Mateo 6:2 - Maung A Balita Biblia

² “Kanyan no mangiter kay payabol, ag ka mamapaknul na trumpita a pangipakabat mo, a singa gagawaen da ray totoon mansimpisimpitan diad saray sinagoga tan daladalan. Gagawaen da ya pian idayew iray totoo. Tandaan yo ya! Naawat da lay tumang da.

Maung a Balita Biblia

² Kanyan no mangiter kay payabol, ag ka mamapaknul na trumpita a pangipakabat mo, a singa gagawaen da ray totoon mansimpisimpitan diad saray sinagoga tan daladalan. Gagawaen da ya pian idayew iray totoo. Tandaan yo ya! Naawat da lay tumang da.

Mateo 6:2 Referans Kwoze

Mateo 6:5

“No mampikasi kayo, ag kayo mialalig ed saray mansimpisimpitan a totoo. Labalabay day akaalagey a mampikasi diad saray sinagoga tan suysuyok na dalan, pian nanengneng iray amin a totoo. Tandaan yo ya! Naawat da lay tumang da.

Mateo 6:16

“No manayuno kayo, ag yo aaligen iray mansimpisimpitan a totoo. Liberliber iran nengneng day maermen tan narasan, pian naamtaay totoon manaayuno ra. Tandaan yo ya! Naawat da lay tumang da.

Juan 5:41

“Ag ko aanapey pangigalang na totoo ed siak.

Saray Hebreo 13:16

Ag yo lilingwanay manggaway kamaungan tan mantutulongan kayo, ta sikara yay bagat a makapaliket ed Dios.

Lucas 20:46

“Manalwar kayod saray iskriba, a labalabay day akar-akar ya andokey so saloy na kawes da, tan igalgalang irad publiko. Labalabay dan pilien iray manonan yorungan ed saray sinagoga tan diad saray ponsia.

Juan 7:18

Say toon manlapud sikaton diliy bangat to, say kitanduro toy aanapen to. Say mananap balet na pakagalangay angibakid sikato, matwa tan matonung.

1 Pedro 4:11

Sarag moy mampulong? Ipulong moy salitay Dios. Sarag moy manlingkur? Ikanam ed panaglingkur so biskeg ya inter na Dios ed sika; diad ontan, napagalangay Dios ed amin a bengatla, diad panamegley nen Jesu-Cristo. Kayaryan na Dios so galang tan pakayari ed ando lan ando! Amen.

Saray Salmo 37:21

Miuutang so toon maoges et ag to babayaran, balet maiter tan matulong so maung a too.

TAGA-EFESO 4:28

Say toon matakew nakaukolan ya ag la mantakew, no ag ta mankimey la na anggan anton aliwan mabanday a kimey, pian makatulong ed saray mairap-bilay.

TAGA GALACIA 2:10

Say kinerew da labat et say ag mi pamaolyan ed saray mairap-bilay, a sikato lay gendat a pampipilalekan kon gawaen.

Saray Gawgawa 10:4

Ninengneng ton maung imay anghil tan agaylay takot ton inmebat, “Antoman?” Inmebat imay anghil, “Binirbir na Dios so panagpikasim tan panagtulong mod kaparam a too, tan anunotan to ka.

Oseas 8:1

Say Katawan kuanto, “Paknul yoy trumpita! Singa agilan onsisibar ed dalin ko iray kalaban! Dineral na saray totook so impisipanan kod sikara tan sinumlang day ganggan ko.

1 Timoteo 6:18

Ibangat mo ran manggaway kamaungan, mampayaman irad saray maung a gawa, mabonluk irad panangiter, tan sipaparaan iran mangyapag ed saray arum na kayaryan da.

Saray Taga Roma 12:8

no panagsimbawa, manimbawa tayo. Say mangyapag na kayamanan to, nepeg a mangiter a mabonbonluk; say walad oley, mankoli; say mangasid kapara ton too, gawaen ton sililiket.

Saray Gawgawa 24:17

“Pigay taon ya anggapo ak ed Jerusalem, insan ak pinmawil a mangiter na tulong ed saray kabaleyan ko, tan mangibagat ed Dios.

Saray Gawgawa 10:31

tan inkuanto, ‘Cornelio, dinengel na Dios so panagpikasim tan binirbir toy panagtulong mod kaparam a too.

Saray Gawgawa 10:2

Rilihioso yan too tan walay takot to ed Dios; ontan met na intiron pamilya to. Amayamay lay intutulong tod saray Judio, tan naynay a mampikasid Dios.

Saray Gawgawa 9:36

Diad Jope wala met so sakey a biin mananisia a manngaray Tabita. (Diad salitay Grigo say ngaran to Dorcas, ya “sakey ya ulsa” so labay ton ibaga.) Anggapo lay arum a gagawaen to no ag say panggawa toy kamaungan tan panulong tod saray mairap-bilay.

Juan 13:29

Lapud si Judas so mambebembey kuarta, abaloan na saray arum a disipulo a pansaliwen nen Jesus na saray onkana no pista, odino ibabaki ton mangiter ed saray mairap-bilay.)

Juan 5:44

Panoy panisia yod siak anta aanapen yoy dayew a manlalapud too, aliwan say dayew a manlalapud saksakey a Dios?

Lucas 6:42

Panoy pangibagam ed agim, ‘Agi, gala pa ta ekalen koy mokat ed matam,’ no ag mo nanengneng so troson wadtad dilin matam? Mansimpisimpitan! Ekal mo nin onona so troson wadtad matam, insan ka makanengneng a maung tan naekal moy mokat ed matay agim.”

Marcos 12:39

Labalabay dan pilien iray manonan yorungan ed saray sinagoga tan saray sankaabigan a pasen ed saray ponsia.

Probirbio 20:6

Sasalitaen na balang sakey no panoy inkatoor to, balet salim ya anapen no siopay tuan matoor!

Probirbio 19:17

No mangiter kad saray mairap-bilay singa papautangen moy Katawan, et say Katawan so mambayar ed sika.

Saray Salmo 112:9

Maiter ed saray mairap-bilay, tan ag manganggay panangasi to; magmaliw a makapanyari tan galangey totoo.

Filemon 1:7

Pinablin agi, aliketan tan aligliwa ak a maung lapud panangarom, ta apabiskeg moy linawa na amin da ray totooy Dios.

1 TESALONICA 2:6

Ag mi inanap so pangidayew yod sikami o say pangidayew ed sikami na saray arum a totoo,

Saray Gawgawa 11:29

Nampapaknaan da ray disipulo a mangiter iran amiy tulong ed saray agagin manaayam ed Judea, onung ed nayarian ya iter na balang sakey.

Lucas 13:15

Inmebat ed sikato so Katawan, “Mansimpisimpitan kayon talaga! Ag yo ta ookbaren a painumen so baka o asno yo no Agew na Panagpainawa?

Lucas 12:56

Mansimpisimpitan kayo! Amta yon ipatalus iray nanengneng yod tawen tan dalin, akin balet et ag yo amtan ipatalus iray tanday panaon natan?”

Lucas 12:33

Ilako yo ray kayaryan yo, tan mangiter kayod saray mairap-bilay na nanlakoan yo. Manggawa kayo ray pitakan ag ondaan, tan mantipon kayo na kayamanan yo ed tawen yo, ta ag nabawasan diman, ag natakew, tan ag naderal na bokbok.

Lucas 11:43

“Pakaskasi ki la, sikayon Pariseo! Labalabay yoy onyorung ed manonan yorungan ed sinagoga. Labalabay yo met so paigalang ed publiko.

Lucas 11:41

Iter yod saray mairap-bilay so walad saray tasa tan plato yo, et nalinisan onung ed ganggan para sikayo ray amin a bengatla.

Lucas 6:24

“Pakaskasi ki la, sikayon mamayaman, ta naawat yo lay ligliwa yo!

Marcos 7:6

Inmebat si Jesus ed sikara, “Duga so imbaga nen Isaias nipaakar ed sikayo. Mansimpisimpitan kayo, onung na insulat to: ‘Inkuay Dios— Gagalangen ak na sarayan totoo diad panamegley na bibil da; balet diad tuay tua, arawrawid siak so puso ra.

Mateo 24:51

Dusaen a maung na amo to tan ipila tod kawalaan da ray mansimpisimpitan a totoo. Onnangis diman tan onngalatenget iray ngipen to.”

Mateo 23:6

Labalabay day sankamaungan iran pasen diad saray ponsia tan saray yorungay kagalangan diad sinagoga.

Mateo 22:18

Amta nen Jesus so maoges a getma ra kanyan inkuanto, “Mansimpisimpitan kayo! Akin et labay yo ak ya erelen?

Mateo 16:3

Balet diad kabwasan ikuanyo, ‘Makapoy so panaon, ta ambalanga tan malorem so tawen.’ Amta yon parlesan so panaon diad pakanengneng yoy tawen, ag yo balet natalusan iray tanday panaon natan!

Mateo 15:7

Mansimpisimpitan kayon totoo! Tuay imbaga nen Isaias nipaakar ed sikayo: ‘Inkuay Dios—

Isaias 58:7

Itdan yo na kakanen iray narasan tan parawes yod kaabungan yo ray mairap-bilay ya anggapoy abung. Itdan yo na kawes iray anggapoy nipales, tan ag yo papaliisay pakatulong yod saray kakanayon yo.

Isaias 9:17

Ag yabuloy sirin na Katawan a makabatik so siopaman ed saray tobun-balo, tan ag to kasian so siopaman ed saray balo tan saray olila, lapud anggapoy Dios da ray amin a totoo tan maoges ira tan kaogsan ya amin so sasalitaen da. Anggaman ontan ag ni ontonda so pasnuk na Katawan, no ag ingen siansia nin akaonat so lima ton manusa.

Ecclesiastes 11:2

Mangipoonan kad pigaran lugar—anggan diad amayamay a lugar—ta ag mo amta no antoy onsabin maoges ed sika diad sayan mundo.

1 Samuel 15:30

“Nankasalanan ak,” ebat nen Saul. “Balet pagalangan mo ak pa ni labat diad arap da ray pangulo na totook tan amin a totood Israel. Mila kad siak pian nigalang koy Katawan a Dios mo.”

Mateo 7:5

Mansimpisimpitan! Ekal mo nin onona so troson wadtad matam, insan ka makanengneng a maung tan naekal moy mokat ed matay agim.

Mateo 5:18

Tandaan yo ya! Naandi so tawen tan dalin, balet anggan say sankamelagan a kabyangay Ganggan so ag naandiay kana anggad pakasumpal na amin a bengatla.

Isaias 10:6

Imbakik so Asiria ya ondogpa ed sakey a bansan anggapoy Dios to, diad saray totoon amapetang na olok. Imbakik iray taga Asiria a mansamsam, mantakew, tan mangigatin-gatin ed saray totoo a singa ra dotak ed saray dalan.”

Mateo 6:3

No mangiter kay payabol, ag mo ipapaamta ed anggan siopa a maasingger ed sika.

Mateo 23:5

Labay da labat ya ipanengneng ed saray totoo iray amin a gagawaen da. Nengneng yoy kakabaleg na pilaktiria a pangiinan day bersikuloy Masanton Sulat ed muling da! Nengneng yo met so ontan lan karokey na palagaygay na kawes da!

1 CORINTO 13:3

Anggaman ya iter kod saray mairap-bilay iray amin a kayaryan ko, o ibagat koy laman kon papoolan, no anggapo balet so arok, anggapoy kaabigan a niiter to yad siak.