Mateo 6:25 - Maung A Balita Biblia

²⁵ “Sikato yay makasengeg na pangibabagaan kod sikayo ya ag kayo mapagpagad pambilay yo, no antoy kanen tan inomen yo, o antoy ikawes yo. Ag ta mamabli niy bilay nen say kakanen? Ag ta mamabli niy laman nen say kawes?

Maung a Balita Biblia

²⁵ Sikato yay makasengeg na pangibabagaan kod sikayo ya ag kayo mapagpagad pambilay yo, no antoy kanen tan inomen yo, o antoy ikawes yo. Ag ta mamabli niy bilay nen say kakanen? Ag ta mamabli niy laman nen say kawes?

Mateo 6:25 Referans Kwoze

FILIPOS 4:6

Ag yo pampapagaay antokaman a bengatla. Kerew yo ingen ed Dios iray amin a nakaukolan yo diad panamegley na pikakasin tinekepay pisasalamat.

1 Pedro 5:7

Imatalek yod sikato ray amin a kapagaan yo, ta asikasoen to kayo.

Saray Taga Roma 8:32

Ag to kinawanan so dilin Anak to, no ag ingen inter ton imbagat para sikatayon amin! No inter tod sikatayoy Anak to, ag to met kasi iter ed sikatayoy amin a bengatla?

Saray Salmo 55:22

Imatalek mod Katawan iray gunigon mo, et iyagel to ka; ag ton balut aabuloyan a natalo iray totoon matonung.

Mateo 6:31

Kanyan ag kayo mapagpaga. Ag kayo tepet a tepet na: ‘Antoy kanen mi kasi?’ o ‘Antoy inomen mi kasi?’ o ‘Antoy ikawes mi kasi?’

Marcos 4:19

balet deralen ira na saray kapagaan na panagbilay, say inkaagom ed kayamanan, tan say alablabas a pampirawat ed arum ni ran bengatla; kanyan ag ira mambunga.

Mateo 10:19

No iyakar da kayod korti, ag kayo mapaga no antoy ibaga yo, o no panoy pangibaga yo. Diad satan ya oras, onsabid kanunotan yoy ibaga yo.

1 CORINTO 7:32

Labay ta kayon iyarawi ed saray kapagaay bilay. Say lakin anggapoy asawa et mapaga ed saray kimey a nipaakar ed Katawan, no panoy pamaliket tod Katawan.

Mateo 6:34

Ag kayo sirin mapaga ed nakaukolan yo nabwas, ta say ontombuk ya agew makaoley lad saray dilin kapagaan to. Ag yo la iyaarum ed sayan agew iray kapagaan nabwas.”

2 Timoteo 2:4

Nakaukolan a say sondalon manlilingkur manggaway bengatlan panliketay opisyal to. Kanyan ag to nepeg so mibabalid bengatlan aliwan matokuy ed inkasondalo to.

Lucas 8:14

Saramay ilik a dinmapod kasabitan aliling day totoon ondedengel, balet dederalen ira na saray gunigon, kayamanan, tan minumundon likeliket na panagbilay, kanyan ag ontatakken iray bunga ra.

Mateo 13:22

Saramay ilik a dinmapod kasabitan aliling day salitay Dios a dedengelen na totoo, balet kabebekta dederalen na saray kapagaan na panagbilay tan say inkaagum ed kayamanan, kanyan ag ira mambunga.

Lucas 12:11

“No awiten da kayon akusaen ed saray sinagoga o diad arap da ray gobirnador o arum iran manoley, ag yo pampapagaan no panoy pangyagel yod sikayon dili o no antoy ibaga yo.

Marcos 13:11

No erelen da kayo tan akusaen da kayod korti, ag kayo mapaga no antoy ibaga yo. Diad satan ya oras, ibaga yoy antokaman a niiter ed sikayo. Ta saray ibaga yo et manlapud Ispiritu Santo, aliwan diad sikayon dili.

Jeremias 45:5

Aanapen moy nidoman bengatlan para sikan dili? Ag mo la itutuloy, ta deralen koy amin a katoowan; anggaman ontan, nipaliis kad patey anggan iner so laen mo. Siak, say Katawan, so nansalita.”