola.

Jeremias 4:29

Diad ingal da ray kumakabayo tan saray pumapana, ombatik ya ontaynan so balang sakey a too. Ombatik ed takel iray arum; ombatik ed kawalaan da ray ankakabaleg a bato iray arum. Nataynan so balang baley, tan anggapoy toon manayam lamet ed sikara.

Jeremias 3:8

Anengneng met na Juda ya insian koy Israel tan pinataynan ko, lapud inkaindan to ak tan nagmaliw a marotak a bii. Balet ag tinmakot so Juda ya aliwan matoor a biin agi na Israel. Nagmaliw met a marotak a bii,

Isaias 37:8

Akabatan na samay opisyal na Asiria a tinaynan na impirador so Lakis, tan mibabakal ed siudad na Libna; kanyan linmad man a pangipanonan to.

Isaias 10:31

Saray taga Madmena tan Gebim ombabatik iran mangyagel na bilay da.

2 Saray Awaran 11:9

Adoraim, Lakis, Azeca,

2 Saray Arari 8:18

Say anak nen Acab so asawa to; inalig toy maoges a panagbilay na saray ararid Israel a singa say pamilya nen Acab. Nankasalanan ed Katawan,

1 Saray Arari 16:31

Ag apera ed impangalig tod kasalanan nen Jeroboam; pinalumbasan to ingen, ta inasawa toy Jezebel ya anak nen Ari Etbaal na Sidon, tan angigalang ed Baal.

1 Saray Arari 14:16

Ikaindan na Katawan so Israel, lapud nankasalanan si Jeroboam tan inlagyat ton nankasalanan iray totood Israel.”

Josue 15:39

Lakis, Bozcat, Eglon,

Exodo 32:21

Inkuantod kinen Aaron, “Antoy ginawa na sarayan totoo ed sika, et impanggawam ira na ontan lan belat na kasalanan?”

Genesis 19:17

Insan inkuan na sakey ed saramay anghil, “Ilaban yoy bilay yo! Ag kayo onlilingaw ed nanlapwan yo tan ag kayo ontotondad patar. Batik kayod kapokdulan, pian ag kayo ompatey.”

1 Saray Arari 4:28

Sikara met so makaoley a mangiter na sibada tan dayamin nakaukolan na saray kabayon para karwahi tan saray ayayep a panagkimey; no iner so kawalaay pankaukolan ed saraya dimay pangyakaran da.

2 Saray Arari 14:19

Diad Jerusalem walay komplut a pamatey ed kinen Amasias, kanyan batik si Amasias ed siudad na Lakis, balet tinombuk diman na saray kalaban to, insan da pinatey.

Isaias 36:2

Nen walad Lakis so ari, imbaki tod Jerusalem so manonan opisyal to tan saray amayamay a sondalo to, ta ibaga rad kinen Ari Ezekias ya onsuko la. Kasabi rad Jerusalem, nanayam irad dalan a pankikimeyan da ray managgaway abel, diad abay na banawang ya aagosay danum a manlalapud dipositoway danum a walad nipokdul.

Say Libro nen Job 39:10

Nasinger moy sakey a bakan kalakyan, pian napambakam? Odino napansagar mod kaalogan mo?

Jeremias 34:7

legan a dodogpaan na saray sondalo na arid Babilonia so siudad. Dodogpaan met na saray sondalo so Lakis tan say Azeka, saray akeraan labat ya apaliberan na padir a siudad na Juda.