Mateo 7:5 - Maung A Balita Biblia

⁵ Mansimpisimpitan! Ekal mo nin onona so troson wadtad matam, insan ka makanengneng a maung tan naekal moy mokat ed matay agim.

Maung a Balita Biblia

⁵ Mansimpisimpitan! Ekal mo nin onona so troson wadtad matam, insan ka makanengneng a maung tan naekal moy mokat ed matay agim.

Mateo 7:5 Referans Kwoze

Lucas 6:42

Panoy pangibagam ed agim, ‘Agi, gala pa ta ekalen koy mokat ed matam,’ no ag mo nanengneng so troson wadtad dilin matam? Mansimpisimpitan! Ekal mo nin onona so troson wadtad matam, insan ka makanengneng a maung tan naekal moy mokat ed matay agim.”

Lucas 13:15

Inmebat ed sikato so Katawan, “Mansimpisimpitan kayon talaga! Ag yo ta ookbaren a painumen so baka o asno yo no Agew na Panagpainawa?

Lucas 4:23

Kanyan inkuantod sikara, “Andisaew ya ibaga yod siak imay oliran: ‘Doktor, tambal moy laman mon dili!’ Ikuanyo met ni, ‘Gawam met ed dilin baley mo ray abalitaan min ginagawam ed Capernaum!’”

Mateo 22:18

Amta nen Jesus so maoges a getma ra kanyan inkuanto, “Mansimpisimpitan kayo! Akin et labay yo ak ya erelen?

Lucas 12:56

Mansimpisimpitan kayo! Amta yon ipatalus iray nanengneng yod tawen tan dalin, akin balet et ag yo amtan ipatalus iray tanday panaon natan?”

Saray Gawgawa 19:15

Balet inmebat imay maoges ya ispiritu, “Kabat koy Jesus tan amtak si Pablo, balet sikayo—siopa kayo?”

Mateo 7:3

Akin et iimanoen moy mokat ed matay agim, balet et ag mo nanaimanoy troson wadtad dilin matam?

Mateo 7:4

Panoy pangibagam ed agim, ‘Gala pa ta ekalen koy mokat ed matam,’ no walay troso ed dilin matam?

Mateo 7:6

“Ag yo iiter ed saray aso so bengatlan masanto, ta poliktaran tan ketketen da kayo. Ag yo met ibabantak ed saray baboy iray alahas yo, ta gatingatinan da ra labat.”