Mateo 8:27 - Maung A Balita Biblia

²⁷ Mankelaw iran amin tan inkuanda, “Anton too ya kasi, et pati say dagem tan saray daluyon et ontotoluk irad sikato?”

Maung a Balita Biblia

²⁷ Mankelaw iran amin tan inkuanda, Anton too ya kasi, et pati say dagem tan saray daluyon et ontotoluk irad sikato?

Mateo 8:27 Referans Kwoze

Marcos 7:37

Ontan lay pankelaw da ray akadngel ed sayan balita tan inkuanda, “Agaylay abig na amin a gagawaen to! Iitdan toy pakadngel iray telek, tan pakasalita iray emel!”

Marcos 6:51

Akilogan ed kawalaan dan baloto. Kabebekta, tinmonda may maksil a dagem. Nikelawan a maung iray disipulo,

Marcos 1:27

Agaylay pankelaw dan amin, kanyan nantetepetan ira, “Anto ya kasi? Balo ya kasin bangat? Walay pakaoley to yan too a mangganggan ed saray maoges ya ispiritu, et oonuren da!”

Mateo 15:31

Mankelaw iray totoo nen naimatunan dan mansasalita la ra may emel, inmaabig la ra may lopuy, manaakar la ra may piley, tan makakanengneng la ra may bulag. Inggalang da so Dios na Israel.

Mateo 14:33

Inggalang na saramay walad baloto si Jesus tan kuanda, “Tua a sikay Anak na Dios!”

Mateo 8:10

Mankelaw si Jesus nen nadngel to ya. Inkuantod saray totoon manomtombuk ed sikato, “Kuankod sikayo: ag ko ni akarumog na singa onyan pananisiay too, ya anggan diad Israel.

Mateo 8:26

“Akin et ontan lay takot yo?” kuanen Jesus. “Agaylay kapoy na pananisia yo!” Inmalagey ed satan si Jesus, tan ingganggan ton ontonday bagyo tan saray daluyon. Tinmondan tuay bagyo tan dinmeen so dayat.

Mateo 8:28

Nen sinmabiy Jesus ed lugar da ray Gadarino, diad nibaliw na dayat, inabet na duaran totoo a nanlapud saray inongib a lobuk. Inaponay dimonyo ra yan dua tan masebesebeg ira, kanyan anggapoy ondaralan ed saman a pasen.