Mateo 7:11 - Maung A Balita Biblia

¹¹ No sikayo, anta maoges kayo, et amta yoy mangiter na pankaabigay anak yo, lalo la sirin a say Ama yon walad tawen et itdan to ray onkerew ed sikato na bengatlan pankaabigan da.

Maung a Balita Biblia

¹¹ No sikayo, anta maoges kayo, et amta yoy mangiter na pankaabigay anak yo, lalo la sirin a say Ama yon walad tawen et itdan to ray onkerew ed sikato na bengatlan pankaabigan da.

Mateo 7:11 Referans Kwoze

Santiago 1:17

Nanlapud tawen so balang maung tan nagnap a langkap; nanlapud Ama ya amalsad amin a liwawa. Sikatoy ag mangoman tan ag met panlapway bilonget diad ibeneg to.

Saray Taga Roma 8:32

Ag to kinawanan so dilin Anak to, no ag ingen inter ton imbagat para sikatayon amin! No inter tod sikatayoy Anak to, ag to met kasi iter ed sikatayoy amin a bengatla?

Saray Salmo 84:11

Say Katawan a Dios so manangyagel tan mapagalang ya ari tayo, kakasian to tayo tan iitdan to itayoy kagalangan. Ag to isisiblet so antokaman a kaabigan ed saray manggagaway kaptekan.

Juan 3:16

Ta diad ontan lan panangaroy Dios ed sankamundoan inter toy bogbogtung ya Anak to, pian siopamay manisiad sikato et ag nabalang no ag ingen nawalaay bilay ya andi-anggaan.

Isaias 49:15

Kanyan say Katawan oneebat, “Nalingwanan ta na ina so mansususon anak to tan ag to aroen so ogaw ya inyanak to? Anggan nalingwanan na ina so anak to, siak ag ta kayon balut nalingwanan.

Saray Salmo 86:15

Balet sika, Katawan, mapangasi tan maaro kan Dios, maanos ka, maabagey tan matoor ka lawas.

1 Juan 4:10

Sayay labay kon ibaga a panangaro: aliwan say panangaro tayod Dios, no ag ta say panangaro na Dios ed sikatayo nen imbaki toy Anak ton nibagat a makapaandi na kasalanan tayo.

Saray Salmo 86:5

Katawan, maung tan manamirdona ka, napno kay ag mangoman a panangaro ed amin da ray mampipikasid sika.

Genesis 8:21

Akapaliket ed Katawan so naangub ton balingit na samay bagat, kanyan inkuantod sikaton dili, “Ag ko lan balut isambay dalin lapud saray gagawaey too; amtak a manlapud ogaw ni, maoges lay kanunotan to. Ag ko lan balut deralen ya amin iray pinalsan mabilay a singa ginawak.

1 Juan 3:1

Nengneng yo so ontan lan panangaroy Ama ed sikatayo! Diad kabaleg na panangaro to atawag itayon anak na Dios—tan saya et tua. Ag itayo kabat na sankamundoan, ta say sankamundoan ag to akabat so Dios.

Genesis 6:5

Nen anengneng na Katawan so ontan lan kaogsan na amin a totoo ed tapew na dalin, say ontan lan kinaoges lawas na kanunotan da,

Mikias 7:18

Anggapoy dios a singa sika, O Katawan; pipirdonaen moy kasalanan da ray totoom ya apaliisan day patey. Ag ka mampasnuk ya ando lan ando, no ag ta panliketan mon ipanengneng so ag mangoman a panangarom.

Malakias 1:6

Say Katawan a Makapanyarin-amin kuantod saray papari, “Say anak papagalangan toy ama to, tan say aripen papagalangan toy amo to. Siak so ama yo—akin et ag yo ak pagalangan? Siak so amo yo, akin et ag yo ak itday galang? Babalawen yo ak balet tetepeten yo, ‘Panoy pamabalaw mid sika?’

Saray Salmo 85:12

Say Katawan paaligwasen to itayo, tan say dalin tayo mambungay daakan.

Saray Taga Roma 3:19

Natan amta tayo ya amin iray walad Ganggan et para saray walad silong na Ganggan, pian napatonda toy pambabaraan na amin a katoowan tan napasilong tod panagsintinsia na Dios so sankamundoan.

TAGA GALACIA 3:22

Balet ibabagay Masanton Sulat ya amin a katoowan et aripen iray kasalanan, pian diad ontan diad panamegley na pananisiad Jesu-Cristo et niiter ed saray mananisia so sipay Dios.

Saray Taga Roma 3:9

Sikatayo ran Judio, maung ni kasiy kipapasen tayo nen saray Hintil? Andin balut! Ta pinaneknekan mi la ya ooleyan na kasalanan iray amin a Judio tan amin a Hintil.

Jeremias 33:14

Inkuan na Katawan, “Onsabiy panaon a sumpalen koy sipan kod saray totood Israel tan Juda.

2 Samuel 7:19

Balet natan, lalon dakel so gagawaen mo, Katawan a Dios; nansipan kay nipaakar ed saray kabyangay pamilyak diad arapen a panaon. Inyabuloy mon naamtaan ya na too, Katawan a Dios!

Oseas 14:2

Pawil kayod Katawan, tan iyapay yo yan pikakasi ed sikato: “Pirdonam pan amin iray kasalanan mid sika, Katawan, tan dengel mo pay pikakasi mi; et diad ontan idayew mi ka onung na insipan mi.

Jeremias 17:9

“Siopay makatalus ed puso na too? Anggapoy ontalona ed panamalikdo to; ag onabig so sakit to.

Say Libro nen Job 15:16

Say panggagawa na too ed kaogsan et singa kakainom to na danum; on, marotak tan andi-kakanaan so too.

Isaias 63:7

Salitaen ko so ag mangoman a panangaro na Katawan; Idadayew ko lapud amin a ginagawa ton para sikatayo. Daakan so impamindision tod saray totood Israel lapud panangasi tan say ag mangoman a panangaro to.

Mateo 7:10

O itdan yo kasiy oleg no mikerew na sira?

Mateo 23:9

Tan nepeg ya ag yo tatawagen so siopaman a too na ‘Ama’ diad dalin, ta saksakey so Ama yon walad tawen.