Mateo 9:12 - Maung A Balita Biblia

¹² Nadngel ira nen Jesus, kanyan sikatoy inmebat, “Aliwan saray maksil so laman so mankaukolan na doktor, no ag saray mansasakit.

Maung a Balita Biblia

¹² Nadngel ira nen Jesus, kanyan sikatoy inmebat, Aliwan saray maksil so laman so mankaukolan na doktor, no ag saray mansasakit.

Mateo 9:12 Referans Kwoze

Lucas 5:31

Si Jesus so inmebat ed sikara, “Aliwan saray maksil so laman so mankaukolan na doktor, no ag saray mansasakit.

Lucas 9:11

Nen nadngelan ya na totoo, tinombuk day Jesus tan maliket ya angawat ed sikara. Nansalitay Jesus ed sikara na nipaakar ed Panariay Dios, tan pinapaabig to ray mansasakit.

Marcos 2:17

Nadngel ira nen Jesus kanyan sikatoy inmebat, “Aliwan saray maksil so laman da so mankaukolan na doktor, no ag ingen saray mansasakit. Ag ak dia linman manawag ed saray matonung, no ag ingen linma ak dian manawag ed saray makasalanan.”

Jeremias 33:6

Balet paabigen ko yan siudad tan saray totoo to tan ipawil koy gendat a biskeg da. Ipanengneng kod sikaray daakan ya aligwas tan say bilay ya arawid kaatapan.

Jeremias 17:14

Katawan, tambal mo ak pa, et sigput ak ya onabig; iyagel mo ak, et sigput ak a nilaban. Sika so idadayew ko!

Saray Salmo 147:3

Papaabigen to ray nanaekalay biskeg na linawa tan beberberen to ray sugat da.

Oseas 14:4

Say Katawan kuanto, “Papawilen kod siak iray totook. Aroen ko ra ed intiron pusok; nakal lay pasnuk kod sikara.

Jeremias 30:17

Pagmaliwen kon maung lamet so kipapasen yo; paabigen ko ray sugat yo, anggaman ibabaga na saray kalaban yo, ‘Nibantak so Sion; anggapoy malabay ed sikato.’ Siak, say Katawan, so nansalita.”

Lucas 8:43

Walad may biin labinduay taon la maniirap lapud alablabas a pandadala to. Agastos to lad saray doktor iray amin a kuarta to, balet anggapoy makapaabig ed sikato.

Saray Salmo 41:4

Inkuanko, “Katawan, nankasalanan ak ed sika; kasian mo ak pa tan paabig mo ak.”

Saray Salmo 6:2

Kasian mo ak pa, O Katawan, ta mapalaloy kakairapan ko! Pabiskeg mo ak pa, ta makapkapoy ak la;

Jeremias 8:22

Anggapo ta lay tambal ed Galaad? Anggapo ta lad may doktor? Akin et ag naabigan iray totood bansak?

COLOSAS 4:14

Papaibanoan met si Lucas ya inararo tin doktor tan si Demas.