Mateo 7:28 - Maung A Balita Biblia

²⁸ Kasumpal to ra yan imbaga nen Jesus mankelaw iray totood impambangat to,

Maung a Balita Biblia

²⁸ Kasumpal to ra yan imbaga nen Jesus mankelaw iray totood impambangat to,

Mateo 7:28 Referans Kwoze

Lucas 4:32

Mankelaw irad panagbangat to, ta walay pakaoley so salita to.

Marcos 1:22

Mankelaw iray totoo a dinmengel ed sikato ta walay pakaoley ton nambangat ed sikara, tan aliwan singa saray iskriba.

Juan 7:46

Inmebat ira may guardia, “Anggapo niy toon nansalita a singa panagsalita to man a too!”

Marcos 6:2

Kasabiy Agew na Panagpainawa, ginapoan toy nambangat ed sinagoga. Amayamay ed saray totoon wadman so mankelaw nen sikatoy nadngel da. Inkuanda, “Iner kasiy angalaan to yan too na saraya? Nanasulan to kasi na onya lan kakabatan? Panoy pakagawa toy onya la ran milagro?

Lucas 4:22

Indayew na amin a totoo, tan mankelaw irad saray mararakep a salita to. “Aliwa tan sikato ya may anak nen Jose?” tepet da.

Juan 7:15

Mankelaw iray Judio tan kuanda, “Akin et amayamay so amta to yan too, anta ag balut nanaral?”

Mateo 22:33

Nen nadngel ya na totoo, ontan lay pankelaw dad saray bangat to.

Lucas 19:48

Balet ag da amta no panoy pamatey da, ta agaylay karerengel ed sikato na amin da ray totoo.

Marcos 11:18

Sayan inkagawa nadngelan na saray manonan papari tan saray iskriba, kanyan ginapoan day mananap na pakapatey dad kinen Jesus. Antakot irad sikato lapud mankelaw iray totoo ed saray bangat to.

Mateo 26:1

Kasumpal nen Jesus ya imbangat ira yan amin, inkuantod saray disipulo to,

Mateo 11:1

Kasumpal a binilin nen Jesus iray labinduan disipulo to, tinmaynan ed saman a pasen tan linman nambabangat tan nampupulong ed saray baley ya asingger diman.

Saray Salmo 45:2

Sikay sankaguapoan ed amin da ray lalaki; marunong kan manalita. Bibindisionan ka lawas na Dios!

Mateo 19:1

Kasumpal nen Jesus ya imbaga ra ya, tinmaynan ed Galilea tan linmad lugar na Judea, diad nibaliw na Ilog na Jordan.

Mateo 7:27

Sinmabiy maples ya oran, dinmelap, tan katekep to niy maksil a bagyon binmasig ed saman ya abung. Nagba yan abung, tan makapataktakot so inkagba to!”

Mateo 7:29

ta imbangat to ran walay pakayari, aliwan singa panagbangat da ray iskriba.

Lucas 2:47

Mankelaw iray amin ya akadngel ed sikato, lapud kakabatan tan saray ebat to.

Lucas 7:1

Kasumpal nen Jesus ya imbaga ra ya amin ed saray totoo, linmad Capernaum.