Mateo 7:23 - Maung A Balita Biblia

²³ Balet ikuankod sikara, ‘Ag ta kayon balut kabat. Arawi kayod siak, sikayon managgaway kaosgan!’”

Maung a Balita Biblia

²³ Balet ikuankod sikara, Ag ta kayon balut kabat. Arawi kayod siak, sikayon managgaway kaosgan!

Mateo 7:23 Referans Kwoze

Mateo 25:41

“Insan ikuantod saray walad nikawigi to, ‘Arawi kayod siak, sikayo ran insambay Dios! Lakayod apoy ya andi-anggaan a niparaan ed Diablo tan saray anghil to!

Saray Salmo 6:8

Arawian yo ak, amin yon managgaway kaogsan: Dedengelen ak na Katawan ed pannangnangis ko;

Lucas 13:27

Balet ikuanto lamet, ‘Ag ko amta no iner so nanlapoan yo. Arawi kayod siak, sikayon managgaway kaogsan!’

Lucas 13:25

No inmalagey lay panguloy pamilya tan inkaput to lay puirta, wala kayod paway tan ontoktok kayo. ‘Katawan,’ inkuanyo, ‘lokasan mo kami pa!’ Onebat ed satan, ‘Ag ko amta no taga iner kayo!’

Mateo 25:12

Balet inmebat imay nubio, ‘Kuankod sikayo, ag ta kayo kabat!’”

Juan 10:14

Siak so maung a pastol. Kabat ko ray karnirok tan kabat da ak,

Puyan 22:15

Balet natilak ed paway na siudad iray marotak so panagbilay da, saray managanito, saray managkasalanan na inmoralidad, saray managpatey na too, saray manangigalang ed saray talintaoy diriyos, tan saray matitila diad salita tan gawa.

2 Timoteo 2:19

Balet ag natenyeg so malet a pundasion ya inletneg na Dios; tan amarkaan na onya ran salita: “Kabat na Katawan no siopa ray kayaryan to”; tan, “Nepeg ya onarawid kaogsan so siopaman ya ontawag ed Katawan.”

Saray Salmo 5:5

Ag mo nitepel a nengnengen iray totoon mapaatagey; kabosul mo ray managgaway kaogsan.

Saray Salmo 119:115

Arawian yo ak, sikayon totoon maoges. Onuren ko ray ganggan na Dios ko.