Mateo 9:22 - Maung A Balita Biblia

²² Linmingaw si Jesus, anengneng to may bii tan inkuanto, “Paksil moy linawam, anak ko! Say pananisiam so amaabig ed sika.” Inmabig may bii diad saman a bekta.

Maung a Balita Biblia

²² Linmingaw si Jesus, anengneng to may bii tan inkuanto, Paksil moy linawam, anak ko! Say pananisiam so amaabig ed sika. Inmabig may bii diad saman a bekta.

Mateo 9:22 Referans Kwoze

Lucas 7:50

Balet inkuanen Jesus ed samay bii, “Say pananisiam so angilaban ed sika. Laka la, tan pakpel moy linawam.”

Mateo 15:28

Inmebat si Jesus, “Mabisbiskeg so pananisiam! Nagaway kekerewen mo.” Manlapud saman ya oras, inmabig imay anak ton bii.

Mateo 9:2

Walay sakey a lakin paralitiko a nilibit na pigaran totoo ed dokulan to tan inyakar dad kinen Jesus. Anengneng nen Jesus so pananisia ra, kanyan inkuantod samay paralitiko, “Pakpel moy linawam, anak ko! Apirdona la ray kasalanan mo!”

Lucas 18:42

Inkuanen Jesus ed sikato, “Makanengneng ka! Say pananisiam so amaabig ed sika.”

Lucas 17:19

Inkuanen Jesus ed sikato, “Alagey ka, tan sempet ka la. Say pananisiam so amaabig ed sika.”

Lucas 8:48

Inkuanen Jesus ed sikato, “Anak ko, say pananisiam so amaabig ed sika. Onla kan mareen lay kalakal mo!”

Marcos 10:52

Inkuanen Jesus, “Inmabig ka la, lapud pananisiam. Nayarian mo lay onla.” Inmabig ed saman a bekta tan tinmombuk ed kinen Jesus.

Marcos 5:34

Inkuanen Jesus, “Anak ko, say pananisiam so amaabig ed sika. Onla kan mareen lay kalakal mo, tan ag la ompawil so sakit mo.”

Mateo 9:29

Diniwit to ray kamataan da tan inkuanto, “Nagawa komun sirin so kekerewen yo, onung ed pananisia yo.”

Saray Gawgawa 16:18

Ginagawa to yan pigay agew la, anggad naoputan lay anos si Pablo. Pinmoliktar tan inkuantod samay maoges ya ispiritu, “Diad ngaran nen Jesu-Cristo, igaganggan kod sikan ekal kad sayan bii!” Tampol ya inmekal imay ispiritu.

Juan 4:53

Insan to anunotan a saman imay oras na impangibaga nen Jesus a say anak to et mambilay. Kanyan sikato tan say intiron pamilya to et anisia rad kinen Jesus.

Saray Hebreo 4:2

Ta nadngel ti met a singa sikara so Maung a Balita. Nadngel dan tua, balet anggapoy kamaungan ya inter tod sikara lapud ag da sinisia.

Saray Gawgawa 14:9

Manyodyorung ya ondedengel ed pampupulong nen Pablo. Ninengneng ton maung imay lopuy, et nen anengneng ton walay pananisia ton onabig,

Mateo 17:18

Nampasnukan nen Jesus imay dimonyo, kanyan inmekal ed samay ogaw. Tan manlapud saman a bekta, inmabig.

Mateo 8:13

Insan inkuanen Jesus ed samay kapitan, “Nayarian mo lay onsempet. Nagaway kekerewen mo, onung ed pananisiam.” Inmabig ed saman a bekta imay katulong to.