Mateo 9:36 - Maung A Balita Biblia

³⁶ Nen anengneng to ray dakerakel a totoo, akasian to ra lapud mapagpaga tan pakaskasi ra, a singa ra karniron anggapoy pastol.

Maung a Balita Biblia

³⁶ Nen anengneng to ray dakerakel a totoo, akasian to ra lapud mapagpaga tan pakaskasi ra, a singa ra karniron anggapoy pastol.

Mateo 9:36 Referans Kwoze

Saray Bilang 27:17

tan nayarian ton ipangulo rad bakal, pian say olup na totoom et ag ira magmaliw a singa saray karniron anggapoy pastol da.”

Marcos 6:34

Kasakbit nen Jesus, anengneng toy dakerakel a totoo. Kaskasian to ra, ta singa ra karniron anggapoy pastol. Binangatan to ra sirin na nambabangil a bengatla.

Jeremias 50:6

“Singa abalang a karniro iray totook; saray pumapastol da pinaolyan da ran abalang ed kapalandeyan. Nanakar-akar irad nandoroman palandey, kanyan alingwanan da la no iner so kawalaay abung da.

Mateo 14:14

Sinmakbit si Jesus ed gilig na danum. Nen anengneng toy amayamay a totoo, akasian to ra tan pinaabig to ray mansasakit ya awit da.

Zacarias 10:2

Saray totoo et mangipapanon irad saray talintaoy diriyos tan diad saray pumaparles, balet tila tan andi-kakanaan iray nanaala ran ebat. Pigarad sikaray mangipapatalus na saray kogip, balet papalikdoen da kayo labat; andi-kakanaan iray iiter dan ligliwa. Kanyan mantawtawataw iray totoon singa ra abalang a karniro. Nagugunigon ira lapud anggapoy pangulo ra.

Mateo 15:32

Tinawag nen Jesus iray disipulo to tan inkuanto, “Nakakasian ko ra yan totoo, ta taloy agew lan kaibak ira, et anggapoy naakan da. Ag ko met labay iran pasempeten a narasan, ta ompan naelew irad dalan.”

Mateo 15:24

Inkuanen Jesus, “Nibaki ak labat ed saray karniron abalang na saray totood Israel.”

2 Saray Awaran 18:16

Inmebat si Micaya, “Anengneng kon ataytayak ed saray pokdul iray totood Israel, a singa ra karniron anggapoy pumapastol da. Insan inkuan na Katawan, ‘Anggapoy pangulo da ra yan totoo; pasempet mo la ran walay kareenan.’”

Saray Hebreo 5:2

Lapud wala met so dilin kakapoyan to, nayarian to ya anosan iray anggapoy amta tan nalilingo.

Saray Hebreo 4:15

Sayan Pangulon Pari tayo walay pililikna tod saray kakapoyan tayo, ta asali ton singa sikatayo so amin a klasiy tukso, balet ag nankasalanan.

Mateo 10:6

Laka yo ingen ed saray abalang a karnirod bansay Israel.

1 Saray Arari 22:17

Inmebat si Micaya “Anengneng kon ataytayak ed saray pokdul iray totood Israel, a singa ra karniron anggapoy pumapastol da. Insan inkuan na Katawan, ‘Anggapoy pangulo da ra yan totoo; pasempet mo la ran walay kareenan.’”

Zacarias 11:16

Angipasen ak na sakey a pumapastol a manasikasod saray karnirok, balet ag to tutulongan iray maatap so bilay da; ag to aanapen iray abalang, ag to tatambalen iray asugatan, odino papakanen iray akapaliis ed patey. Kakanen to ingen so karni da ray sankatabaan tan aakniten to ray koko ra.

Isaias 13:14

“Saray sangkailin manaayam ed Babilonia et ombatik irad dilin dalin da; ombatik ira a singa saray ulsan ibabatikan da ray umaanup, tan singa ra karniron anggapoy pastol da.

Marcos 8:2

“Nakakasian ko ra yan totoo, ta taloy agew lan kaibak ira et anggapoy naakan da.